突然覺得上面有一光一暗版碧咸。哈哈！！
[quote]Originally posted by [i]abc123aa[/i] at 2006-6-25 12:55 PM:
比波奧雲少呢樣一定係正確:haha:
... [/quote]
所以咪係球隊配合有問題, 球隊比波集中哂比高治, 而且都係碧咸集中比埋去. 打得好就就ok, 但問題係高治處理高波既效果強差人意, 但係英格蘭繼續咁做, 搞到英格蘭愈踢愈悶兼無板斧:sleep: 至於話雙特問題, 都講左謝拉特主守, 林柏持係中場做分波機會唔多, 因為球隊成日大腳比高治. 打得高波咁兩邊就變左進攻分動點, 你睇溫布頓呢支打高空波時間多過地面既球隊進攻點都係以兩邊為主.
再講番j.cole 同碧咸, j.cole係左邊以突破尋找空位為主, 對對方右路產生好大壓力. 佢係對辨既.反而右邊就...好多波夾硬斬埋去, 結果成日省中人. 見到有時奧雲係右副位幫亦到好少比. 呢d情況係以往英格蘭好少見..以往碧咸成日比波比奧雲. 所以呢度其實唔係批評碧咸, 而係成支球隊既打法, 即係艾歷臣:kicking:
至於話亨利係國家隊打得唔好, 講真又咪係配合問題, 亨利變左正箭頭, 唔可以係左邊活躍 [個位比左比列比利], 加上控球工作比左施丹, 結果亨利最想做既兩樣野都無得做. 反而無左施丹既法國亨利打得好左. 如果雲加做法國教頭我敢話亨利一定可以脫胎換骨..另外一個例子係列基美, 係比格文未上任時佢打國家隊表現差勁, 但係比格文上任後一心打造以列基美為重心既國家隊, 結果大家有目共睹.
球員係球會既表現黎比國家隊唔相符, 有多種原因, 其中較為主要係領隊唔可以令隊波既打法同球員既特性融合..變相令到球員既作用減半.
[[i] Last edited by flash_2006 on 2006-6-25 at 01:42 PM [/i]]
[quote]Originally posted by [i]abc123aa[/i] at 2006-6-25 12:55 PM:
比波奧雲少呢樣一定係正確:haha:
... [/quote]
替奧雲感到難過, 佢好似係比呢種打法屈死, 佢傷左反而可以幫佢遠離個d對佢既批評:(
[quote]Originally posted by [i]flash_2006[/i] at 2006-6-25 01:40 PM:
所以咪係球隊配合有問題, 球隊比波... [/quote]
明你講咩啦~你係講緊碧咸係右路成日省中人=.=
我只係可以答你~你睇多d碧咸先啦=.=
唔好用睇幾場比實就話佢成日省中人啦~
同埋呢幾場省中好多次咩-.-真係唔覺=.=
反而見到佢送出黎既波好有威脅就真~
其實大力神開始執教果陣就巳經張攻擊重心比左碧咸~到今日今日都係~
碧咸年紀大當然傳波沒有當年這麼準~
但佢擺得雙特係度~謝拉特防守~林柏特進攻~
自然就係林柏特幫joe cole 朗尼
謝拉特幫十尼仔 同碧咸~
但好明顯 謝拉特傳比碧咸既次數唔係好多~
林柏特個死人頭巳經浪費左好多機會了~
好多時都係靠joe cole 同碧咸黎過關-.- 好少會係中場做組織入去~
但如果中間攻唔到入去~碧咸自己砍波就好易比人阻住左~
相反~中間攻到入去~2邊既空位就自然多~碧咸就更加容易砍~
咁你話碧咸出波省中人落唔到底線關唔關中間事??
[[i] Last edited by andy020290 on 2006-6-25 at 05:02 PM [/i]]
碧咸死硬派一定撐碧咸架喇！碧咸醒！碧咸勁！碧咸冇得頂！:good:
英格蘭成隊波都要就碧咸踢！如果英格蘭成績唔好？百分之200肯定唔會關碧咸事！:)
睇多d碧咸先啦！唔睇番佢幾年以上~！！都唔知佢既工作係做d咩野架！碧咸好有威脅架！:haha:
碧咸係咪好勁？緊係！..............:lol:
"謝拉特？.....收工啦~~入一兩粒就扮大牌,我個人不嬲都唔鍾意佢成日大大腳:o
佢有乜資格話碧咸？！如果唔係佢成日出d靚波,英格蘭已經買左機票啦！:drool:
嘩！碧咸主宰英格蘭既成敗架！真係正所謂成也碧咸！敗也碧咸！呢句說話冇錯！:dev:
教練出口話碧咸冇表現就唔會有正選！擺明偏幫喇.........:nogood:
碧咸應該做埋英格蘭領隊！咁咪再冇人話佢廢囉！ｄ ｆａｎｓ又可以慳番啖氣！;)
講到尾！英格蘭打成咁完完全全唔關碧咸事！係英格蘭既事！:kicking:
就算英格蘭隊波入面冇人撐碧咸！都係全部人既錯！碧咸唔會有錯！:clap:
碧咸才是王道！啱唔啱聽？撐碧咸係咪有分加？我已經撐到好行架喇！:agree:
[quote]Originally posted by [i]andy020290[/i] at 2006-6-25 02:51 PM:
明你講咩啦~你係講緊碧咸係右路成日... [/quote]
碧咸....由佢出道睇到而家-_-
佢o係曼聯最有威脅都係底線出波..果下curve埋去真係好殺食...
