我覺得大家o係度鬧奇連士文真係有少少問題
人地第一次執教就係國家隊, 仲要係一隊有輝煌歷史geh國家隊, 係主辦國。
由一開始被碧根鮑華critize到今日佢話要奇連士文繼續帶德國,
以佢自己geh咁淺執教經驗, 一班質素唔係最高, 甚至參差geh球員,
可以入到四強真係交足功課！
意大利強於傳統geh防守, 兩邊閘又不時上前助攻, gattuso又破壞唔少對方geh攻擊
camoranesi 一早就要被換出啦...踢到不知所謂！
或者lippi好在有一班好球員, 有老(cannavaro, materazzi), 有壯年(toni, totti, zambrotta, gattuso, pirlo, buffon), 有後生(gilardino, grosso), 有前又有後, 唔入決賽直情係無可能
琴晚場波就算90分鐘無入球, 唔代表兩隊踢守勢波
全場係咁你放一段, 我放一段, 快上快落
意大利真係運都贏埋...
podolski 禁區內被cannavaro侵犯變成禁區外罰球
照咁睇, 意大利可以順手贏埋個大力神杯返屋企！
其實意大利勝利既關鍵係加時的換人，首先基拿甸奴之前既入替，己經係一個計時炸彈，點解發定時間內他在尾段冇乜表現？？因為其實托迪和甘莫蘭尼斯真係踢到斷晒氣，特別係甘莫蘭尼斯，愈黎愈多失誤，然後換入伊亞昆達呢個速度高既高佬，在右路狂爆拿姆，雖知道拿姆今場波走上走落，又要應負90分鐘內谷盡黎同你鬥過既甘莫蘭尼斯，體力己冇左8899，而家先俾你個伊亞昆達上黎爆，實守唔住，再者，迪比亞路入替開始失去活躍表現既派洛達也很正路，擺大個頭打四前鋒，雖然迪比亞路依然末擺脫敗家仔命運，一球咁易射既禁區邊俾佢射失左，但幸好在隊友打開紀錄後，他壓力盡消，可以入番粒。
基本上呢場波兩隊都踢得好，無論那一隊入決賽，也將會是冠軍！！！
眼見下線列強都愈踢愈廢，葡萄牙贏既係一隊水兵英格蘭，兩隊水鬥水，打多個人都攻唔掂英軍，另外法國咁好彩遇到西班牙前場跌watt及後防例牌問題，即使只踢一個施丹都夠，之後對住一隊掛名巴西實質馬其頓既廢物，法國又係靠施丹單天保至尊幫助攻力還是唔理想既法國隊製造入球，最後終於憑馬其頓既低級錯誤入倒一球，最後終於出現水鬥水四強，葡萄牙vs法國，基本上佢地到今時今日都末踢過一場有說服力既好波......
係意大利既防守太出色啦!
保方:good:
[quote]Originally posted by [i]Kian76[/i] at 2006-7-5 12:04 PM:
其實意大利勝利既關鍵係加時的換人，... [/quote]
先回番最頂的post,我覺得成場波係italy打得好過德國,個中場都贏左一大截啦
Pirlo打到好似神咁,控球在腳不慌不忙,傳停帶射樣樣能~
就算邊隊贏,都可以拿冠軍???唔係卦?
我覺得現在4強呢幾隊,隊隊都有能力拿冠軍,冇人感講邊隊贏硬呱?
講真如果italy對住France的Vieria and Makelele,totti真係一棟都未必有
其實奇哥已經用盡所有板斧,3個換人都換晒,Odonko, 紐維利,小豬,換左呢三個入黎確實係令Zambrotta and Grosso冇助攻助得咁happy,另一方面Lippi亦換入細老and伊亞昆達令拿姆冇得再爆上去
兩名領隊大鬥法,各有利害之處,不過italy入的第一球,嚴格來說都只是set-pieces,所以也替德國感到有點不值~
無論誰勝誰負,都沒有責怪的餘地,能有這樣的成績對於兩隊來說也肯定是超標了~
德國完全唔記得意大利點樣喺最後幾分鐘擊敗澳洲
Luppi knew if there was penalty shootout they wouldl mostly lose the match, so he substituted
Iaquaita for Camorasi and this made German unadaptable and almost lose the goal in extra time first half.
