從玄學角度看揭幕戰
丙戌年世界盃今晚舉行揭幕戰，從玄學角度推算，德國可以輕鬆擊敗哥斯達黎加，打開勝利之門。德國屬金、對手屬火，火本剋金，但是日己已日屬土，「土生金」德國整定有運行，此消彼長下哥斯達黎加雖有火助，但係把火已經冇晒力，一場大敗勢難避免。今仗於本港時間六月十日凌晨零時開波，但根據德國時間，仍然係九日，所以要以己已日推算。正所謂土生金，兩者相輔相成，德國已完全食住個勢，取得先機；哥斯達黎加屬火本可以剋金，但因為德國實在太旺，佢哋只能嘆句時也命也，今仗注定處處受掣肘，頭頭碰著黑！
德國本身係主辦國已有「土利」，加上呢場波係慕尼黑舉行，更加有著數。慕尼黑性屬，同德國夾到不得了，呢場有兩種絕大優勢之助，絕對可以輕鬆贏波。德國屬金，得運勢之助，大有機會入到對手四球。照玄學推斷，德國呢場可由頭帶到尾，
睇番主隊陣營，前鋒高路斯屬金，配合金日如魚得水，加上今日係佢正日生日，兩大優勢配合下入波如食生菜。另外，普多斯基屬火土，配合土日亦有助腳風，佢哋可以包辦主隊所有入球。
而哥斯達黎加雖然難逃一敗，但其紅色波衫食住對手白衫，加上射手雲祖柏既柏字係屬木剋土，佢可以為球隊破蛋。
頁:
[1]