[quote]Originally posted by [i]Kian76[/i] at 2006-2-11 11:54 PM:
當時既佢其實唔算係最差，但的確開始被投閒置散...... [/quote]
但的確唔用佢就連勝.......
[size=6][color=Maroon][b]托迪精神受諸方稱贊 羅馬旗手影響場內場[/b][/color]外[/size]
( 消息來源：體壇周報 ) 2006-02-10 23:49
不管裁判吹得好與壞，羅馬首先要感謝托迪。派洛達的第一球是托迪助攻，卡利亞里的紅牌是托迪制造，終場前的兩個點球也都由托迪冷靜罰入，此外托迪還打中門柱一次。
「最後打那個點球可真不容易，但我還是走向罰球點，全力以赴。沒錯，(前隊友)基文迪是了解我的，他知道我可能會往哪踢，但總之我能進他的門。我選擇了簡單的大力射門，因為球場上有很多泥，我怕滑倒。」對羅馬的8連勝，托迪說道：「我們所有人都很想打破卡比路的紀錄。下一個目標就是(意甲紀錄)10連勝，載入史冊。」
賽前托迪曾說：「我在比賽中遭受了太多碰撞，無法正常訓練。」史巴列堤也猶豫是否讓托迪在接近零度的氣溫下登場，「今天他能上場，是因為他愛這座城市。托迪有很多傷痛，特別是腳踝傷讓他無法大力踢球。但我相信他最終能完全進入比賽。」
史巴列堤的選擇沒錯，托迪咬牙上場並發揮出色。意大利隊主帥納比也肯定了托迪的精神，「場上的確有很多碰撞，我很欣賞托迪的大度，他不對別人的犯規作出任何過激反應，說明他現在非常成熟。」
連總理也想對托迪說兩句。比利不久前曾稱贊托迪是世界最佳，周三比賽當晚貝魯斯科尼說：「托迪當然是最佳球員，比利能這麼說，說明比利非常紳士。」當問及是否會買托迪時，貝魯斯科尼說道：「足球界的旗幟性人物沒人賣，也買不來。順帶說一下，我之所以買進尼斯達，是當時拉素因為經濟問題要將他賣掉。我本以為拉素會留住他的，後來看到球員很可能加盟祖雲達斯，如果我不買，自然就會加強對手，所以我就買入了尼斯達。」
為了替對利禾奴一戰羅馬球迷的納粹標語贖罪，周四在董事長羅塞拉帶領下，托迪等羅馬隊一行前往羅馬市政廳，與奧斯威辛集中營和希伯來團體的代表會面。同時有消息傳來，托迪、簡拿華路、哥連拿與韋利一道成為2006年世界杯世界兒童福利救助大使。正如貝魯斯科尼所說，托迪是面旗幟，只不過不再局限於足球圈了。
[quote]Originally posted by [i]abc123aa[/i] at 2006-2-11 11:55 PM:
但的確唔用佢就連勝....... [/quote]
但的確是皇馬浪費了他，正因為中路己被施丹甚至碧咸、墮後的魯爾所佔據了，本來經常插入中路參與組織的費高局住單在右路做他的突破快放，而且皇馬的組織力倒退，各自為政，加上年紀漸大加速力下降，費高要成功突破落底傳中就難上加難，而就算落到底傳中了也沒有人接應，魯爾是一名後衛，經常要回後場幫手搶波而回不到前場，朗拿度是勤力的世界級前鋒，只要他去搶點的話基本上必入，但可惜球迷永遠也看不到這情境......施丹、碧咸就更不會插入去了，以前是有一個前鋒魯爾和摩連迪斯的。
[quote]Originally posted by [i]Kian76[/i] at 2006-2-12 12:06 AM:
但的確是皇馬浪費了他，正因為中... [/quote]