Then Klinsmann still did not improve their defence power and finally they lose the match.
I would say Italy won by Luppi's determination and Italian players' compete mind.
[quote]Originally posted by [i]franken[/i] at 2006-7-5 11:41 AM:
我覺得大家o係度鬧奇連士文真係有少少... [/quote]
agree :good:
我都覺果球係十二碼...好唔抵... :angry:
原來有咁多德國迷係度，仲以為自己係「小數民族」！
講返場波！ 輸波無錯係好可惜，但係都屬於「正常賽果」。 用球員質素去計，無論前中後三線每個位，意大利比德國實在過之而無不及，最多可以話拿姆同格羅素，波歷克同無態既托迪可以打過和(個人意見)！ 再加上德國現役呢班好多都好後生(尤其條後防線)，大賽經驗實在係唔多，甚至可以話無！ 所以普度斯基連番失機同埋D後防間中走灟左人，其實都係預期之內(諗返第一場對哥斯達黎加就知)，問題係走灟左個次會唔會輸波同可以改善幾多。 就算用成隊去睇，細心既都知道其實意大利真係可以用「踢成隊」黎形容，唔係話德國無隊形，但係球員之間互相包位同走位，意大利的確勝一籌！ 就以條中場線回防做例，可以見到意大利D球員(尤其加度素同派路)會自動自覺填返後衛走灟左D位，而唔係就咁跑返三閘線企返個位就算，雖知道回防唔係企位咁簡單！
講左咁多，好似講到自己唔係德國隊迷咁！ 但正如之前咁講，輸左係好失望！ 其實整體黎講已經係「喜出望外」！ 諗返熱身賽對意大利，真係無眼睇 ... ... 當然有人話主場幫唔少，呢個係一定有既，起碼係自己人面前都唔敢懶啦！ 但係整體同埋同別球員既進步真係好明顯！ 要再三講既係條後防線：第一場可以用豆腐黎形容，到而家可以包到位同力抗D世界級前鋒，已經可以大拍手掌！ 希望班後生仔例如拿姆、侯夫、梅迪煞卡、贊臣、同埋無入選既軒基等可以快D進步，就算上唔到一線頭，都可以做到一線尾既球員！ 至於前鋒保度斯基既把握力雖然未算好成熟，但話哂人地得20歲仔，下年仲去拜仁踢下大賽，相信係有希望既！ 而高路斯亦都唔再「得個頭」(諗返上屆世界盃就知)，扭簡拿華路個下真係好出色，而控球、射波、盤球等都進步左唔少，雖然要佢踢多屆世界盃就未必得，但係呢緊兩、三年都可以靠下佢，同埋希望佢可以帶起普度斯基、古蘭爾同漢基！ 剩返中場線，短期內波歷克真係好難有人頂到佢：舒韋恩舒迪加未必適合打正中場分波，左中場啱佢多D，況且佢同拿姆合拍開；迪斯拿出波幾好，打右中場好適合佢多D；如果講同類型既，保路斯基會係一個好選擇，都係長傳準、體力唔錯、跑上跑落、後上有頭有腳！ 反而比較擔心既係守中呢位，芬寧斯係唔錯，但係企位同包位兩方面唔係咁好，見佢好多時都係追返走灟左個D人，多過成功攔截到對方傳送同補返後防走灟左D位！ 諗下馬基利利就知啦！ 車仔唔知幾靠佢，尤其係二閘上左去助攻，有佢逗返D位令到林柏特同二閘上得幾放心！ 雖然芬寧斯射波幾勁同仲可以打多兩三年，但似乎後繼無人：基爾年紀唔細，其他德甲球隊呢個位用外援多，例如夏格維斯、蘇度等。 所以真係好希望呢幾年內可以出返同好似馬圖斯、森馬、伊歷斯呢D級數既防中。
打到手都軟，其實我諗而家話鍾意德國既，好少係呢幾年先至開始鍾意，我諗係由90西德或者96歐洲國家盃開始(當然有更早啦)！ 所以不期然會用返呢兩代既球員做比較(好似樓上有D朋友既分享咁，我自己都會)。 不過坦白講，我諗短期內德國都好難(甚至無可能)去返個兩屆既水準(除非無端端出返好似高拿、巴治禾、薛基、布林美、畢圖特、路達、馬圖斯、慕拿、希士拿、森馬、列巴斯基、伊歷斯、禾拉、奇連士文呢D級數既球員)，不過好明顯德國已經走出左「青黃不接」既階段，所以如果德甲球隊肯俾多D機會本土年青球員，同埋而家班後生可以出國搵食，德國一定有機會重登世界一線球之列！
我係 deadhard 德國 fans, 呢次世界杯 德國 上下交足 200% 功課, 奇哥新戰術, 用新人, 全隊一貫 十上十落團隊打法非常出色, 今場輸係邊 ............. 輸係要突然冇左 frings, 迫上半場要打守波, 輸老大哥那一秒鐘的自私, 大家睇番第一球, Ballack 竟然避波 ...... 佢唔避殺上去係好有可能擋到 ka .................
