紅魔回收董方卓留英發展
紅魔回收董方卓留英發展日本再有球星出國，中國球員亦唔執輸！曼聯助奎雷斯大讚董方卓前途無限，仲拍心口話唔會再將佢借到比利時，但由於紅魔已經有朗尼、沙夏同軒歷拿臣三大射手壓陣，奎雷斯希望將小董外借到其他英超球隊，等佢盡快適應英國足球氣氛，日後再收番佢為曼聯一隊力。
或外借超聯球會
據聞董方卓回歸曼聯有三個選擇，第一係外借到其他英超球會，第二係代表曼聯預備組比賽，第三係返回比利時踢波。不過奎雷斯強調，佢同領隊費格遜都無打算畀小董再去比利時：「球會非常希望佢接受第一種方案，體驗英格蘭足球氣氛，為正式加入曼聯作好準備。」
奎雷斯仲話，外借董方卓係迫不得已決定：「近三年來，董方卓比利時聯賽一直表現出色，我同費格遜有同一個諗法，就係唔會再將佢借到比利時。不過曼聯今季好有機會重奪聯賽冠軍，好難畀機會董落場，因為現階段佢，要同朗尼、沙夏、軒歷拿臣爭奪出場時間始終比較難。如果董唔想再被外借，就可以考慮為曼聯踢預備組賽事。」 PLEASE DON"T COPY AND PASTE ARTICLE ONLY IN THIS SECTION!
AND PLEASE CHECK OUT PREVIOUS POSTS BEFORE YOU PUT THE NEW ARTICLE
THANK YOU!!!!!!!!!!!!!!!!!!!!
頁:
[1]