[quote][quotefrom="kakueeken"]費格遜係有錯, 但其實個個領導都會有錯, 我覺得費sir 未至於咁差, 不過曼聯骨幹球員年紀偏大, 換血並唔係一件易事。另外, 好多人忽視左一個事實, 就係英超0既水準提升左好多, 不論係球員定領隊, 都非常有級數, 競爭大左好多。講真, 雲格、賓尼迪斯、摩連奴呢d 頂級領隊, 以前未必肯"屈就"係英格蘭呢d 次級聯賽, 而家都0黎左搵食。費sir 就算保留到以往0既執教能力, 但他本身0既能力都未必比得上他0既對手。
事實上費格遜都有唔少平價執筍貨0既例子, 例如舒米高 , 蘇斯克查, 簡東拿, 甚至是近期0既美國門將侯活；另外一眾青年軍其實都經過他改造, 好似史高斯由前鋒改造成後上殺手, 碧咸由中場改踢右中場等, 都見到費sir 0既功力。
我覺得費sir 最失敗係他0既家長式管教手法, 當年賣走史譚是對的, 因為史譚出自傳時講左d 唔應該講0既0野, 影響左隊中士氣。錯只錯在他唔應該用白蘭斯來頂替他0既位置, 之後買左rio 之後, 都算填補左 史譚0既位置。
但碧咸就唔同, 純粹係因為 費sir 看唔過眼碧咸五光十色0既生活, 他仲用以前果套看碧咸, 唔明白碧咸已大個仔, 係世界上最受注目0既足球員, 有d0野一定要變, 結果當然係不歡而散。
另外近年之所以經常 "高價買次貨", 與其話費sir 眼光差左, 不如話他用人唯親, 搵左個細佬同仔做中間人物色員, 在利益輸送下, 球隊成績已經唔係他首要考慮。[/quote]
費爵爺打造高峰時期所買入及改造的球員絕對稱得上家喻戶曉！
kakueeken真的能如數家珍！
奈何說到近期，kakueeken也只能說出一個侯活（Tim Howard）！
現時曼聯的情況真是不言而喻！