仲有 .......... 話德國想守和人唔該再睇場波一次, 進攻兩邊有上有落, 你一球我一球, 絕冇拉布 ...... 後邊換 3 個前鋒係想攻波, 想 12 碼都唔會換走波路斯基 同 史夸達 la :mad::mad:
支持奇哥下界再黎過.
德國掃走阿根廷之後, 我都支持德國 ga, 不過今場真係唔同對手, 因為阿根廷實力太弱, 根本俾唔到德國後防任何威脅, 但意大利, 英格蘭, 法國呢d 明顯高一班波, 唔可以再用對阿根廷O個套, 今次可謂奇連士文失策之故
[quote]Originally posted by [i]siredes[/i] at 2006-7-5 10:20 AM:
一早已經有預感德國會輸...
我自己係... 德國輸波只可以怪技不如人, 無論係進攻抑或防守能力, 德國都唔及意大利, 再加上成日想守和踢十二碼, 結果輸俾自己之餘亦輸埋俾人.
對德國好失望, 我希望呢班後生仔今後要好好磨練一下自己o既球技, 4年後再o黎過. 同埋...
真係希望迪斯拿到時唔好再傷喇...佢係德國目前唯一o既天才.[/quote]
係.....迪斯拿 同 scholl l 長期傷真係好慘, 如果唔係, ballack 都仲係 DF 炸.....
不過 4 年後, 迪斯拿就算唔傷 ........... 都應該踢唔到 .......... 太老了 :cry:
[quote]Originally posted by [i]bigfish[/i] at 2006-7-5 03:12 PM:
德國掃走阿根廷之後, 我都支持德國 ga, 不過今場真係唔同對手, 因為阿根廷實力太弱, 根本俾唔到德國後防任何威脅, 但意大利, 英格蘭, 法國呢d 明顯高一班波, 唔可以再用對阿根廷O個套, 今次可謂奇連士文失策之故[/quote]
阿根廷實力太弱???? 英格蘭明顯高一班波 ???? 我真係第一次聽 :good::good::good:
[[i] Last edited by mttfpuk on 2006-7-5 at 03:22 PM [/i]]
[quote]Originally posted by [i]mttfpuk[/i] at 2006-7-5 03:12 PM:
我係 deadhard 德國 fans, 呢次世界杯... [/quote]
德國一定想主攻, 但係面對意大利咁穩固既防線根本好難搵到位去進攻. 所以今場波射中龍既次數唔多. 故有錯覺覺得德國唔想攻.
[quote]Originally posted by [i]mttfpuk[/i] at 2006-7-5 03:19 PM:
係.....迪斯拿 同 scholl l 長期... [/quote]
我當笑話咁聽:hitwall:
[quote]Originally posted by [i]brightman[/i] at 2006-7-5 03:23 PM:
德國一定想主攻, 但係面對意大利咁穩固既防線根本好難搵到位去進攻. 所以今場波射中龍既次數唔多. 故有錯覺覺得德國唔想攻. [/quote]
係, 意大利防線真係好強, 加上德國攻守失, ....:cry::cry:
冇左 Frings 真係差好遠 :cry::cry:
[quote]Originally posted by [i]bigfish[/i] at 2006-7-5 03:12 PM:
德國掃走阿根廷之後, 我都支持德國 ga... [/quote]
因為阿根廷實力太弱, 根本俾唔到德國後防任何威脅, 但意大利, 英格蘭, 法國呢d 明顯高一班波?