魯爾雖然係打自由人,但不足以用後衛黎形容佢......佢係會係後場搶波,但佢該不會唔走返上去吧......而且費高攞住個波扭又扭唔到,落到底又出唔到波,佢自己都打得唔好,叫皇馬點樣繼續用佢.........無謂兩敗俱傷呀~
[quote]Originally posted by [i]abc123aa[/i] at 2006-2-12 01:01 AM:
魯爾雖然係打自由人,但不足以用後衛... [/quote]
始終問題所在都係皇馬胡亂買人。一年一星政策令球隊的部署完全被打亂了，又炒了迪保斯基......我說魯爾是後衛的意思不是指責他，只是他經常要回後場搶波，基本上冇時間俾佢返回前場幫手組織OR入波，佢返到去前場時可能攻勢己經完結或入了波。俾人攻番轉頭時又要返後，如是者不斷都係停留在中後場，仲點樣可以踏入對手禁區搵位射波？？沒有了魯爾，費高的傳中的確沒有人去接應，而且也沒有人協助費高落底，當時的碧咸在皇馬只懂簡單的駁腳，基本上同費查在曼聯冇乜分別，幫不上忙，沙加度又因後防空虛問題經常不能上前協助費高，施丹在左路，唔多關事，朗拿度不會幫手，所以費高基本上係要單打獨鬥，試問一場波入面一個32、3歲的球員能鬥多次回合？？季初的巴迪斯達某程度上是因為皇馬完全沒有組織力被逼單打獨鬥而表現一般(差波不等於組織)，往往差完一大輪到最後都係要各球星玩ONE ON ONE、TWO等......咁又使乜差咁耐呢？？所以季初的皇馬實在看不過眼。現在的皇馬與羅馬一樣，踢出來的是一個整體，不再是一個個體了。
[[i] Last edited by Kian76 on 2006-2-12 at 01:16 AM [/i]]
[quote]Originally posted by [i]Kian76[/i] at 2006-2-12 01:14 AM:
始終問題所在都係皇馬胡亂買人。... [/quote]
今年的皇馬真係變成左打整體的球隊,我好鍾意咁既打法,佢地個個都睇得好通透下,好過靠一兩個球員贏波呀~
當年碧咸o岩o岩加盟皇馬佢直情係打防中,教練根本冇叫佢去右路幫手,佢自然唔會去幫手,免得失左位又比人鬧........
[quote]Originally posted by [i]abc123aa[/i] at 2006-2-12 02:12 AM:
今年的皇馬真係變成左打整體的球隊,... [/quote]
有時其實幾唔鐘意碧咸怕蝕底既性格，有d時候明明可以去既波佢絕對唔會搏，佢第一時間有理冇理跳定先，可能佢覺得自己罰球有把握亦唔使受傷，可能係聰明，但總是覺得他這種習慣唔係咁值得保留，始終太錫身喇，冇左o個種感染力。其他隊友都好難以他為榜樣去搏，所以我一向都唔睇好他在英格蘭當上隊長，雖然星味十足，但始終似係個人的事多於球隊的事，有時佢搶晒風頭更有點兒覺得對其他隊友唔公平，但說到底他的確是比奧雲更有壓場感，只是末能令隊友為他而搏命姐。(換轉係謝拉特or林柏特甚至係舒拿做隊長會好d)其實身為右邊的防守中場，就更應該從後支援多一些身旁的右翼費高，但始終他當時做不到，正如費查與C.朗拿度是完全沒有互信一樣。
[quote]Originally posted by [i]Kian76[/i] at 2006-2-12 11:19 PM:
有時其實幾唔鐘意碧咸怕蝕底既性... [/quote]
錫身係正常,西甲d人既攔截唔係講笑嫁.......
你咁講我唔係好同意,的確你講中既一點就係有時可能太錫身,但試問下,佢唔錫身但經常受傷咁同錫身但有時佢可能會失左控球權比左波個人邊樣會嚴重d???
