[quote]Originally posted by [i]ian2910[/i] at 2007-2-11 06:31 PM:
早一排終於知道對方有BF,傷心痛... [/quote]
多謝你打咁大段o野post 出黎…… 我大概可以感受到你有幾痛苦………:(:(:(
不過如果係咁﹐我估你都係得兩條路揀﹐一係就keep 住做佢ge 好朋友好知己﹐一係就乜都唔理開始追求佢…
結果往往係難以預料ge ﹐其實感情並無分對或錯﹐一對冇問題ge 情侶﹐絕對係唔會俾人介入到ga~~~ 如果你自問比起佢男友可以更加俾到幸福佢﹐咁咪去馬；如果你係唔抵得最後係你o地ge 上司得米﹐你甘心咁樣默默守候佢咩？
當然﹐相反﹐如果你自問唔可以﹐咁就要你自己好好考慮啦～;);)
[quote]Originally posted by [i]trista_cheong[/i] at 2007-2-11 06:36 PM:
多謝你打咁大段o野post 出黎…... [/quote]
如果我去馬係咪我好衰?我聽過個女仔係電話度喝佢BF唔好問候佢老母!因為個女仔叫佢唔好咁癈於是就嘈交!
我真係六神無主..........
[[i] Last edited by ian2910 on 2007-2-11 at 07:01 PM [/i]]
[quote]Originally posted by [i]ian2910[/i] at 2007-2-11 06:48 PM:
如果我去馬係咪我好衰?我聽過個女仔[size=6]係電話度喝佢老公唔好問候佢老母[/size]!因為個女仔叫佢唔好咁癈於是就嘈交!
如果我去馬係咪我好衰?我聽過個... [/quote]
........................ :eek::eek::eek:
你講你小師妹? 唔係卦:cry::cry::cry::cry::cry::cry:
[quote]Originally posted by [i]trista_cheong[/i] at 2007-2-11 06:55 PM:
........................ :eek::eek::eek:
你講你小師妹? 唔係卦:cry::cry::cry::cry::cry::cry: [/quote]
全中!不過打錯左唔係老公係BF............
shit!因為佢有時叫佢bf做老公仔!
[quote]Originally posted by [i]trista_cheong[/i] at 2007-2-11 06:55 PM:
........................ :eek::eek::eek:
你講你小師妹? 唔係卦:cry::cry::cry::cry::cry::cry: [/quote]
點解我懷疑佢條仔真係好廢?因為佢係個電話度同對方講,話佢唔可以將d咁重要ge物件(唔知係乜,我估係首飾之類)law去抵押,又叫對方唔可以再廢落去,個女仔同佢d親人已經成日借錢比佢云云,於是就嘈交...............
而事實上,我師妹真係有d山窮水盡,佢曾經兩次係月尾問我借錢,次次二百,我心諗為朋友我一定義無反顧,所以重借得好爽手添..........
重有一樣野,我講過我小師妹係一個女強人,我知佢唔甘心同我平起平坐,大家係工作上競爭我唔介意,我重教佢野添!
但係而家我上司係其他人面前出言提攜佢,他日佢上位,多謝ge唔會係我,而係我地上司........
見佢同bf嘈!我心裡面係好唔舒服........
好朋友唔係無條件去幫ge咩?點解我一直都係咁諗,但係當我見到我上司追緊佢,我會覺得咁痛苦?
想逃避一切,但係我重要返工,每日都要面對佢,重要強顏觀笑?見到佢同我上司耍緊花鎗,我仲要扮野起哄?
可曾有人知我感受?
[[i] Last edited by ian2910 on 2007-2-11 at 07:32 PM [/i]]
唔好話我一廂情願!如果佢對我無意,我真係乜都唔諗,我反而會落得輕鬆,祇係佢而家比人撬緊我就無辦法忍受,連我都唔知點解會咁!
我ge立場就係,如果個女仔係要同佢BF分手,我希望可以比佢知道我心意,如果佢接受我就最好,唔鐘意我我都會死心.....如果個女仔本身同佢BF重有得孟,我希望佢唔好比我上司動搖到!
人人都有私心ge!自己得唔到個女仔都唔希望第二個人得到...但係至少我唔願意主動做人第三者!呢個就係我同我上司ge分別!
