曾經養過ge"寵物" 之貓貓篇
今次說貓貓，小時候家裡先後養過四隻貓，最老果隻係貓女"[b]黑咩[/b]"，佢個仔"[b]黑白咩[/b]"，個孫"[b]黃白咩[/b]"，同埋[b]黃白咩[/b]個老婆"[b]黃咩[/b]"！係咪覺得d名好求其呢？嘿嘿，我都唔知點解，可能無人諗過同佢地改名，所以只好用佢毛色辨別吧...先說說"[b]黑咩[/b]"，她是祖母輩，是"[b]黑白咩[/b]"個阿媽，別號"死賊仔！"她應該是"[b]霸王雞[/b]"被誅之後幾年才加入我們家的，是我家養的第一隻貓，但家人對佢ge印象都幾負面，舊時人搵隻貓返黎，唔會諗住作玩物！而係想佢捉老鼠。從家人口中知道，從來無見過"[b]黑咩[/b]"捉過老鼠，這還不只，她蠻喜歡"攔街"！一早食飽飯就死左出街，到黃昏先會捨得返黎食夜晚果餐...
我對佢ge印象唔深，只記得有魚吃的那一餐，在飯前，媽都會叫人小心隻[b]黑咩[/b]來偷魚！事實上，如果檯面有兩條紅衫魚ge話，"[b]黑咩[/b]"甚至會先偷走一條收埋，然後折返偷埋淨番果條！死賊仔呢個稱號！真係唔係浪得虛名ge。
幾年後，她的兒子就出世了，相信係因為負擔太重，所以每一代的貓，家人只會留一隻，其他都會給棄掉....
"[b]黑白咩[/b]"出世之後，樣子就是一零一班點狗的貓版，因為樣子可愛，深受歡迎，其實做我屋企d貓真係幾富貴，依家d貓食貓糧，果時我屋企d貓就餐餐有魚食，我地每次會到街市買十斤八斤下價魚返黎煎熟佢，然後用個大餐盒裝好！貓貓的每一餐，就是吃魚飯！這所以難怪連"[b]黑咩[/b]"都會返黎食飯...
"[b]黑白咩[/b]"是大眾寵兒，因為牠不會偷野食，所以深得家人愛錫，就連班狗狗們都同佢好friend！大概係因為一同成長之故，都唔只一次見到佢攤屍咁訓左係d狗個身上面，貓同狗玩，難免會有損傷，但傷的，永遠是班狗狗....
牠們喜歡一些變態遊戲，就是先互望，呆幾秒，然後"孤"幾秒，再鬥快用左右手互"括"對方幾巴！結果當然永遠係"[b]黑白咩[/b]"贏，因為每次狗狗個鼻都會俾佢爪傷/ _ \....不過你唔見佢地關係會轉差，過兩天，又再睡在一起了。
說真的，其實班狗狗都好有義氣，因為[b]黑白咩[/b]試過好幾次俾隔離屋班狗圍...班狗都會佢救佢！
(可能"[b]黑白咩[/b]"對狗無戒心之故，所以之前試過俾其他狗打到耳仔都差d甩埋，結果在無止痛的情況下，俾我老豆同大哥們夾手夾腳幫佢聯左十幾針！隔左一排先好番，好可憐...>.<...狗狗們拉隊去救佢，每次都打交打到跛跛下咁返，當然，佢地可能早就想打交都唔定，但始終真係做到義犬救貓丫
"[b]黑白咩[/b]"慢慢長大，有一日，牠慣常的跑來痴身痴細，我媽在旁大聲喝罵牠說:你個死仔，成日黎痴身痴細！又唔見你捉隻老鼠返黎睇下，說完，就拍了牠個patpat一下！[b]黑白咩[/b]一支箭咁走左.....你都唔好話貓無性，因為就在那次之後，佢就開始捉老鼠返黎。我敢講，[b]黑白咩[/b]絕對係一隻有靈性但係變態ge貓。你會見到佢捉左隻老鼠返黎，係自己間貓屋門前虐待隻老鼠，方法就係將獵物拋高黎"玩"....這還不算變態，自從那次被罵之後，牠每次虐殺完隻獵物，都會把獵物個頭咬左去，然後將條屍放係我屋企大廳ge正中間....沒聽錯，是大廳的正中間！隨後日子，家中除了發生無頭老鼠兇案，還有無頭青竹蛇(不是玩十三張啦)和無頭過樹榕等血案....
