娛樂滿紛 26FUN » Sports討論版 » 你地最喜愛近代前鋒係？？？

kaing 發表於 2006-4-4 08:14 AM

你地最喜愛近代前鋒係？？？

講下大家最喜歡既近代前鋒呀．．．
我就最鐘意大哨．．
因為把握機會強．．入既波唔一定係世界波．．
不過高鋒時期差唔多入親大禁區射門都差唔多入更．．
前鋒點係要識入ｄ　簡單波好．．

個人覺得簡單既單刀呀，空門呀，個ｄ好易入既波．．
入到先係勁．．．話之你入過世界波．．．
空門，單刀都入唔到既前鋒真係麻麻地．．．

sangwong 發表於 2006-4-4 08:37 AM

絕對係科拿~

bonzi1983 發表於 2006-4-4 09:43 AM

Ian Wright from Arsenal

asummy 發表於 2006-4-4 10:00 AM

[quote]Originally posted by [i]kaing[/i] at 2006-4-4 08:14 AM:
講下大家最喜歡既近代前鋒呀．．．
... [/quote]
  

Van Basten forever...............:good::clap::agree:

coyote 發表於 2006-4-4 10:05 AM

Gianfranco Zola:agree:
although small body, but posses great skill and sportsmanship:good:

sonyguy 發表於 2006-4-4 10:20 AM

[quote]Originally posted by [i]asummy[/i] at 2006-4-4 10:00 AM:

  

Van Basten forever...............:good::clap::agree: [/quote]

我都想講雲巴士頓...
但佢算唔算近代呀??
=)

前鋒...真係好多都好鍾意...
杯賽三冠王既奧雲...
當時穩守突擊既利物浦...
野野都係後面一腳踼上去就算...
毫無組織可言...
佢每場波可能只有一兩個機會...
但就可以入一兩球...
當時基瑾都講...
世界級既前鋒...四五個機會可以入一球...
但奧雲...兩三個機會就最少可以入一球...

另外魯爾我都鍾意...當然講緊早五六年前啦...
佢真係好瀟灑...
好少勁射...
處理單刀波...禁區內既射波..
通常都係睇住龍門企位/封位...
跟住射一個好簡單...角度唔"due"轉...
力度唔係好勁既波...但龍門就係夠唔到既波...
輕輕鬆鬆就入波...

亨利我都好鍾意...
佢入球力唔駛講...
最鍾意佢係助功既能力...
當一個人可以在神射手榜排第二...
助攻榜排第一..
真係無人能及...

liverster 發表於 2006-4-4 10:21 AM

mark huge, the professor of volley & 倒掛. the glory of wales & mu.

chicken 發表於 2006-4-4 10:56 AM

Batistuta

chanhoyingap 發表於 2006-4-4 11:24 AM

點講都係亨利
佢踢足球今人好有興趣坐係到睇
入球助功兩樣都無得頂

Kian76 發表於 2006-4-4 11:56 AM

有好幾位......

末退役：恩沙基、舒夫真高、雲尼斯杜萊、以前既朗拿度和以前既韋利。

己退役：巴迪斯圖達、巴治奧。

dogfood 發表於 2006-4-4 11:58 AM

baggio

brightman 發表於 2006-4-4 01:00 PM

第一肯定係係巴塞時期既大哨. 速度, 爆炸力驚力. 一羅波閒閒地過兩三個人. 回想起當時佢入過好多靚波, 其中有一個球係後場扭過六個人單刀射入.

第二係舒利亞. 在布力般取得聯賽冠軍時狀態最FIT. 背住守衛波不着地 VOLLEY 抽射基本上是其招牌菜, D守衛根本完全無得足..係個年佢射入左超過三十個聯賽入球.

第三係舒寧咸. 佢踢波風格好特別,係一個用"腦" 踢波既球員. 踢法着重球隊整體組織. 身為前鋒往往能交出美妙既助攻, 贏得 " 二傳王"的稱號. 此外佢射術,頭搥一流.

第四係科拿..佢仲係"金毛強"既時候真係好變態. 一掂波幾乎會入波. 佢時常可以係幾分鐘內連入兩球三球. 而且把握能力一流, 想當年舒米高都買佢怕. 我當年就係睇佢至鐘意左利物浦.

[[i] Last edited by brightman on 2006-4-4 at 01:06 PM [/i]]

JE 發表於 2006-4-4 01:17 PM

羅拔圖巴治奧

羅馬小子 發表於 2006-4-4 01:44 PM

巴迪斯圖達

honeyfei 發表於 2006-4-4 01:46 PM

朗拿度...
最具侵略性...作為一個前鋒..係最完美...
當然..有d前鋒係鋪橋搭路(..柏金..).....有d要"cool"波分波..(..細哨..)..
始終最危險既都係肥度..