[quote]Originally posted by [i]ian2910[/i] at 2007-2-11 07:37 PM:
我ge立場就係,如果個女仔係要同佢BF分... [/quote]
其實我真係覺得如果你係真心愛佢﹐佢如果做o左一個最好GE 選擇﹐無論O個個選擇係咪你﹐你都好應該鄧佢開心……;););)
講易做難﹐但係我真係覺得﹐呢D 先係叫真愛……;);)
**** 作者被禁止或刪除 內容自動屏蔽 ****
[quote]Originally posted by [i]trista_cheong[/i] at 2007-2-12 12:10 AM:
其實我真係覺得如果你係真心愛佢... [/quote]
係我重未真係放得低?要做到咁落左決心唔係做唔到(我原本都死左心啦),祇係唔知點解我重係執著於佢知唔知我都可以係佢ge選擇之一,二揀一佢唔揀我,我無野講,但係佢以為祇得佢上司揀,我就唔甘心..........
我真係好想做到你所講咁樣!但係做唔做到,我祇有盡我全力而為..........
我怕我承受唔到.....
[quote]Originally posted by [i]ian2910[/i] at 2007-2-12 12:44 AM:
係我重未真係放得低?要做到咁落... [/quote]
咁你就諗乜 !? 去馬追啦……… 如果唔係你會一世後悔ga!!!;);)
:cry::cry::cry::cry::cry::cry::cry::cry::cry:
ian兄(希望你唔介意我咁叫你啦^^)
我完全明白你的感受
點解?因為我身邊都發生咁類似ge事
請各位容許我係度吹水
就在上年10月,我預科開學
哥日,我對我班的一個女仔一見鐘情(名我就唔打啦...)
咁我地都ok好傾,雖然唔算係好好好朋友哥隻
我班fd都叫我去追人
之後一次交談中,佢話我聽佢有男朋友的
而且佢男朋友已經到同佢講將來結婚d野,我諗佢地打風都打唔甩
所以我同ian一樣,都只係諗住做好朋友,無謂搶人女友ma~
之後,有次做報告分組,佢同一個男仔分埋一組(仲有其他人的)
經過哥次報告之後,佢同個男仔變得勁fd
雖然未至於話係情侶哥種耍花槍,不過而家經常見到佢地交頭接耳,我見到的確感到好唔舒服
早前考試,我去左個女仔屋企住一齊溫書,個男仔都有一齊黎
(因為我地三個其實係好朋友來的~)
有晚,臨訓前,個女仔叫我訓單人房,佢地兩個訓雙人房
唉~那晚我實在是抓狂了,整晚聽到佢地係格離房hehehaaha,實在訓唔著
(我都唔知佢地有無做d XXOO ge事)
而家個男仔仲住埋係個女仔屋企,唉~(雖然聽說過個男仔同d屋友間有d問題...)
我實在不知為甚麼,明明我當個女仔係好朋友,但而家見到佢同個男仔咁熟我又勁唔開心
十足十係度吃醋咁,我實在不明白為何自己會這樣
考試溫習期間,我同個男仔一齊幫個女仔溫書
但最後佢係人地面前淨係讚個男仔,我就好似無出現過咁,唉~~
我而家都諗緊,如果真係一個唔好采,佢同佢男友散成,之後同左個男仔一齊,我實後悔死
但我而家又唔想插隻腳落去,始終好似衰人咁,而且,要熟,個女仔同個男仔而家勁熟,有排都未輪到我啦~
老實說,ian 所講ge野,我真係感同身受
看來我們同病相憐了
(這件事屈在心裡好耐lu...)
今日番工,想去暗示自己ge心意比佢知,係做之前,我再探一探佢ge口風........
返到公司,發現原來週圍d同事已經認定我上司同我師妹係一對,又起哄又各樣.........
我唯有在大家面前故作輕鬆,實則心如刀割..........
之後師妹走泥同我講:死啦!而家點收科?搞到全公司都以為佢(指我上司)同我........佢重講笑咁問我情人節係咪會情佢睇戲添呀!呢次真係大劑啦!
我就笑住答佢:唔知你地呀!鬼叫你搞成今日咁ge局面呀?!你又由得人地咁對你,我都無偈個喎!你又唔同人講清楚,人地(指我上司)梗係會誤會左你啦!
(其實我係暗示緊佢應該同我上司澄清佢祇當我上司係玩得埋ge 朋友,佢已經有BF,唔會接受佢......)
咁佢就笑住話:係呀!係呀!我應該話我同你(即本人)先至係真ge!
(我唔知佢係真係聽唔明我意思定係度扮傻!)
之後食lunch,佢同我上司兩個竟然首先行左出去(雖知以往都係等埋大圍人一齊出去食),我扮唔識趣,沖埋出去三個人一齊行,然後我向我上司問:其他人呢?點解佢地仲未跟埋上泥?咁我地去邊度食好?
咁我上司唯有支吾以對:咁我地今日去邊度食好?
三個人慢慢行,於是大隊從後趕上,大家一齊去左一間餐廳度食,埋位個陣,我上司故意坐係師妹旁邊,而我就坐係我上司隔離!
食緊野果陣,我不斷提醒師妹:要戒口唔好食蛋呀!如果唔係你隻手指發炎會更加腫架!
而師妹就同我講:知道啦!我聽你話忍口唔食啦!......
其時,我師妹就拎左一件pizza比我上司,但係就無比我........(不過佢真係唔係幾夠手長!)
其間大家係度吹水,有人講講下就講起我地以前d野,其他人無野講,但係果d經歷,師妹同我就隔住上司就雞啄唔斷......
搞到我上司都同我講,不如我同你換位,等我同師妹可以一齊傾啦!
之後我公司個女副經理就同我上司講:哇你都做到好出面姐!(意指連佢都睇到我上司對我師妹大獻恩勤,係度追緊我師妹!)
我上司即刻故作愕然咁ge樣,好似好無辜咁!..........
我就唔知點解彈出一句:又唔見我咁樣比人笑?我個個朋友就算係女仔,都祇會覺得我係好朋友,因為我係講雷氣(指義氣)ge!
我個副經理即刻好似唔知嗡乜咁講:嘻!講起你就咁樣點得嫁!而家呢個年代慢慢泥點得嫁!要打鐵趁熱呀嘛!
(我估其他人唔明:但係我同我上司應該同時feel到個絃外之音,其實係我個副經理暗示,我同師妹大家拍住做野,之前咁多時間同近水樓台,我應該一早就去追我個師妹云云!)
其實我個副經理咁講,係因為佢知道我介紹我師妹入泥我公司做呢個秘密,而呢個協定係祇有我同個副經理同師妹三個人知!)
聽完我個副經理咁講:我feel到佢說話既含意,好自然咁望左我隔離個上司一眼,點知估唔到佢都咁arm望過泥!我當堂即刻扮到好迷茫............但係我知道大家都feel到有d唔對路.........
而我個師妹就若無其事掛住食..........
食完晏番到公司...........做做下野我師妹同我講佢要飲水食藥,我咪叫佢去囉!
誰不知無幾耐佢沖出泥同我講:死啦!我入去倒水將d藥擺係台面,誰不知我上司竟幫佢數齊d藥丸數量遞比我呀!搞到我而家好驚呀!
呢下搞到我都無言已對...........
然後無幾耐,我上司又週圍同人講要係情人節問我師妹要友情朱古力!搞到全公司d女同事都起哄,而我師妹更加沖出泥好驚青咁係我面前嘈到拆天!!又話佢一定唔會送又話送晒全公司食就無所謂云云..........
雖然佢係咁講,但我個心又涼左一截..........
到左放工,我師妹要去荃灣覆診,我就話我都約左人係荃灣,於是跟埋一齊去,我上司又專豋等埋行左一段路先走............
上左巴士,我同我師妹終於可以靜靜地吹下水
我先撩起我師妹講話我上司點樣撩佢,佢咬牙切齒講左一大輪之後我就同佢講:
其實你咁樣唔係咁好,你上司會以為同你有機會發展,到後來知道你有BF就唔好,分分鐘玩出火hurt到人.
我師妹就話:我覺得佢(指我上司)祇係一個大細路泥姐!佢應該祇係同我玩下之嘛!
跟住我就講:唔係喎!我地男人對男人,都覺得佢會以為係真喎!
咁佢先至話:唔係呀!我之前都有同佢講我有BF嫁!
咁我當堂打個突!原來我上司已經知道師妹有BF,都重要媾佢,証明佢唔介意做人第三者!
我真係有d六神無主!
組織好之後,我再試探佢,我問佢:你今朝番得好遲喎!
佢話:你都知我BF住係長洲嫁啦!我個個禮拜都去見佢你都知格!咁我今招番泥天水圍咪遲左囉!
由佢番去長洲探佢BF,同埋我呢兩個禮拜都無聽到佢個嘈交電話睇泥,佢同佢男友應該和好番,至少暫時係咁!
諗諗下,我發覺佢訓鬼著左......
於是我慢慢咁逼自己冷靜落泥,思考下自己應該點做.........
我係度諗,既然師妹同佢BF暫時好似無番事,我係咪應該唔好再繼續心存幻想,做番我作為一個朋友應做ge事?
我決定暫時都係咁樣做先.........
但係我又擔心,我師妹會把持唔住,終有一日會比我上司得米............
我知道作為第三者既男人,如果要撬人牆腳,一定唔會好明確咁同個女仔表示佢媾緊個女仔,有好多時都懶係玩玩下,而同時會用誠意去打動個女仔,而家我上司就係做緊呢樣野!
我仍然唔知道我自己下一步應該點樣做,我怕我會抱憾終生.......
pls hlp me!!
琴日我番到公司之前,已經諗好左要點樣做,於是我就嘗試去實行..........
(我同佢係好好既朋友,大家共事左咁耐,佢亦當我係好Close Ge Friend,我唔想忽然間向佢表白而嚇親佢,搞到連friend都無得做)
於是我打算由同佢閒談著手...............試圖提醒佢同佢BF 以經有深厚感情,唔好咁易比我上司動搖到!
一番到公司,我就發覺我上司坐左係我師妹隔離個位度(個位係我坐開ge),而我師妹重未番.....
咁我知道我上司係度等緊我師妹!
我走左埋去,同我上司寒暄兩句就行開左,因為我知我師妹次次都好晏先番到..........
無幾耐我上司就等唔到,因為好多人搵佢,佢番左入去自己位.............
咁我就係自己個位度等緊佢番泥.......
無幾耐我見到我師妹番,不過就唔係平時出入個門口番泥,而係由另一邊側門入,我知道咁行一定會途經我上司個位.........
佢坐埋泥搵隻手拍拍我手臂,然後同我講:頭先阿xx(指我上司)幾衰呀!週圍走去問我同其他女同事要乜野友情朱古力喎!
我就同佢講:哇!咁大獲?你買比佢就一定出事架喎!我一定幫你週圍唱!!
佢就話:唔係!佢週圍都問人要呀!咁都有野,我到時都唔知去邊度搵地方捐..........(跟住就係咁搣我手臂)
我心諗:送朱古力好唔掂!就算係友誼之名,都表示我師妹對我上司幾受落下!
於是大家一齊好似平日咁邊做野邊吹水,咁就又到放Lunch...........
臨放食飯,我見我師妹係寫字樓食,咁我就專豋駛開我上司,夾埋佢一齊出街食...........
食到中途,我就笑住咁同我上司講:其實駛唔駛我幫你做雞仔媒人Jack!
我上司就話:咪傻啦!你都成日亂咁諗野ge!邊係果回事呢?
(係呢度我故作得啖笑就算,因為佢咁講令我好疑惑,究竟佢係真係追緊我師妹,不過驚我爆響口,所以否認?請有心人幫我分析一下!)
食完飯之後番到公司,做做下野,我上司走左出泥同我地兩個吹水............講講下野...佢就同我師妹講:信唔信我挨落你度呀拿!
我師妹就表現到好驚青咁周圍縮.......
而我就故作輕鬆,仲話:呢鋪我一定要拎個手機出泥影相!
兩個人即刻話我乜咁玩野,師妹仲搵本簿扑我個頭............
之後我上司乘機坐左我個位度,係我師妹隔離,不斷咁同我師妹玩,然後仲搵支筆撥我師妹d頭髮............
三條友吹吹下水,我上司忽然叫我行開下,拎d野去第二度做,而我師妹就祇係望住我有d監介咁笑,並無阻止!
咁我故作輕鬆咁去左第二度做,做左一排我出番去,我故意放輕腳步,兩人唔知我係附近聽緊佢地講野!
我聽左一陣,發覺佢地都係講d工作上ge野,無乜特別,於是就現身走左埋去............
而我上司吹多左一陣水,就行開左.........
咁我就坐番埋位,同我師妹講:喂!我今晚落荃灣買朱古力,聽日番泥請大家食!
(因為我師妹住荃灣,我咁講係專豋等自己可以同佢同車,同埋睇下佢對去買朱古力呢件事ge反應......)
果然不出所料,佢話:好呀!我地一齊去買!
於是就咁決定左!
臨放工個陣,我上司又走過泥同我地吹水,其間佢拎左佢自己個身份証比我師妹睇佢年齡,我師妹見到即刻哇一聲:乜原來咁細嫁咋!仲細過我細佬呀!
跟住我地就一齊放工.
行去搭車個陣,我師妹同我上司講:原來你咁後生嫁咋!我咪以後要叫你細佬?
三個人笑左一陣..........
我諗諗下,忽然爆出一句:年齡差咁遠,如果d人結婚咪好難接受??
我上司就講:年齡並唔係一個問題泥ge.....
我無語.......
跟住佢走左,我地行緊去巴士站,我師妹就同我講:估唔到佢咁細個喎!
我心中有數,因為佢份入職Resume係我幫佢交ge!所以我知我師妹大我三年而大我上司八年!
我係度諗緊女仔會唔會接受到咁ge年齡差距.....
而同時,我師妹同我講:成個大細路咁!(指我上司)
我又諗到d野.......
係車度,我笑住同我師妹講:都唔知你地搞乜ge!人叫你買朱古力你就買!因住玩出火hurt到人呀!
我師妹就話:唔會ge!我祇係當佢係一個大細路之嘛!
(我心諗:佢咁講有可能係真ge,因為我師妹大我上司咁多,而且佢對我都好鬼信任,好多事佢都會向我講出泥............但係佢又可能係出於矜持而口不對心!)
希望有人幫我分析一下............
之後我地兩個去左荃灣一齊落車去買朱古力,途中我幫佢拎住件褸同手袋.........等佢唔駛拎咁多野.....
最後我地買左就各自返歸........
今日情人節,我拎住盒朱古力返工........
返到公司,做野做到咁上下時間,我同我師妹就先後拎住盒朱古力週圍派............
有幾個女同事送左朱古力比我上司,而我上司就好得戚咁起哄...........
之後我上司摺左兩朵玫瑰比我師妹,而另一個女同事佢就摺左一朵百合比佢.........
之後佢就隨手拎起一粒朱古力,擺落我師妹個口度!(當然隻手掂唔到!)
我當堂好激動,好釆仲識扮野,笑笑口咁大聲講:哇!重要餵埋添呀!點解我無ge?早知我又影張相!
又比我師妹捉住泥鬧,話要鍊死我!
我就笑得衰衰格格咁!其實成個人變晒.........
跟住成日,我就扮到好活躍咁,周圍撩人,但係有d人就同我講我今日有d怪,但係就講唔出..............
之後有人問我:今日情人節,你有無女仔打電話比你先?
我都唔知點解講左一句:我等ge電話永遠唔會打泥...........(眾人有d諤言)
食完飯之後整個下晝我都有d神不守舍,連我師妹都留意到..........
佢就同我講:駛唔駛我介紹個friend比你?
我話唔駛啦!
之後又有一排係度忙緊,而我就歇力擠出笑容,係度搞笑..........我師妹笑到標晒眼水好開心!
之後吹吹下水,我乘機問下佢:其實你接唔接受到忘年戀呢家野?
佢就好激動咁話:梗係唔會!好似帶住個小朋友咁!諗起都唔掂!(我唔知佢咁答係咪真)
我留意左好耐,先醒起佢間唔鐘都拎起個兩朵花泥玩.................
之後收工,佢話要去商場買d野,我就陪佢去............
行行下,佢問我可唔可以幫佢保管兩朵花,佢話佢今晚要約佢男友........
我梗係話唔可以啦,重話驚整鬼爛d花,跟住佢諗諗下又係,於是就自己拎番......
我就成機同佢講:有乜問題?比BF見到咪見到,你又話友情之花,咪話d同事玩姐咁LAW!
佢就話:我驚此地無銀咋!
咁我笑左一下胡混過去..........
