理智點吧! 亞洲球隊的擁戴者!
講真, 身為亞洲人, 支持亞洲球隊好應該, 不過都真係面對現實啦各位!就算上屆南韓入到四強都好, 佢地既實力始終係唔夠班, 我真係唔覺得佢地係世界一流既球隊wor, 係D人將咩南韓同日本呢兩隊上屆既神奇球隊捧到天咁高之嘛
南韓唔係包尾已經算係咁啦! 仲話咩入十六強八強丫!
第一場贏多哥, 好明顯係人地無經驗加上龍門犯錯jie!
第二場和到法國係叻仔既, 不過都係法國自己衰同埋又係球證既誤判jie!
第三場, 根本就係佢地同歐洲一D比較強既球隊實力上既分冶啦! 人地打得直接簡單有效率, 好明顯起碼高你半班波!
至於日本, 球隊實力我個人為一定比其他三隊遜色, 只不過係評述員同傳媒將佢地捧高jie.....
最好笑係有線既評述話日本咩"黃金中場, 有人滿之患"..... 真係唔好當觀眾傻啦, 依家既中田英壽都係黃金?!?!? 福西崇史, 三都主果d o係日本國內咪勁囉, 出到黎都仲係黃金? 中川俊輔係唔錯既, 但係都未至於世界一流啦! 大家用咩去衡量"黃金"呢? 巴西條中場就真係黃金喇!
前鋒果幾個, 好明顯把握能力極低啦..... 仲點同人地D前鋒比丫.....
大家對亞洲既情意結真係大得唔理智......
無錯既, 艾和卡特亦係兇手之一, 但係限米煮限飯, 就算真係入到十六強, 都係出局多啦, 應該無可能有上年天時地利"人和"既野出現架喇, 仲有無好忘記, 兩隊亞洲球隊都算係抽到好籤, 有D分囉下, 算係咁啦! 唔好咁大想頭啦! 你試下擺南韓或者日本去replace塞黑, 同阿根廷, 荷蘭同科特迪瓦一組丫, 有分都真係偷笑啦!
總之上屆既日本同南韓打得好係事實, 不過係一個公平, 公正同以真正實力為本既世界大賽, 大家對佢地既期望真係可以再理智同合理一D:) **** 作者被禁止或刪除 內容自動屏蔽 **** 我自己一早都預計左亞洲球隊全部全軍覆沒 支持,甚至情意結......同球隊實力係可以冇直接關係的!
你可以支持甚至擁護一隊冇實力既球隊......只是你唔可以硬要話一隊冇實力既隊係強隊(哩啲叫盲目).........
你亦冇可能因為隊波唔勁就話支持者係傻仔! [quote]Originally posted by [i]Charcoal_henry[/i] at 2006-6-24 05:09 PM:
講真, 身為亞洲人, 支持亞洲球隊好應... [/quote]
你講到 佢地win 多哥同 和法國 好似係 唔係 佢地實力咁
人地出錯都要把握到先得架
仲有 好似冇人唔理智咁擁戴亞洲球隊
英格蘭反而有= =
不如寫個[理智點吧!英格蘭的擁戴者!]好過 就算上屆南韓入到四強都好, 佢地既實力始終係唔夠班, 我真係唔覺得佢地係世界一流既球隊wor
原來一定要世界一流(雖然唔知定義係乜)的球隊先可以打入4/8強
咁上屆南韓同土耳其就.....??
咁euro04的希臘又係....???
邊有人講過南韓同日本係世界一流????(發夢有人同你咁講?)
定係你見到咁多佢地既國民去支持佢地,對佢地有期望而唔高興????
身為亞洲人,雖然中國早早收皮,但係點都想亞洲隊爭下氣既
如果你一早認為自己唔係世界一流,唔好有期望的話
咁不如早早就唔好參加比賽喇,未參加都打定輸數啦即係
個世界盃淨係比d 你所謂世界一流(我覺得應該係你捧0個d球隊)的球隊玩
唔好湛多哥呀,沙地呀,0個d玩啦~~ 其實瑞士同南韓實力接近, 我睇哂成場波, 南韓製造到既射門不比瑞士遜色, 輸波只不過係輸死球 [但係如果曹宰榛頂得入結局可能改寫,不過頂正龍門] 同埋領隊用人問題. 艾禾卡特出埋個無鬼用既朴主永打正選都唔出安貞桓.同埋竟然係下半場換走活躍既李榮杓...並唔係你所講話同瑞士差成半班波咁樣輸.
仲有, 如果你咁好眼光又唔見你之前出post, 而家先馬後砲話南韓乜乜物物:nogood: 好多人認為上年南韓入到4強係實力.....所以,
唉.....事實係咩,大家知la 正如尋日睇廣體 何輝話
其實南韓好多人話佢上年打假波又乜又物
但係其實咁多場好波之中 比你真係有3份2係假波
剩下果三份一都唔係易打 佢仲打得好精彩 所以其實南韓係值得一讚 勁wor!
咁多回嚮
而且大家果然係亞洲人同埋真係有d段章取義
- 我指既"理智d"係同果d盲目同埋覺得日韓出唔到線好唔抵既人講jie!