但..而家好多時都係三閘線左右就轟埋去=.=
有d感覺係..用跑狗戰述or..你去頂啦~頂到就有~頂唔到再斬
唔知呢d真係碧咸年紀大左..做唔到咁多野定真係艾歷臣問題
曼聯時代..你要碧咸同隊友打小組周不時都有..亦好多時用落底傳中搞掂
而家..佢o係國家隊活動範圍都係中場多..好少走去落底出波
其實呢個話題傾左好多次
問題唔係 碧咸出波有冇威脅 謝拉特有冇用 林伯特 有冇狀態
最大問題係個教練 佢似一個公關多d
佢手上有咁多球會勁人 佢點樣可以將佢地磨合成一隊勁隊就係功力所在
但係佢冇咁ga能力
佢ga方法係以名氣為先 咁樣ga排陣死得
你睇下阿根廷 華朗名氣唔大咩 c辛尼迪 森美爾名氣唔大咩
問題係比格文覺得唔適合ga 就放棄 唔會好似 艾力臣咁死都要出
而比格文 又真係做到一隊 分工清晰到不得了 ga阿根廷
可能又會有人話阿根廷呢樣唔好呀 差d 乜野乜野呀(例 逆境波)
但係而家馬會冠軍最熱係阿根廷 你吹呀(唔係講賭 只係數據支持)
其實好多隊球隊都面對呢個問題
巴西 英格蘭 法國
都係球星過多 教練要識得放棄 lor
如果強行放曬d星出場 只會令效率大打折扣
可能有人話巴西三戰全勝喎
但係你滿意佢ga 表現咩?
咩二億歐元巴西 只係踢到咁
法國夠勁la 但係你睇下施丹一唔出 成隊生曬
唔係話佢唔好波 而係 而家ga法國應該打快上快落朝氣波
而唔係由施丹睇定 比一腳好靚ga 經驗波
再講返主題英格蘭 林伯特 祖高爾謝拉特全部都keep 住個波慢慢分
做教練應更清晣咁講定 邊個分波 邊個防守 邊個幾時突破
而唔係放曬出喱 比你地自已踢
你有冇睇過上次 英格蘭放棄 謝拉特 用正宗防中夏格維斯
果場唔係打得好好 但係我覺得係睇左佢咁多場 比較好而且好似見到有d曙光ga 一場
教練應向這方向 分工清晣d 下次試下用謝特特la
如果上一場d 射波機會比曬謝拉特 入球唔只咁少
我就係咁覺得 比d意見
一點好重要..
比你而家短傳,組織..
1. joe cole 唔會交..
2. crough 斷纜..
owen傷埋..
想點傳?
兩個特互傅鬥射睇下邊個入得多先??
你估佢地係ballack呀?? 人地ballack都叫多傳多組織.. 應射先射.. 有技術..
同riqueme 個case一樣.. 點解人地係自己球會都係大晒.. 去到國家隊以整體為重..
兩個特又唔得?
好認真講gerrard o係liverpool 都唔係話多傳波o個隻..
1. 斬入禁區
2. 放兩邊
3. 自己射
lampard 重衰..
講真乜你地覺得lampard好勁咩??
係.. 遠射係好得.. 好準..
體能好到爆..
不過咪又係得個射字..
o係chelsea.. drobga 拎波o個時.. 佢做左d乜??
我唔係話佢地廢.. 只不過唔係想像中咁勁..
想玩短傳,組織 england重未夠班呀..
beckham 佢.. 踢左咁耐.. 唔好當佢真係流先得架..
佢同zidane, figo, guti, raul一齊踢.. 難道唔知短傳組織有幾重要??
如果我係佢.. gerrard 走埋黎同我講叫我做多d短波.. 我心諗"你地未夠班"..
如果owen冇傷.. 又唔同講法..
