球彩台
面對差劣的足球評述員，已想不起有多少時間沒有再聽中文的足球評述了。受著何靜江一代的收音機評述影響，再加上數目氾濫，質素參差不齊，現在的有線電視足球評述員仍然和DJ一樣，彷彿讓空氣寧靜一分鐘也是罪過似的，不停充斥著毫無建設性、言之無物的廢話。香港人似乎永遠不會明白，靜默有時也是一種不錯的表達方式。（不過黃興桂講西甲時講講下訓著的那一次則例外啦……）不過自從聯賽盃決賽開始，本座又彷彿重拾了對中文評述的信心。那並非馬啟仁突然收歛了他的大嘴巴，也不是李榮基突然醫好了他的「豆沙喉」，一切只是因為一個不正不宗的足球台──球彩台。球彩台的原意是製作一個「足球的18台」，除了各主持在賽事前後就賠率與盤路進行分析外，也讓觀眾在觀看球賽之餘，能夠同時得知同時進行中的賽果及派彩。對於賭波不甚熱衷的本座而言，上述的賣點原本就沒有甚吸引力，但誰知道正由於它沒有正統評述員的包袱，反而出現意想不到的效果。
阿鵬是球彩台的靈魂，那把粗獷的聲線，肉緊的語氣，盡情為自己擁護（或投注）的球隊喝彩；大頭仔在球賽中擔任主要的旁述，效果雖則不盡令人滿意，但另一任 務：報告賠率與分析賽果，算是恰如其份；大力職責尤如驃叔身邊的熊良錫，說話不多但偶有佳作；與我們一起成長的張國強加添了一份親切感；至於那兩位女主持 發言雖然無腦，但我們在睇波時總希望有一兩如此的佳人，讓自己能呈一下威風吧？如此組合在球賽中的交談、起哄，就像將一班朋友睇波的歡樂時光每週都在電視 上重現，這對單身寡佬睇波的本座而言，或多或少都能從中分享一些久違了的熱鬧氣氛。
為球彩台沒有負擔，所以不時也出現一些「破格」的演出。例如在聯賽盃當晚，當貼了利物浦下盤的阿鵬看見摩連奴換出腳風不順的前鋒Kezman時，興高采烈的聲稱Chelsea的必敗；這時不識趣的大頭卻「鬥氣」多番聲援Kezman，阿鵬便立時爆出了一句：「若果Kezman真係入波，你將會成為電視直播史上第一位現場比人『中』的主持！你睇等陣我『中』唔『中』你兩槌！」又如前日Chelsea對Southampton正值悶戰，主持們便無端聊起了張國強主持的兒童節目「430穿梭機」，之後為了誰看「430」、誰看「飛虎隊」無謂爭論了一輪，好笑得讓已呈半睡的本座立時清醒，重新專注於直播情況中！
這種「不修邊幅」的對白其實在亞視世盃的「執波仔」黃霑時期早已出現，日後無線的鍾志光亦不時拿蔡育瑜擔任領隊的快譯通開玩笑；有線的「專業」評述不是不想模仿，但沒有幽默感的令他們爆出了一個又一個的冷笑話，重覆地丟人現眼。
現時有線足球評述存在的困局，是他們一方面堅持塑造自己的專業形象，但評述時卻沒有給予觀眾相應的專業感覺；自以為「有線歌神」的柏霖劉舜文與一眾主持扮低能拍盡低智MV 之餘，在評述方面百年如一日無甚進步，更不消提那批更不濟的「新一代」講波佬；元老馬啟仁與蔡文堅一面倒地偏幫曼聯／英格蘭，表面上扮客觀公正，那種虛偽 的感覺令人厭惡：當曼聯被對手入波時竟晦氣地罵一句：「唉，又輸一粒」，當中國對巴西的世盃分組賽幾乎將中國形容成「大勝」的一隊，實在難以令人將「專 業」二字將此等人物拉上關係。當某些討論版竟出現：「黃興桂都比你們好！」此等評語時，講波佬們，你們不覺羞恥嗎？
球彩台目前只限某些場次才有直播觀看，搞得本座只能「撞手氣」才不用轉去英文廣播，建議有線電視倒不如投放多些資金，增加播映時間，邀請些名人嘉賓上台加入討論，搞些節目熱鬧一下，效果可能更佳。（不過千萬不要現場觀眾，拜託！） 原創定轉貼？ 肯定係轉貼!!
因為kezman一早走左人,
而且"前日Chelsea對Southampton正值悶戰"???
southhapton都降左班啦!! [quote]Originally posted by [i]tamsum[/i] at 2007-4-19 11:21 PM:
肯定係轉貼!!