真係O晒嘴:eek::giveup:
意大利已經24場不敗，後防線在世界杯期間僅丟一球，那還是一個烏龍球，所以贏德國絕非偶然
世界杯-意大利拋棄保守打法放手一搏,挺進決賽絕非偶然7月 5日 星期三 14:51 更新
放大意大利7月4日在世界杯四強賽拋棄傳統的謹慎打法，大舉進攻，最終贏得決賽席位。幾十年來，意大利隊一直以其保守的打法飽受批評，但在這場比賽中，意大利隊在加時賽大膽啟用四名前鋒，兩度擊中球門框，最後憑藉格羅索(哥素)和皮耶羅(迪比亞路)的入球，漂亮地贏下比賽。意大利隊比賽一開始拋棄他們傳統的謹慎打法，大舉進攻，最終贏得決賽席位。
幾十年來，意大利隊一直以其保守的打法飽受批評，但在這場比賽中，意大利隊在加時賽大膽啟用四名前鋒，兩度擊中球門框，最後憑藉格羅索(哥素)和皮耶羅(迪比亞路(網站 - 圖片))的入球，漂亮地贏下比賽。
意大利隊主教練里皮(納比)顯然不願將比賽拖入點球(十二碼球)決勝，因為歷史戰績顯示，點球大戰對他們不利。
意大利隊目前已經24場不敗，他們的後防線在整個世界杯期間僅丟一球，那還是一個烏龍球，坐鎮後防線的隊長法比奧卡納瓦羅(F.簡拿華路)依舊如磐石一般堅固。
本場半決賽是意大利隊本屆賽事期間第一次遇到實力相當的對手，雖然他們晉級四強之路相對輕鬆，但最終的表現證明他們能進入決賽絕非偶然。(完)
大家一齊時光倒流丫...
當打到加時下半場剩低2分鐘時,
有幾多人會諗到意大利會入到波呀???:confused:
大家問心果句,
係咪已經一心諗住坐定定睇12碼先???
根本果個入波就係突如其來, 更加唔好講第二個波啦
意大利能夠入到決賽
1) 防守力真係抵讚, 但亦都有運
仲記唔記得對烏克蘭果場有幾球波又中柱又中楣呀
尋晚亦令到德國根本難越雷池
2) 德國進攻板斧少, 防守力亦不穩
亦顯示德國面對密集防守根本冇乜板斧丫
兩邊落唔到底, 出唔到波, 高路斯自然冇料
對住瑞典的遠射亦用唔著, 皆因意大利中路太密了
防守力唔夠穩在frings缺陣下更明顯
中路守將速度慢, 面對意大利快速突擊更見吃力
在体力下降, 加時後防壓力加大
3) 意大利條線好
意大利出線後係16,8強真係易打到丫...
比佢地係分組賽遇到的壓力仲細
如果16強一早遇巴西睇下今時今日仲見唔見到佢地...
仲有澳洲果下真係.....唉..
唔失波就唔會輸波
意大利當然深明此道理啦
唔係話意大利好積極
係根本德國都俾唔到好大壓力俾意大利
你都冇料到人地梗反咬你啦
一句講哂
球員質素上既分野
德國同意大利有幾個相似既半機會
意大利入兩個靚波,德國就嘥左
:good:
其實o係体能上德國係比意大利輸蝕，因為德國連埋呢場係連續兩場波都係要踢到加時，今場波仲要冇埋一場波跑廿公里o既Frings。所以到左最尾果兩分鐘先至失波都算好野嫁喇。呢兩球波擺明就係德國球員已經冇力跟波，所以先至有咁大個空位比格羅素同埋迪比亞路射波囉。
[quote]Originally posted by [i]自由神[/i] at 2006-7-5 10:35 AM:
agree 我未見過一隊波對自己既十二碼（運氣）咁有信心！你話你有列文！人地都有保方啦！:fight: [/quote]
德國射十二碼係有貓紙架:lol: