對[音樂]有感而發[樂]
如果你不幸係一個蠻不講理同極度自私o既朋友 可以按上一頁睇其他內容了因為我唔係想吵架的
我而家20歲 我記得我中一開始用電腦 我有第一部電腦o既時候仲係windows 95 年代
而且係用56k上網, modem $800 幾蚊一個
我以前如果要買隻碟聽呢 我就要每日慳下d食飯錢 儲埋儲埋 1個月以內 大約就會買到
o個時大約百幾蚊隻碟
比完錢之後 隻碟係屬於我ga la 我沿途帶住隻碟返屋企都好開心 充滿期待
而且步伐會比平時快. 返到屋企即刻撕開包裝袋 先睇下個封面,有邊幾隻歌
再拎本歌詞出黎 睇下個歌手個樣 然之後入隻碟落CD機度 由第一隻歌開始聽
每一個音符都聽得好留心 而且享受
直到幾年前 有間店舖賣$25蚊一隻o既CD 我睇到真係好開心好開心 估唔到而家d碟比左咁多 不過聲音質素就差左好多 而且冇左本歌詞, 但係平就冇所謂啦.
過左一個月 先從其他人口中知道呢d碟係d人自己錄番黎 , 但係無論係點整呢d碟
對我黎講都冇咩分別 總之我就買平d o個d
過多排成龍出黎踩爆o西d碟 呢樣野原來叫[盜版]
原來佢地好唔鐘意呢樣野 而且會傷害到佢地 會好唔開心 同好激動
關我咩事傘
再過多一年有[WinMX]出現 winmx一出現, 差唔多每個喜愛音樂o既人都有裝
我唔再需要再用一分一毫去買碟聽 我可以下載 有d人會好好心 一買左隻碟就放上網比人下載 好多人會多謝佢 我係其中一個
我當時唔覺 同唔知自己有錯
賣$25隻碟的店舖 賣到$10蚊隻都冇人買 突然其中有一個商人向網上發佈用winmx會比人拉 警察同海關會上用家屋企敲門 呢件事引起所有winmx用家變成驚弓之雀 決定以後唔再用WinMX 住 , 洗心革面幫親番$10蚊碟o既商人
當然事情2個月未到已經敗露
當事人更發佈他的感受 當中提到WinMX令到佢地生意額大幅度下降
去到我18歲 讀電腦 學寫程式 當我完成我第一個程式o既時間 我o係度諗
哈哈 第時我再寫得好d 話唔定可以賣program 如果有好多人買就可以搵好多錢
如果我一隻賣$100蚊 有1000個人買 我o米搵到十萬! 哇諗起都好開心呀
突然!!!!!!!!!!!!!!!!!腦裹一閃
但係有老番wor 如果咁唔好彩比人番左......
而家一人個賣左番屋企 就可以同其他人分享 分享比其他999個人
我用成個月坐o係屋企辛辛苦苦做完o既野 最後只得一百蚊收入
咁我幾年前中三畢業去m記做 一日都成百蚊啦 做到今日唔覺意升埋經理光宗耀祖tim ar
我點解要益埋o個理死人頭呀 一百蚊 我o個個月電費都未交到 本都未回到呀
正一係賊 拉鬼o西佢地番差館啦 最好走火打埋靶佢
原來我幾分鐘前都要....
原來我係[錯]
各位 [錯]係一件事 [改]係一件事 當然有[錯]就要[改]係最標準o既做法
但係至少都要知[錯]
但係原來我今日先知 有人(包括數年前o既我)係原來唔知自己係[錯]!!!!!
