大家鍾唔鍾意聽黃興桂講波???
我勁鍾意佢講波最好佢同何輝, 江忠德過埋有線講英超就好啦
起碼好過好多有線講波佬
唔知大家認唔認同?? 如果有買就唔鍾意,無買就鍾意 勁中意~~如果勁隊vs勁隊佢on最好.. [quote]Originally posted by [i]chun_singho[/i] at 2006-5-7 12:30 PM:
我勁鍾意佢講波
最好佢同何輝, 江忠德過埋有線講英超就好啦
起碼好過好多有線講波佬
唔知大家認唔認同?? [/quote]
有線講波佬, 我淨係記得阿鵬,大頭仔, 張國強個D咋:naughty:...其他就:kicking: 中意,比起有線果班垃圾講波佬,簡直 天堂 與 地獄 的分別 鐘意聽佢d廢話 麻麻地，有ｄ沉悶，我比較鍾意江中德＆（有線）柏翹、潘源良，周不時突然爆肚，幾攪笑:P 其實我個人黎講好鍾意黃興桂
雖然好多人覺得佢講野好廢, 無內容, 亂咁黎, 但係佢話晒係球圈大滾咁多年, 就算係好多時講波都跟唔住個賽事發展黎講, 但係點都有佢自己既獨到見解, 有時又真係有d廢, 但係大家睇佢講波都會覺得好鬼過癮, 好有娛樂性! 講真, 你去球場睇波都唔會有人評述架啦! 咪又係自己睇! 分析好固然係好啦, 但係peter之外既commentators都會做呢d野架jie, 講黎講去我最鐘意都係d年紀較大, 有經驗又鐘意搞下gag既commentators, 我又唔係唔識波, 真係唔會介意commentators唔係太緊貼節奏去講或者俾唔到好多資料性既野我
最勁既係佢已經成為大家茶餘飯後甚至係社會既話題! 你覺得佢廢又好點都好, 起碼佢都係出晒名既commentator!
不過要講分析最獨到, 做足功課既commentators, 我都係會揀丁偉傑同梅志輝! 黃興桂的背後
「原來黃興桂係三狼案死者黃應求之長子」
做個快活人黃興桂：足球是財源是樂園
當黃興桂以「八股」語調，時而「九唔搭八」地講波，球迷捧腹大笑之餘，該會想像他是個爆笑阿叔。實情是，黃興桂年少喪父，還要是很轟烈的那一種，結婚5年的太太又死於空難，很多人都無法再笑了，他卻努力讓自己快樂，起碼表面如此。「這些遭遇，讓我覺得人生無常，所以做人一定要開心，我所做的事、衝口而出的金句，都只是隨心而行。喜歡我，我好多謝；挖苦我，都無所謂。」
人稱「皮蛋黃」的黃興桂，開心形象令他深受友人歡迎，這次從工作基地新加坡（ESPN總部）回港小休，友人不斷來電請吃飯，訪問進行中，他已安排好一晚走三場飯局。
「我今次回香港，有五成是為了幫你做這個訪問，多謝你地咁俾面。」黃興桂說話時聲浪震天，但又客客氣氣，逗人歡喜，這種道行大抵就是他相識滿天下的法門。
亡父黃應求在50年代已經贊助傑志、中華足球，那是姚卓然、莫振華的黃金歲月，其家族是球圈的活躍分子。在美國唸書的黃興桂，每到假期便拖著爸爸看球，自幼與體育圈相熟。
後來父親橫死，黃興桂長大後希望進入足球圈，在黃文偉、故友簡而清等的幫忙下償了心願，「我對他們永遠都心懷感激。」
ESPN任職金句源源不絕
78至90年間，黃興桂先後出任東方、南華、荃灣的教練，90年忽然懷念北美的悠閒生活，加上九七因素，便移民美國，在貿易公司謀了一職，兩年後興之所至，做中間人開辦美國世界杯睇波團；95年受聘ESPN，做其全職評述員，憑著講波時源源不絕的「金句」，另類風格，輕易成為球迷的話題。記者都拋句孔子金句，形容球迷心情：「愛之欲其生、惡之欲其死」。
熟悉他的朋友，就知他是半個鬼佬，尤其談到愛妻死亡、事業上的挫折時，
情緒激動就會忽然變成英語對白。他的半鬼背景，說明他何以講波時，有時會咬字不清、有時會用了莫名其妙的形容詞。
「皮蛋黃」足球語錄
互聯網流傳的「黃興桂足球語錄」，有網友打哈哈，但也有粗口問候。把語錄列印給「皮蛋黃」黃興桂看，他笑說早看過了。
「我每句話都是隨心隨意，由於我受美式教育，中文麻麻，思考都是用英文的，有時把句子直譯中文就會出現好笑效果。世界著名評述員馬田泰拿便有很多佳句，又有很多運動員本身具大學程度，評述時都有精警句子，我聽多了，不自覺便會運用。還有一些句子，是童年時聽爺爺說過，我很記得這些字眼，講波時又會自動冒出來。」
原來是童年回憶，難怪他別有滋味。
「用蔗渣價錢，踢出燒鵝味道。」黃興桂解釋，做廠的爺爺說窮人用蔗渣來做鞋子，令賤價形象入了腦，「燒鵝是我自己加的，細個時覺得燒鵝好好味！」
「呢位球員打法好經濟。」黃興桂說，外國人會用經濟（economy）形容踢得「輕輕力」，求求其其。
「呢場賽事已經放入雪櫃。」緣於NBA至尊級評述員的名句（The game is in the refrigerator），下文是「喱、牛油都雪硬了」，即大局已定。
其他金句：「呢球波，如果冇龍門就入啦！」「12碼呢樣，一係入，一係就唔入。」「呢球波一係入，一係龍門救到，一係出界。」「保方保方，保住後方。」
未能盡錄。
笑過罵過的球迷，若干年後，這將是我們的集體回憶，信不信由你。
講波分享球員教練睇法
「我都知球迷對我的看法很極端，喜歡的會記得我教東方時拿了好多獎杯，討厭的，就罵我教到南華降班。」黃興桂一點也不動氣，「我熱愛足球，因為它是快樂來源和財源！我講波是想分享作為球員、教練的睇法，我很享受這份工作。」
熱愛賭博玩意的黃興桂，回香港不忘買本馬簿鑽研，「新加坡都有香港馬賭，我都會玩一百幾十，賭波都有，但比較少。」
說著說著，想起一番偉論，吩咐小記無論如何要寫下：「踢波的是人，人不是上帝，總會有高低潮，佢都想踢好波，但踢不到都無辦法，球迷豈可因為自己估錯，便把責任推在球員、球會身上？如果真係覺得球員打假波，點解唔買對家？點解仲要賭？」
老婆空難死女友一籮籮
長居星洲的黃興桂已經完全習慣炎熱氣候，閒時聽爵士樂、賭幾手，還會「識d馬拉female」，即「拍散拖」。黃興桂太太不幸於82年在美國死於空難，當年他忙於工作，太座獨個兒旅行，連如此罕有的災難都碰上，黃興桂雖未致心如止水，但再婚難免存有陰影。
據黃興桂所講，女友一個接一個，「當然依家追女仔難度高，老嘛！」有時會想到結婚，但過不了多久便改變主意，他展示了女友的照片，年輕貌美，恨死隔籬，但他不許刊登，他笑說擔心見報之日，已經換了畫！「尹佬（尹志強）話，PeterWong結婚是最信不過的消息。」
與「三狼案」之不解情仇
發生在59年轟動一時的「三狼案」，3名綁匪綁架富商黃應求，在人間蒸發年多以後，綁匪再擄走其父黃錫彬。黃應求不幸被撕票，警方對緝兇本來茫無頭緒，但匪徒竟當街發生爭執，「鬼拍後尾枕」自爆身份，案件水落石出，「三狼」被判環首死列，是本港最後一次執行死刑。受害人黃應求育有五名子女，長子正是黃興桂。
面對即將八十大壽、精神爽利的黃老太，實在開不了口重提舊事，倒是黃老太主動說起：「你知啦，佢爸爸去得早，我一個女人帶住幾個孩子，日子好難過。我有美國籍，於是把他們全部送去美國讀書，依家仔女分散到新加坡、夏威夷、上海，我就四圍飛。」
要謀生甚在乎薪水多寡
家庭劇變後，黃興桂說長輩沒有收緊他的自由度，大學畢業後便讓他自行選擇職業，他對足球、籃球、棒球興趣特濃，但香港只有足球進行職業化，故決意走上教練之路。
「有些老闆因為我的背景，以為我是有錢仔，唔使做，要我收順d。其實，家族的光輝已是很久以前的事，我們本來就不是大富大貴，後輩都要努力打拼，所以我
是很在乎收入的。我是在謀生，不是鬧著玩！」「有時看到影片重拍《三狼案》，把家人溫和的個性都扭曲了，幸好我是個心智正常的男人，我照舊去看，當作睇古仔。」
原來黃興桂係咁堅...... 佢d廢話有時真係幾好笑....
速度低,跑得慢,唔夠快....係佢口中係球員既3個缺點 以前睇ESPN冇左佢係會覺得悶d:D
其實有線d講波佬點都好過無線果d先(唔好同我講阿叔以前有幾勁),有線d講波佬最唔掂果個真係丘建威,明明球波係冇越位既,球証吹左越位,佢都要話信球証:haha:
有線d講波佬好怪,明明有球波係越左少少,佢地就會話,「少少咋喎」
大佬,家陣少少唔係越位咩haha:
其實有線本身班講波佬唔差的,不過唔知點解越講越一般.........:haha:
丁偉傑幾時過檔有線呀:good: [quote]Originally posted by [i]moon32e[/i] at 2006-5-7 01:23 PM:
麻麻地，有ｄ沉悶，我比較鍾意江中德＆（有線）柏翹、潘源良，周不時突然爆肚，幾攪笑:P [/quote]
阿潘勝在睇野係幾準,最怕有d講波佬明明睇見係呢個球員就叫第二個球員個名:dev::haha: 我都中意佢講
尤其是聽佢講利記 丁偉傑,扮野垃圾一名 黃興桂講波很有娛樂性:good: 查實黃興桂都唔係講個場波, 成場波只係係度傾計 講波既一係就講得好,
一係就講得唔好
總之佢講得好咪鍾意,
佢講得唔好咪唔鍾意囉
:D:D:D 勁鍾意呀......好過晒有線班pk 呀,仲好懷念阿何輝,江忠德,梗係唔少得阿peter個拍檔...阿.....全,希望快d聽到佢地既聲音la... [quote]Originally posted by [i]kwongsiu[/i] at 2006-5-10 08:51 PM:
勁鍾意呀......好過晒有線班[color=Red][b]pk[/b][/color] 呀,仲好懷念阿何輝,江忠德,梗係唔少得阿peter個拍檔...阿.....全,希望快d聽到佢地既聲音la... [/quote]
[color=Purple]板內嚴禁粗言穢語[/color]，(包括中英文、諧音, 圖型)另外加個x只要是有意思者都照計，以粗言攻擊板友者即時扣5分，若然乃無心之失，一時手快者並非攻擊板友，則會被警告。
頁:
[1]