跟住我地走,佢問我會去邊,我咪話返屋企囉!
咁佢笑住話:我點知Jack!我見你成日去深水步,我唔知你今次係返屋企定去深水步呀嘛!
我就話:深水步我都已經行到爛啦,仲日日去,你估我係電車男咩!御宅族呀!
佢笑到反艇...........好激動咁同我講:我最憎電車男架啦!乜都唔夠膽!不如死左佢啦!假如見工都係咁,邊個會請呀!
(我有d懷疑,唔通佢講緊我?係度試探緊我反應?定係一時講起姐?我唔敢肯定,但係我表情掩飾得好好,一d破碇都無............)
其實我心裡面係度叫緊:如果你係專豋暗示比我聽ge,我可以話你知:我有我ge苦衷你知唔知?我唔可以去愛一個有BF既人,我無法開口........我曾經決意唔做第三者,縱然我幾唔願意都好,我無法違背我自己ge宗教信仰.......
知你有BF,我有幾難過,用幾多時間我先至將佢轉化為友誼?你之前同BF嘈大交,我曾經閃過一絲希望,但係你而家好似和局好返,我本應叫自己唔好諗太多,唔好再幻想,疊埋心水做你好知己!
心如止水,但係比我上司咁樣一搞,我真係無法忍受!
給我一個答案:至少結果如何,對我泥講都係解脫!
我仍然係度等緊!
大家各自等車個陣,我同佢坐左係度,佢拎住兩朵花,望住係度甜笑,我問佢:
如果佢真係摺金莎紙花比你,你會唔會收?如果係收,咁就大件事啦!
佢就話:d包裝紙都爛晒啦!佢摺唔到啦!
咁我有少少堅持:如果佢真係送比你一個呢?咁就係人都知道乜野事啦!
佢就話:咁咪由得佢囉!
我話:由得佢?咁佢會繼續啦喎!
佢話:咁我有權拒絕家嘛!
(我心諗:有權拒絕,會唔會等於表示唔肯定ge意思?)
跟住佢就上左車,我亦都搭車返泥屋企..
今晚,係滿腦疑問ge一晚!
我而家做緊既,係用我好朋友身份,探聽師妹同佢現任男友關係係咪已經和好番,同埋佢對我上司係咪有feel!如果佢同佢現任BF已經和好左,我就會規嚾佢唔好泥足深陷!希望比壓力佢Ban我上司.................
唔知咁做可唔可行?而家做泥唔泥得切?請大家幫我分析一下............
[quote]Originally posted by [i]ian2910[/i] at 2007-2-15 12:50 AM:
我而家做緊既,係用我好朋友身份,探聽... [/quote]
好耐無見啦...唔知你重醒唔醒起我呢....
不過咁耐無見...睇返你d 留言...都係發覺你真係都無咩點變....
其實我無咩特別意見比你...只係覺得你可以生活得開心d 輕鬆d 吧...
成日拘泥於一個女仔身上...
其實佢既生活佢既選擇都唔關你既事...
更何況佢選擇邊個...之後得唔得到幸福又係未知數...
千其唔好將自己認為好既就代係人地身上...
你點知佢同你上司一齊真係無幸福咩>?
你又點知佢同佢現任男朋友一齊就一定可以得到幸福咩>?
但係我知你係真係愛佢...你一定會想比幸福佢...lee 個係我知...
sorry 說話可能有d 直接...但係我係lee 度睇你既經歷睇得太多了...
說真的...我覺得你這樣很痛苦...
特別是笑中有淚....也覺得你很唔低....
意見我沒什麼可以給你...只希望你可以生活得輕鬆一點...
睇開一點吧...唔甘心既就行動吧...
第三者並不適用於你...
[img]http://i72.photobucket.com/albums/i162/xcopy/crow/crow10.gif[/img][img]http://i72.photobucket.com/albums/i162/xcopy/crow/crow10.gif[/img][img]http://i72.photobucket.com/albums/i162/xcopy/crow/crow10.gif[/img]
brother ian,i just finished ur long story...sigh,maybe u just tell her the true.dont waste time at 師妹 lo.try to get the answer ba.hope u happy man
Oh, My God, my life is running out of time for you
can we turn around and hold each other now
Oh, My God, tomorrow, take my pain away
May be time has just been playing again