[b]黑白咩[/b]是我家貓中最受歡迎的一隻貓。到牠的兒子，由於毛髮是黃白兩色，名字當然就是"[b]黃白咩[/b]"了...[b]黃白咩[/b]沒有牠祖母的賊性，也沒有父親的變態，牠會捉老鼠，但不會把獵物的頭咬掉。牠是一隻懶羊羊的貓，平時沒事做，就最鍾意去釣龜，也沒聽錯，是釣龜！在我家門外的園地，貓屋旁是無乜魚ge魚池，魚池旁，就是放了一個好大ge魚缸，缸裡面養左幾隻草龜和巴西龜，龜都係食魚ge，但唔會日日餵。[b]黃白咩[/b]最鍾意係黃昏時訓係魚缸旁邊曬大陽，條pk死人尾就特登放落個魚缸度縮下縮下引d龜咬！咁d龜當然咬佢唔到啦！咬到佢仲唔分佢屍咩！咁大隻龜！
[b]黃白咩[/b]唯一做過而佢老豆無做過ge事！就係唔知係邊度帶左個女人返屋企住....就是牠老婆[b]黃咩[/b]。唔知係咪貓女都有份賊性，佢老婆又係一隻鍾意偷野食ge貓黎，而且仲係鬼鬼祟祟果隻，呢樣唔似佢阿婆"[b]黑咩[/b]"！[b]黑咩[/b]鍾意好豪氣咁成條魚偷走收埋慢慢食！[b]黃咩[/b]就鍾意偷完拿拿聲係檯底食！其實大家都唔鍾意佢！因為佢實在太"鬼鼠"，成日閃閃縮縮咁！又唔識捉老鼠(可能覺得係同類)！都唔明點解[b]黃白咩[/b]都帶佢返黎！這還不只，[b]黃白咩[/b]還給戴上綠帽！因為佢老婆居然同隔離何生隻貓"有路"！到[b]黃白咩[/b]過身以後，黃咩就係出面攪大左個肚番黎！如此不守貓度！真係貓門不幸！
[b]黃咩[/b]是我家最後一隻養ge貓！牠跟[b]黃白咩[/b]一起時沒見過她大肚，[b]黃白咩[/b]行左大半年之後，佢反而大左肚。可是貓仔都沒給留下了...
這都是我的一點兒時記憶，字太多我看也沒幾個人願意把它讀完。這個當然會感到無意思，但...還是算了吧！^-^
[url=http://www.26fun.com/bbs/viewthread.php?tid=122562&fpage=1]曾經養過ge"寵物"前傳 之 霸王雞[/url]
[url=http://www.26fun.com/bbs/viewthread.php?tid=121982&fpage=1]數下自己曾經養過ge"寵物" [/url] 點解你d貓貓咁得意
我屋企就唔得ge><
佢除左識叫我起身,俾野佢食,放佢出去玩,就咩都唔識
不過佢都好可愛,作日痴住我^^ [quote]Originally posted by [i]sakura310[/i] at 2006-9-10 07:33 AM:
點解你d貓貓咁得意
我屋企就唔得ge><
佢除左識叫我起身,俾野佢食,放佢出去玩,就咩都唔識
不過佢都好可愛,作日痴住我^^ [/quote]
緊係啦！我d貓可以自出自入出街玩，又會遇到真ge老鼠！又唔駛陪主人睇電視！又可以走去附近同其他街坊貓打下牙骹！得閒仲會曬下太陽！爬下樹捉下雀撚下蛇刮下狗，食錯野仲識自己去搵草食，唔憂柴唔憂米！自由自在，俾我都開心啦 haha..好好喎! [quote]Originally posted by [i]wind69[/i] at 2006-9-11 07:38 AM:
緊係啦！我d貓可以自出自入出街玩... [/quote]
別誤會啊
因為我而家係澳洲,入夜會好凍,所以貓貓佢都會自動自覺入屋訓,唔係我唔困住佢ga
平日佢都係自己出街玩ga,都有晒太陽哥d ga,佢都好自由ga
我沒有對牠不好啊 hahah~ [quote]Originally posted by [i]sakura310[/i] at 2006-9-11 09:34 PM:
別誤會啊
因為我而家係澳洲,入夜... [/quote]
咁可能係我屋企養左好多貓貓狗狗，d貓又鍾意熱鬧，所以活潑d卦:D:D 好羨慕啊
成屋都係貓貓狗狗,返到屋住會好熱鬧,好似一家人咁
一定好warm haha^^
可憐我家只有一隻貓,隔離屋一隻,樓上一隻,實在冷清
不過說不定我家小貓在出面有好多朋友都未定 XD
頁:
[1]