之前d友誼賽.. (對廢隊).. 睇到owen拉空對手.. rooney做入去.. lampard+gerard 是但一同入禁區等機會.. 入唔少好波.. beckham周不時交波去中間.. 邊有話下下斬.. 斬去左路轉邊..大家都睇到個組織..
[color=Red]而家crough係度.. 下下唔知頂個波去邊.. 你地先覺得斬波再冇乜用.. [/color]問心.. 如果你地係見到beckham斬比rooney控定.. 交比隔離gerrard.. 放個直線比owen..射左比人地擋出.. lampard後上入波.. 又會唔有人串beckham??
gerrard而家就係覺得自己少左波掂.. 放唔到佢d準到爆直線.. 又晒左lampard d 遠射.. 諗清楚d啦.. 有邊個接應到.. rooney唔fit+上比人mark死晒.. 我比你放個lennon出黎.. 佢真係未夠班.. 唔好同我講佢會做到波.. WP d國家隊d表現大家都見識過啦..
同埋而家唔係咩出唔出beckham.. 從來冇人話唔出佢.. gerrard只係叫佢做短d波..
重有我個人並唔覺得係分工問題.. 只係人腳有問題.. gerrard, lampard唔係scholes, keane.. 有冇人會叫keane "do defence" scholes "pass more".. 冇架.. 球員性質係咁就係咁.. 球賽變化無人能測.. 夾唔到.. 就是夾唔到..
[[i] Last edited by Kev on 2006-6-25 at 05:47 PM [/i]]
[quote]Originally posted by [i]Kev[/i] at 2006-6-25 05:42 PM:
一點好重要..
比你而家短傳,組織.. ... [/quote]
謝拉特係利物浦角色類似中場自由人, 有時係右係左, 有時殺入禁區, 控制球隊節奏既反而係沙比艾朗素. 但係謝拉特偶而既傳送係好獨到. 所以而家要佢係英格蘭中場打防守令佢功力減半. 至於林柏特, 係車仔做攻擊時算係起動點, 所以佢係車仔同英超都係傳球最多既球員之一. 當球隊前線控到波時, 佢會走上去同隊友做後上配合. 你話杜奧巴攞波時林柏持做乜野? 林奧巴上季12入球11助攻, 林柏特入16球助攻9攻. 當中佢地互相配合既入球佔左大約有一半....咁樣已經比左答案比你. 但係林柏特係國家隊係中場既掂波唔多, 反而成日要上去做支援角色去幫高治同奧雲, 同埋又要兼顧埋防務.[我可以講林柏特係英格蘭既走動比係車仔仲要多] . 變相又係打唔到自己最佳既一面.
係最後一場對瑞典出左夏格維斯之後, 無可否認林柏特表現好左. 因為唔駛理咁多防守, 就算後尾入黎既謝拉特都有入波, 因為可以打番中場自由角色...即係話一個防守中場既存在至可以令到雙特表現得最好. 所以艾歷臣今日放哂風話會出卡域克打防守, 雙特打進攻中場, 朗尼單箭頭.
至於右邊出波問題, 我只係覺得碧咸出波比以前心急左, 就如上面人兄所講係三閘線左右, 未猜散d人就轟埋去. 不過可能同佢配合既加利仔同加歷查係水準以下. 所以令到佢心急.
今日艾歷臣又話會擺夏格維斯打右閘黎改善同碧咸配合..
夏格維斯, 卡域克, 秘密武器??
至於lennon夠唔夠班問題, 講真一個19歲既小伙子打到咁已經合格有餘, 所欠缺只係經驗, 係將來佢一定係英格蘭其中一個要員. ..高捷斯基個d先叫做唔夠班吧!
[quote]Originally posted by [i]flash_2006[/i] at 2006-6-25 08:24 PM:
謝拉特係利物浦角色類似中場自由人,... [/quote]
唔係~謝拉特同林柏都係攻擊重心~但佢地而家係打緊4-4-2~
即係話要四個中個中場一齊做波入去~
林柏特做到 但謝拉特未做到呢~
放長雙眼睇啦~可能謝仔會有好表現~
[img]http://hkjai.com/comic/comic/comic036.gif[/img]
依篇四格漫畫,好似能反映到兩個人既心結:haha: :haha:
(轉貼自IC足球部)
[[i] Last edited by gogo8281 on 2006-6-25 at 09:09 PM [/i]]
[quote]Originally posted by [i]gogo8281[/i] at 2006-6-25 09:07 PM:
[url]http://hkjai.com/comic/comic/comic036.gif[/url]
依篇四格漫畫 :haha: :haha:
(轉貼自IC足球部) [/quote]
可能因為咁至對罵, 哈哈 !!!