題外話...論技術就一定係巴治奧....我仲係覺得細哨未去到佢個level..
但細哨比佢有創意..視野亦都好廣寬...

迷途小羔羊 發表於 2006-4-4 03:13 PM

近代呀…
正常狀態既肥仔度、肥仔朗尼、雲佬

rider_123po 發表於 2006-4-4 03:45 PM

I like舒夫真高,基拿甸奴,基斯普
享利同迪比細佬

Kian76 發表於 2006-4-4 03:53 PM

[quote]Originally posted by [i]honeyfei[/i] at 2006-4-4 01:46 PM:
朗拿度...
最具侵略性...作為一個前... [/quote]

朗拿甸奴的技術較花巧，巴治奧的是實際。

Aristo~ 發表於 2006-4-4 04:50 PM

Vieri, Ronaldo
國米金鑽組合

坦克車Vieri, 雖然大份, 但係有技術,腳頭又重
球王級Ronaldo, 把握力一流, 至鍾意扼龍門

lemon_kaka 發表於 2006-4-4 04:51 PM

近代出產既前鋒有好多都好鐘意.. 咁就講下我心目中最top既5個la...
第一係大哨..
差唔多一開始睇波就係睇佢踢巴塞.. 個時既佢真係速度, 射術同技術一身.. 好似只要佢拿住個波就注定後衛同龍門都無佢符.. 俾佢搞到頭都痕.. 把握力超強.. 無論遠近都可以收死對手.. 其中以半/全單刀既情況可以睇到佢輕易扭過對方後衛之後面對龍門係必入.. 可以挑/勁ban/射地波, 或者係扭埋先慢慢射.. 佢天生既射門觸角令到佢登上世界首席前鋒.. 可惜之後去到國米長傷.. 但係02世界杯又發光發熱.. 真係令人佩服.. 可惜場外既新聞太多 = =

第二個就係真高
真高又係一位能傳擅射既超級殺手.. 擁有超強既把握力同埋速度.. 即使係單箭頭都可以軾易撕破對守防線.. 其射程範圍可高達30碼外.. 而且經過射出一d 世界波令對手無從挽救.. 真高可以話係烏克蘭同米蘭既靈魂.. 無左真高, ac米蘭就去唔到而家呢個成就(當然其他對友都好重要).. 烏克蘭就更加睇到佢既重要.. 今年仲帶到烏克蘭入世界杯決賽洲.. 佢係一位天生既射手, 有著打不死既精神.. 係球場上既勇者..

第三位就係當今球王甸佬
呢條變態友可以以一己之力將成個球賽扭轉, 有著華麗既腳法.. 球場既洞察力, 強勁既射術.. 可兼任中場及前鋒多個位置.. 雖然無大哨同真高咁高既速度同入球觸角.. 但係可以團結隊友, 操控成隊球隊.. 成為勝負既關鍵.. 只要一控住波就能玩弄對手於腳上, 對手係無從判斷佢既動作.. 只能見住佢帶住個波咁過左.. 就好似一個魔術師一樣.. 球場既發電魔術師

第四位就係巴治奧
呢位人吧實而不華, 係意大利既象徵.. 傳球既準繩度及球場既判斷不下於細哨.. 同樣都可以勝任中場及前鋒.. 運用天賦既閱讀球場能力, 傳送出致命既直線, 撕破對手防線.. 其傳送能力不下於施丹.. 其實個人認為巴治奧既才華是不下於施丹, 只是比較沉實, 無施丹既球場扭波既瀟灑及世界杯冠軍吧.. 如果意大利係94年贏左世界杯, 相信球王之名便落於巴治奧身上.. 一位失意既曠世英才

第5位不能不提亨利
亨利比雲加悉心既改造, 由一位平平無奇既翼鋒變成多才多藝既前鋒殺手.. 射程範圍與真高無異, 又有速度同技術.. 又係球隊既重心, 成敗都在於佢既表現..亨利有著朗拿度顛峰事期既射術, 速度同把握力, 又有真高既射程同衝撞力.. 加上又可以助攻隊友, 可以話係全能既前鋒.. 不下於上面既每一位... 但係亨利有著唯一既缺點就係狀態飄忽, 時好時壞.. 無以上咁多位既穩定水準, 而且亦無以上咁多位既紳士表現, 比較串d.. 如果可以改下既話, 成就一定會而家更高!!

查看完整版本: 你地最喜愛近代前鋒係？？？