更有網友 教人 [點話比自己知 我冇錯] [比人拉到要點做] [其實政府只係恐嚇下你]
點解大家懂事o既唔教人點樣可以做番o岩呀
又唔會有罪惡感 又可以真正享受番音樂
冇錢儲陣o米就有law 再冇o米唔好買law 聽住以前d歌先law 都唔好偷呀
知唔知點解以前d歌會興好耐 而家d歌興最多一個月呀
都冇人享受
當然一時間大家唔會咁快改到 但係知道我地做錯左就係第一步黎ga la
唔駛幾耐當我地思想成熟 就會完全做番o岩ge野 ga la
老番風暴之後 我一買正版就覺得自己高尚左少少 我財產唔容許我高尚 我都想品格高尚ga
希望大家一齊高尚d
最後想講多句 容許我地成熟ge時間唔會好耐 因為國際唱片協會今次係黎真
令政府都出師有名
We are only obey the law . We are not the law
就算以現今法律整唔死我地 政府修一修法例o既時間都係指日可待
我真係唔想咁細個就拍 監獄風雲-少年激悔版
[[i] Last edited by 樂壇渣Fit人 on 2006-2-17 at 07:08 PM [/i]] 你講得都岩，我地唔應該偷．
但係香港好多歌(旋律, 編曲, 效果)都係抄番黎. 音樂既制作人都唔知錯.
[url]http://www.26fun.com/bbs/viewthread.php?tid=101444[/url]
買香港碟真係要諗過....
係其他地方，個個歌手都參與創作．但係係香港有樣叫做＜唱作人＞既東西，大家以為好掂，但係根本唔掂．如果係成功既話，就唔會咁多人期待上一輩歌手復出．
香港市場又唔開放，好多外國碟都搵唔到．好多ｖｉｄｅｏ仲唔知邊度有得買．唯有ｄｌ，雖然知道錯．．． 我都知道這是錯...
但我真的是想聽更多的音樂呀...
請問有無實則可行的方法提供?
我自己很喜歡音樂也熱愛電影
所以電影我一定去戲院睇
一定唔睇翻版
亦唔dl
因為質素有分別
但音樂嘛
不是說不知道錯
我最喜愛的周杰倫,我有買他的cd
但買完之後
還是放在電腦上播mp3
和dl回來沒有兩樣,
無他,方便嘛
按一按keyboard,即播
唔駛開機攞cd入碟播放咁麻煩
結論是:買回來的原因,純粹是支持下自己欣賞的人
或是像maxmax1234閣下你的[令自己覺得人格高尚]
但實際上,花錢買回來的cd實在唔知道有咩用
雖然明知這樣下去樂壇發展很不健康
但純粹為了[支持樂壇]或[人格高尚]這類理由要掏錢買音樂實在未夠point服眾
甚至覺得人家不用錢自己嘥錢買很蝕底
有甚麼辦法呢
誰有高見可指教一下? 我以前都好同意marcojoey o既講法
不過其實我講咁多野都係想為大家好
至少呢排風頭火勢 大家唔好dl住 洗o西d sharing software
或者過多排 我地可以慢慢改善呢
記得 我只係為大家好而講咁多野 樂壇d野唔係好關我事 最大問題係好多人個人認為音樂質素差,所以要DL先O岩數,DL完仲要聲大大,講到自己冇錯咁,咁同非禮完D豬扒,O係度講風涼話冇乜分別 [quote]Originally posted by [i]阿感[/i] at 2006-2-1 06:07 PM:
最大問題係好多人個人認為音樂質素差,所以要DL先O岩數,DL完仲要聲大大,講到自己冇錯咁,咁同非禮完D豬扒,O係度講風涼話冇乜分別 [/quote]
講得好!!!!!!
