梅蘭芳與北京小食
最近唔少版友討論劉天王與女fans單嘢，總係唔見有人講下黎天王與梅蘭芳。我唔識欣賞京劇，不過睇返梅蘭芳當年堅拒為日偽政府演出的事跡，真係令人肅然起敬。
論外型，黎天王點睇都唔似梅蘭芳。
[b]豆汁[/b]
梅蘭芳為咗保養嗓子與身段，飲食方面喜歡清淡，而且又有節制。雖然話酸味食物會令聲帶發澀，而且梅蘭芳又唔係祖籍北京，不過佢同好多老北京一樣鍾意飲豆汁。
豆汁其實係製綠豆粉絲之後的剩餘物，經過發酵之後，味道又酸又餿。老一輩的北京人多數飲豆汁飲上癮，喜歡豆汁配鹹菜絲、焦圈和燒餅。據記載，乾隆18年左右清宮曾經從民間引入豆汁作為御食之一。
中日抗戰時期，梅蘭芳曾經隱居上海租界，佢嘅女弟子言慧珠每次去上海演出，都必定帶幾樽豆汁去孝敬師父。
[b]爆肚[/b]
簡單啲講，爆肚即係水爆羊肚，屬於回民小食，清朝年間已經在北京出現。
好多北京人都鍾意食爆肚，梅蘭芳都唔例外，有時演戲期間佢都會叫夫人去買爆肚放喺後台，等散場之後當做宵夜。
[b]烤肉[/b]
梅蘭芳鍾意食烤肉，佢逝世前一年，仲題咗首詩送畀烤肉宛，不過梅蘭芳最拿手唔係書法，而係畫丹青。 d爆肚咁似d黑色九柏葉..嘔心
頁:
[1]