- 我既意思梗係唔係牌面唔好就唔可以入四強囉冠軍啦! 有無人會咁敷淺呀? 哈哈~~~ 咁樣去駁我都唔方有深度啦~
- 真係有好多人將一d實力真係唔夠既球隊捧到佢地上天架wor, 例如有線既評述員們, 所以我先至寫呢篇野
- 當然唔係話唔勁唔擁護啦, 呢個諗法邊個作出黎? 意思只不過係實力唔係咁夠既球隊創唔到奇績都唔駛好唔開心, 因為係正常
- 我指既世界一流都係大家所認為係一流果十隊八隊, 唔通我鐘意突尼斯又話佢一流咩? 阿哥哥你想像力真係豐富wor~
- 話瑞士好過南韓係主觀, 另一位哥哥唔係無道理, 大家立場唔同jie, 只係我覺得瑞士表現出既效率好過南韓
- 創造奇績當然係因為南韓同日本打得好啦! 今屆我都唔覺得佢地差, 只不過係能力有限加上無奇績先會出局
打之前果篇野我只係想帶出:
1) 實力不足, 教練水準有限, 出局純屬正常, 無需覺得太過可惜
2) 今年再沒有球證的決定(我指既係明顯誤判)有利於亞洲球隊, 奇績不再
3) 亞洲球隊並唔係無能力創造奇績, 但係難度甚高, 真係要有天地人既幫助, 好似上屆咁, 所以今屆佢地出局係正路
4) 亞洲球隊創佳績當然高興, 我都唔例外, 但係出唔到線都唔好怪呢個怪果個, 如果係咁, 上屆本身好有實力果d italy, spain又可以怪邊個?!?!?
我完全無意踩亞洲球隊或者其他人既喜好, 只係講事實jie~
[[i] Last edited by Charcoal_henry on 2006-6-24 at 07:52 PM [/i]] [quote]Originally posted by [i]Charcoal_henry[/i] at 2006-6-24 05:09 PM:
講真, 身為亞洲人, 支持亞洲球隊好應... [/quote]
我覺得用法國去repalce 塞黑...我都唔覺得佢會有分wor........;) [quote]Originally posted by [i]Charcoal_henry[/i] at 2006-6-24 07:47 PM:
勁wor!
咁多回嚮
而且大家果然... [/quote]
你個標題係[b]理智點吧! 亞洲球隊的擁戴者![/b],即係向所有支持亞洲隊既人講. 難怪別人對你呢個標題反感.
[quote]
我指既"理智d"係同果d盲目同埋覺得日韓出唔到線好唔抵既人講jie
[/quote]
覺得南韓出線唔抵就要理智d? 有無搞錯, 你話南韓對巴西就話啫, 而家對瑞士咋, 打落大家實力差唔多, 南韓仲做到17次射門7球中龍, 咁樣覺得佢地唔低有乜問題? [quote]Originally posted by [i]flash_2006[/i] at 2006-6-24 08:28 PM:
你個標題係[b]理智點吧! 亞洲球隊的... [/quote]
仲有就係4分出局..
就算咩球隊拎4分出局我都覺得唔抵wor..
我理鬼佢係咪亞洲球隊啦 大家聽我講!!
唔係上年呀!!=.="係上屆
上屆南韓入到四強...
好大原因係球證徧幫呀..
南韓係亞洲係勁...但比起歐洲果邊..重係差d ga...認真講 樓主講o既野真係令我 r 晒頭...
乜支持一隊球隊要理智o既咩 :eek: ??? 要理智o既話9成人都會轉捧車仔啦~~ 遲d祖記同ac降班, 油王一出手, 兩隊full team買晒, 仲唔雄霸天下!!! :clap: 上次係亞洲,又話人地靠問題球,今次係歐洲,又係話人靠問題球!
唔通誤判呢家野只會係亞洲球隊身上發生?
唔好用一個問題球就唔記得佢地付出過的努力!
始終,冇證據係佢地主動用過咩橫手~ [quote]Originally posted by [i]flash_2006[/i] at 2006-6-24 19:32:
艾禾卡特出埋個無鬼用既朴主永打正選都唔出安貞桓... [/quote]
好似話佢iq高:kicking: [quote]Originally posted by [i]kakeidevil[/i] at 2006-6-24 10:08 PM:
好似話佢iq高:kicking: [/quote]
咁美國唔出蓋茨@@? [quote]Originally posted by [i]YUEN_LOUIS[/i] at 2006-6-24 10:12 PM:
咁美國唔出蓋茨@@? [/quote]
講得好, support bill gates 打keeper
steve jobs 打中場一定好多idea
小布殊一定要打forward 喇
[[i] Last edited by sexysexy on 2006-6-24 at 10:33 PM [/i]] [quote]Originally posted by [i]sexysexy[/i] at 2006-6-24 10:32 PM:
講得好, support bill gates 打keeper
steve jobs 打中場一定好多idea [/quote]
人地秒秒鐘幾十億上落,
同你玩波?:D
頁:
[1]
2