今晚歐冠八強戰( 阿仙奴 對 祖雲逹斯, 賓菲加 對 巴塞隆拿)
今晚兩場波有一個特點,就係牌面靠弱既一隊首先主場出戰,
呢個次序令到佢地第一回合唔可以太保守...
有少少局攻既感覺...
阿仙奴對祖記...
祖記有尼維特停賽, 加上作客出擊...
覺得佢地都會以和為目的...
要阿仙奴主攻...又唔係佢地強項...
個人估計今場和: 0:0
賓菲加 對 巴塞隆拿...
上一輪比賽見到賓菲加既防守其實有好多漏洞...
今次對住可能係世界上最強攻擊力既巴塞...
個人覺得死路一條...
但巴賽今場後防唔齊腳...(一對中堅...一個停賽...一個好似傷左...)
有後顧之憂...
個人認為...巴塞可以輕鬆控制戰局...小勝對手... 阿仙奴唔係主攻咁佢隊波應該冇咩叻-_-" 祖雲後防近來差唔多場場都有失波
唔容易守和 路過一問:今晚幾點開波-_- [quote]Originally posted by [i]sing888[/i] at 2006-3-28 07:26 PM:
路過一問:今晚幾點開波-_- [/quote]
兩點四… [quote]Originally posted by [i]迷途小羔羊[/i] at 2006-3-28 07:34 PM:
兩點四… [/quote]
thank you:clap::clap: 想知賓菲加分組賽失幾球? [quote]Originally posted by [i]迷途小羔羊[/i] at 2006-3-28 07:34 PM:
兩點四… [/quote]
2:20 開show
2:45 開波 今日個ｄ波．．．最鐘意都係巴仔．．．
所以都係支持巴仔．．． 兵工廠我覺得會輸﹐巴塞都未必贏到﹐可能和波收場 巴仔．．．．勁多機會．．．可惜無運．．．
唔係真係起碼入兩粒．．．． 賓菲加個龍門騰晒雞咁..
=) 祖記唔知搞乜﹐成隊波表現都係水準之下﹐最終2球落敗﹐仲要2個球員紅牌﹐次回合返去迪爾艾比要追都唔係咁易...今場嘅祖記簡直係垃圾
[[i] Last edited by ThomasKoon on 2006-3-29 at 04:35 AM [/i]] 咁人地阿記．．．真係踢得好既．．．
個兩波．．．雖然祖記後防係有問題．．．
不過人地要把握到先有入波既．．．
不過反主場就真係好難ｗｉｎ．．．所以我睇祖記出局都好大機會．．．
巴仔個邊就和都好既．．．返主場實無死．．．
不過賓菲加雖然後防係真係有ｄ 問題．．．
但係有幾次攻門都攪到我心震一震／／／
都唔係講笑．．． 有沒阿記2:0既入波video?? [quote]Originally posted by [i]sonyguy[/i] at 2006-3-29 03:45 AM:
賓菲加個龍門騰晒雞咁..
=) [/quote]
但他救到好多波...同華迪斯一樣~神經門將=口= 好多朋友仲係留戀80年代既意甲水準, 其實今時今日西甲英超就等於以前既意甲.
意甲球賽節奏慢體能亦吾夠, 早2年曼聯作客贏祖記同上年利物浦贏ac, 講晒比大家聽, 意甲球隊已經今非昔比啦! [quote]Originally posted by [i]filter-052fans[/i] at 2006-3-29 09:08 PM:
好多朋友仲係留戀80年代既意甲水準, ... [/quote]
上年AC唔係輸質素，只係輸心態。 昨晚阿仙奴真係打得好，有某幾位球員特別出色，首推的是伊布爾，他的變速、身位、助攻時機、防守功架簡直一流，相信羅倫就算復出都只會是後備。就是因為他完全防守祖記主要攻勢來源左路，令祖記連攻門既方法都搵唔倒，記憶中他只試過兩次俾森保達扭過，面對梅度就全勝。
另一功臣無可否認是法比加斯，表現簡直一絕，助攻助守，盡顯大將之風。
最後會是必然功臣咁濟既亨利，佢帶領住阿仙奴既進攻，亦因為佢既走動和速度而破壞了祖記的聯防。
祖記方面就再次顯露出他們最大的弱點，就係後備種類太少，他們換出來的人絕大多數唔係前鋒就係防中，再唔係就係閘，一隻翼或創造性強的球員都冇，換人出黎令人感覺上是取代，而不是改變。就算卡比路再叻，面對呢種情況都真係唔知點換好。所以祖記既正選一但被對手壓倒，咁即係等於死硬，上次對不萊梅係贏運氣，唔係贏變化。
而本來一向梅度和迪比亞路是後備入替既良將，原因正是踢法特別，會帶來改變，但現在迪比亞路傷了，梅度因為尼維特停賽局住一開波就上陣，亦令祖記改變踢法可能性=零。
睇番全晚表現，其實簡拿華路都唔算太茅，有好多時係逼不得己，而且佢都真係阻止左好多危機既發生，若他唔下下去盡祖記肯定唔止失2球，所以我對亞視既港隊隊長單方面話佢茅唔太同意。
韋拉既表現，老實講水準以下，艾馬臣亦然，中場完全輸晒俾阿仙奴，面對阿仙奴靈活既走位，有時更人多打人少下，祖記既防線真係壓力好大，大家可以見倒簡拿華路成日都要局住去攔對方既組織傳球都攔唔倒，變成一個""回旋柱""，就係因為被阿仙奴快攻突擊下人多打人少而出現的2打1情況，杜林又局住去補簡拿華路個位，結果益晒亨利。
而且甘莫蘭尼斯在速度和體力上完全被法米尼壓倒，不知為何，甘莫蘭尼斯今場跑得勁慢，成隻龜咁，我記憶中法米尼都唔係快既球員，但都快過甘莫蘭尼斯好多，真係唔知係咪因為對羅馬場波太消費體力所致，但反而甘莫蘭尼斯下半場中段係祖記最有威脅既攻擊球員，佢既一球挑射更差點追回一球，可見祖記今場波中場整體表現如何差，伊巴謙莫域......唉......同阿祖安奴一樣係飛機王，一樣係海鮮波，今晚？？佢選擇了表演海鮮波。 [quote]Originally posted by [i]Kian76[/i] at 2006-3-29 11:06 PM:
上年AC唔係輸質素，只係輸心態。 [/quote]
球隊發揮出黎既水準, 除左戰術, 質素, 心態都好重要!
意甲球隊戰意往往無其他聯賽咁高, 佢地慣左一落場就互相試探10-15分鐘, 之後打15-20分鐘, 又等完半場再算, 所以好多時睇意大利波, 80分鐘2比1, 兩隊已經係等沖涼, 吾同英超西甲明知嬴梗輸梗都照砌!!
上年ac, 吾好講3比0啦, 就算2比0, 意甲球隊已經慣左對方吾會追上黎, 成季都係咁, 突然一場可以有一隊10幾分鐘追番3比3, 根本就吾知點好!!
心態上已經落後, 有咩明星都無用啦!!
皇馬都粒粒星, 不過個個都無咩heart!