另外就係佢失左個波佢自己都會追返個波,追唔追到就另一個問題,我見過d人攔截碧咸既動作係好大好狼死,佢唔避就一定傷,唔好見到佢有時避波就質疑佢,佢做得國家隊隊長自然有佢既理由同埋公信力一定有,而且英格蘭入面經驗最多既都係佢,加利仔同奧雲,論壓場當然係碧咸最有壓場感,另外就係佢係皇馬初時係打防守中場,點解佢咁少幫手係右路出波或者同費高合作呢,我諗最大既原因係佢唔想因為幫得太多而失左位,而且我諗教練亦冇咁樣做,以皇馬一隊咁大既班霸,佢初黎報到就唔聽教練講,自己私自助攻,搞到球隊失波既話一定比人鬧死......
佢係皇馬既地位唔同係曼聯,係曼聯佢係副隊長,助攻助守佢自然會做,做錯都未必會比人鬧,但係皇馬就一定鬧硬
恭喜羅馬贏錫耶納二比零^^
[quote]Originally posted by [i]abc123aa[/i] at 2006-2-13 12:08 AM:
錫身係正常,西甲d人既攔截唔係講笑... [/quote]
但其實英超的攔截點睇都恐怖過西甲多多聲......一隊暴力般都夠殺......
只是比較不喜歡他太錫身，冇o個種火，哈哈！！但的確是聰明的做法。
無可否認，碧咸踢防守中場近乎末踢過一場好波。但現在踢番右中場都叫做有過一段小洋春。
[quote]Originally posted by [i]abc123aa[/i] at 2006-2-13 12:09 AM:
恭喜羅馬贏錫耶納二比零^^ [/quote]
好野！！9連勝！！只差一場勝杖就能平卡比路所留下來的10連勝紀錄！！加油呀！！然後直接在羅馬打毗戰中取得第11連勝破紀錄吧！！！
今場波新皇子迪羅斯和文仙尼各入一球！！！(對面錫耶納好狼，成6張黃牌)
[[i] Last edited by Kian76 on 2006-2-13 at 02:45 AM [/i]]
羅馬又嬴一仗. 今場費倫失分, 羅馬又追近少少.
文仙尼又有波入, 佢最近腳風好順.
[quote]Originally posted by [i]Kian76[/i] at 2006-2-13 02:35 AM:
但其實英超的攔截點睇都恐怖過西甲多多聲......一隊暴力般都夠殺......
只是比較不喜歡他太錫身，冇o個種火，哈哈！！但的確是聰明的做法。
無可否認，碧咸踢防守中場近乎末踢過一場好波。但現在踢番右中場都叫做有過一段小洋春。[/quote]
各有各,而且碧咸踢慣英超,佢知咩事,但係西甲佢都仲未係好熟悉........
碧咸早排可能有d傷,踢唔起,搞到施仙奴打兩份工咁......:o
[quote]Originally posted by [i]brightman[/i] at 2006-2-13 02:49 AM:
文仙尼又有波入, 佢最近腳風好順. [/quote]
係呀~超勁= ="
[quote]Originally posted by [i]Kian76[/i] at 2006-2-13 02:37 AM:
好野！！9連勝！！只差一場勝杖就... [/quote]
唔止文仙尼,迪羅斯都好似成日有波入咁@@"
[[i] Last edited by abc123aa on 2006-2-14 at 12:18 AM [/i]]
好野~~~太好了~~!!!勁ar 又嬴~~~
而家唔洗下下都靠totti...同埋下下都嬴人2,3球..真係好...
國米輸波...羅馬或者可以追上去第二位.
[quote]Originally posted by [i]Kian76[/i] at 2006-2-13 02:37:
好野！！9連勝！！只差一場勝杖就... [/quote]
lazio加油
[quote]Originally posted by [i]brightman[/i] at 2006-2-13 02:46 AM:
羅馬又嬴一仗. 今場費倫失分, 羅馬又追近少少. [/quote]
[quote]Originally posted by [i]brightman[/i] at 2006-2-13 02:49 AM:
文仙尼又有波入, 佢最近腳風好順. [/quote]
正啦！！！文仙尼真係好正，哈哈！！