馬來西亞之遊
琴晚岩岩落機, 返到黎都諗住係旅遊區講下我呢幾日既經歷, 點知又咁岩開左個新討論區!!講返先, 我個遊程係: 五日四夜跟團(馬六甲, 吉隆坡)
[color=Brown]酒店:): [/color]
水腳屋, 住雲頂, 同 五星半級既 hilton (sorry, 唔記得酒店名)
講下水腳屋先啦, 係就係有特色, 但係感覺怪怪的, 可能未住過d咁既酒店掛....因為內裡裝修是用木. 而我地分佩果間房既view就麻麻地....但總括黎講呢間酒店都ok(但係唔好充滿期望咁去, 因為遊行社影果張相係總統套房既view)!
雲頂: 一定要著風褸, 因為真係幾凍, 佢出名係間賭場, 但係賭場好細咋~~同澳門果d無得比!! 而酒店既view....係無囉(通風機口)!! 個導遊話: 佢特登攪到間酒店咁...等你係間room到悶就出去賭...仲有個花洒真係洒 (好難沖乾淨)
hilton: 正!! 五星真係五星, 係唔同d既....裝修, 設備乜都好, 個view又好正!! 不過.....最估唔到既係...竟然有隻[color=Red]小強[/color]同我同房...都唔知佢有無跟我返hk添丫!!(因為唔想殺生! 由得佢)
[color=Brown]食物:drool::[/color] 唔係酒店就係團餐, 酒店既無黎好食, 又少野揀....團餐雖然都有特色野食...不過就唔係話好好食囉, 個導遊好直接咁講:[color=Blue] 有特色唔代表出色丫!! [/color]
食過佢果邊既 kfc, 價錢同hk 差唔多(唔知點解要俾稅), 個皮比較脆同辣
生果方面, 又唔係話咁甜喎!! 紅毛丹就便d, 不過無乜味~~而榴槤都係貴, 無乜肉食而味帶苦...
最平咪佢杯拉茶(甜味奶茶,馬幣 1 元), 另外, 如果佢帶你去黑風洞到玩,叫你食燕窩, 可以唔食,雖然係算平(馬幣$16), 但係啖而無味, 又少燕窩....
不過佢個印度薄餅就要試啦, 甜甜脆脆幾好食 (馬幣$2)
玩樂:gun:: 其實都係參觀囉, 有某d建築物都係靚既:photo:, 比起去台灣參觀果d...馬來西亞無咁悶...我有去個水上樂園玩, 可惜我係方向白痴, 睇唔明張地圖, 所以miss左好多好玩既game,e.g 漂流果d....而佢既機動遊戲好激, 所以我無玩....(不要看少佢既海盜船)
購物:nogood:: 成個trip最唔滿意就係購物....真係想 xyz , 豈有此理:fight:!!! 乜都[color=Red]貴貴貴[/color]!! 買手信買窮, 佢多數都係魷魚果種野....但係超貴!! (馬幣$20一包) 你係hk 同類野唔使咁貴, 就算平時見到d女人街貨仔, 佢都貴hk 一倍:nogood:!! 除左食物既手信, 已經無其他野值得買!!我第一日只係買野食既手信都用左800幾蚊港紙, 但係無乜野買到喎!!
朱古力又貴到嘔, 我覺得麻麻地好食....我買左士多啤梨朱古力, 以為內裡係鮮果肉,原來係乾, 其實同明治果種啫哩朱古力差唔多, 最好食係佢個咖啡朱古力!另外, 佢個榴槤朱古力(只有榴槤味,同放啖榴槤入口無分別) , 但好有特色, 買左一盒返黎....一開!!! 得果12粒, 但係價錢係馬幣75元!! 成港紙10蚊粒架!!! 食左真係識飛!!
仲有, 佢d雪條要試!!
[color=Orange]馬幣 1 蚊 = 港幣 $2.3[/color]
另外,自費活動:
雲頂有睇佢個魔術show, 本來都精彩不過佢拖慢黎做....個半鐘大部份時間都悶悶的, 差點訓著!! (馬幣$70)
仲有做spa, 馬幣157, 75mins....未換衫已經開始計時, 係舒服不過嫌時間短囉...
有樣野係估唔到既, 就係係果邊有無線既劇集睇(當然係好耐之前啦), 仲有hk既電影睇....同聲同氣咁...幾好丫!!
呢個遊程都開心, 感覺幾好....!! 如果大家唔使買咁多手信, 應該會仲好!!:haha: Thanks for reports!:) thx.......... aiks...dude.i think because u follow the trip only.malaysia have a lot beautiful thing u never see it.somemore u just go melaka and kuala lumpur only. [quote]Originally posted by [i]luxiaofung[/i] at 2006-7-31 04:55 PM:
aiks...dude.i think because u follow the trip only.malaysia have a lot beautiful thing u never see it.somemore u just go melaka and kuala lumpur only. [/quote]
我絶對相信係....好多美好既事物要自已搵...... maybe cos u follow trip, so things u buy ll be 'exp', actually malaysia really got alot of cheap item to buy!!!
頁:
[1]