如果嫌d歌屎, 仲DL來做mug? 同(口趙)完唱有分別? 你講得好岩，無錯dl係好唔岩，我都贊成～
但有時當你剛知道一個歌手或組合個名又唔知佢咩音樂style~
winmx係一個好幫手～
dl左落來試聽左先~
發覺岩自己～
咪會去買碟~
如果你知道歌手名又唔知道佢咩音樂類型～
買左返來唔岩自己～
甘咪浪費金錢～
其實mp3音質甘差都唔知有咩好聽～
dl落來試聽就唔錯～
真正享受音樂一定要買碟~
香港歌D人成日話屎～
又dl落來聽～
唔知佢地諗咩~ [quote]Originally posted by [i]ronald001120[/i] at 2006-2-3 12:52 PM:
你講得好岩，無錯dl係好唔岩，我都贊成～
但有時當你剛知道一個歌手或組合個名又唔知佢咩音樂style~
winmx係一個好幫手～
dl左落來試聽左先~
發覺岩自己～
咪會去買碟~
如果你知道歌手名又唔知道佢咩音樂類型～
買左返來唔岩自己～
甘咪浪費金錢～[/quote]
我同意你講法
我認為香港歌手太多 且不談哪個值得買
出碟太濫 幾個月就出一隻
有首新歌又整埋哂d 2nd edition甚至3rd edition
最深刻見過容祖兒一首chihuahua都出碟 o哂咀
呢d完全係唱片公司a錢既手法
一隻碟裡面 可能只有一兩首 好聽/喜歡 我又不是xx的fans
就算好亦冇可能用about80$買兩首歌 [quote]Originally posted by [i]cashlai2005[/i] at 2006-2-3 11:43 PM:
我同意你講法
我認為香港歌手太多 且不談哪個值得買
出碟太濫 幾個月就出一隻
有首新歌又整埋哂d 2nd edition甚至3rd edition
最深刻見過容祖兒一首chihuahua都出碟 o哂咀
呢d完全係唱片公司a錢既手法
一隻碟裡面 可能只有一兩首 好聽/喜歡 我又不是xx的fans
就算好亦冇可能用about80$買兩首歌 [/quote]
如果你覺得一首歌出一隻碟係呃錢,咁呢個唔單係香港o既問題,single碟在歐美,日本等地實屬平常;你話一隻碟裡面 可能只有一兩首 好聽/喜歡,如果出single會否比較合適?況且,香港亦有合法下載網站可供下載一,兩首歌,如[url]http://www.eolasia.com/[/url](網站有試聽提供);
講左咁多,其實大家都係俾緊藉口去合理法自己o既行為o者
[[i] Last edited by 阿感 on 2006-2-4 at 12:41 AM [/i]] [quote]Originally posted by [i]阿感[/i] at 2006-2-4 12:39 AM:
[/quote]
呢個網d歌嚴重缺乏喎
特別係台灣歌手 好多連名都冇
不過我講咩都冇用
因為自以為奉公守法既人往往都會撻一句 你為自己搵籍口姐
如果賣歌既網站搞得好 點搵籍口 我絕對唔係想不勞而獲
唔知點解政府只係一味捉d犯法既人
又唔去推動下合法下載 結果只會同老翻一樣 嚇到但制止唔到 [quote]Originally posted by [i]cashlai2005[/i] at 2006-2-4 03:34 PM:
呢個網d歌嚴重缺乏喎
特別係台灣歌手 好多連名都冇
不過我講咩都冇用
因為自以為奉公守法既人往往都會撻一句 你為自己搵籍口姐
如果賣歌既網站搞得好 點搵籍口 我絕對唔係想不勞而獲
唔知點解政府只係一味捉d犯法既人
又唔去推動下合法下載 結果只會同老翻一樣 嚇到但制止唔到[/quote]
自以為奉公守法既人?應該係話緊我啦
我唔係自以為奉公守法既人,亦非奉公守法既人,在貪婪心驅使下,非法下載我亦偶有為之
不過我想講o既重點係一般非法下載者o既態度,他們常常把責任推卸給別人"因為別人做得唔好,自己的行為是迫於無奈,責任不在自己";他們真的認為自己沒有責任嗎?
我在非法下載時明確知為自己是錯的,無奈克制不了自己的貪婪心,不過我也在嘗試盡力去克制它 其實作為一個有聽開時下香港流行歌o既人o黎講, 一時間要完全買正版兼完全唔非法下載, 係真係太強人所難...唯有係非法下載o黎聽o下先, 聽完之後覺得真係值得去俾錢買碟(合法下載)o既先至去買, 好似我而家咁, 一年大約都買到10隻8隻o既.^^"
但我覺得有D人成日話而家o既廣東歌好垃圾, 但又要不斷d/l落o黎聽喎, 如果係咁既話, 咁同"明知垃圾臭, 偏要食垃圾"有乜分別?
非法下載本身已經係錯, 但起碼情有可源. 但"非禮完D豬扒之後鬧返人轉頭"呢種行為就真係好唔要得.
最後想講, 其實而家時下D廣東歌唔係真係咁差, 反而一班現今o既香港歌手就真係要反省o下自己係咪真係"唱好音樂"喇...
頁:
[1]