因為kezman一早走左人,
而且"前日Chelsea對Southampton正值悶戰"???
southhapton都降左班啦!! [/quote]
thx~ 咁加你唔加佢lu~ 講得好 !!! o個時睇世盃我同老豆都轉過去球彩台睇 !!!
好過聽足球台班廢柴 9 up....佢地一味資料多 , 場波就講2句咁....
同埋球彩台d人講野放d , o個次唔記邊隊要射12碼 ,
wong yuk man突然大大聲講PK大戰 !! 笑死我 !! 球彩台~~~~~~~~最好只得:~(^0^)
[size=6][color=Maroon][font=Book Antiqua][b]Wendy[/b][/font][/color][/size] 雖然係轉貼，但係第一次睇，有啲野都講得好中。本人之前也提及到，那位所謂元老的馬先生，不停地偏幫強隊，好像弱隊永遠是不好的，當鏡頭一轉到某些冷門球員或看台上某些教練時就粒聲都無，完全沒有做資料搜集又認唔到人，好懷疑他對足球的熱愛程度和知識。這樣，馬先生可對得住捱更抵夜捧場的觀眾？這番說話不是專登針對馬先生，只是他真的全無專業可言，大眾球迷也是俾錢收看的，不是有錢大晒，只是消費者應該享有看到一些專業評述員的權利吧﹗下季有線沒有英超了，唔知馬先生重有無得講波呢？如果重有，他一定會捧AC、國米、巴塞或皇馬，而就算是華倫西亞、羅馬也不是馬先生的那杯荼了。 球彩台係幾好睇~
除左班友仔夠輕鬆, 有時phone in入黎講野ge人都幾得
有d幾好笑, 有d講野真係好有point... **** 作者被禁止或刪除 內容自動屏蔽 **** [quote]Originally posted by [i]locklock[/i] at 2007-4-20 12:11 AM:
昨晚先睇完何靜江講德國盃，唔好講到佢釘佐咁ＦＥＥＬ先得架麻！
何生好醒目架，追球追人追事，簡直係全香港講波佬要學的典範。
有線乜有人識講波嗎？有線根本就唔專業，我睇過好多次，次次悶到想睡。
問題唔係你講，你認為專業就得，講波係要生趣，如何生趣是一個技考。
短短９０分鐘你要如何表演自己，還有４５上半和下半是沒有得停的。
不同ＮＢＡ可以有ＴＯ，比機會你講廢話。講波係要廢話都講得生趣。
講得誇Ｄ播場爛波你睇，都要講到佢不知幾咁勁秋和幾咁多縣念。
有線班友似番工等放工，例行公事咁，不過下季可以下崗，都係唔批評佢地咁多了！ [/quote]
何靜江你都覺得好:eek:
呢條友講波真係 場波悶到死下死下咁 佢就講到好緊張咁 望下部電視睇下有幾入肉喇
頂佢個肺個波仲係中圈搓緊!
佢真係適合係收音機講 d聽眾睇唔到 任佢嗡 以為場波好精彩tim~比佢講港甲就岩喇
d友仔以為香港足球水平高左 體力化左 成場波都走上走落 想振興香港波就搵佢喇
不過電視就咪搞喇
嘈到呢~明明閂細左個音量 都仲係聽到佢把聲 球員名又讀錯哂 真係唔覺得佢邊到好
佢大佬何鑑光反而好d 不過仲老過阿叔 應該好少機會再聽到
ps.你無裝有線 你又點知班友仔 等放工，例行公事:confused: [quote]Originally posted by [i]ringo1969[/i] at 2007-4-19 11:43 PM:
球彩台~~~~~~~~最好只得:~(^0^)
[size=6][color=Maroon][font=Book Antiqua][b]Wendy[/b][/font][/color][/size] [/quote]
[color=Green][size=4]OK得得地[/size][/color] [quote]Originally posted by [i]王晶[/i] at 2007-4-20 04:14:
何靜江你都覺得好:eek:
呢條友... [/quote]
咪係, 外行人評內行人, 自己又冇裝Cable, 人家講得好唔好佢鬼知咩？何靜江都覺得好？睇嚟佢要返３０年前南華vs嘉山先啱佢睇；咁巴閉，聽鬼佬講英文吖笨？幾舊水都嫌貴想學人睇波仲嫌三縑四？:sleep: 其實Keyman最鍾意韋斯咸架
球彩台每晚賽日都有五六人坐陣, 加上又有女仔在場, 冷場自然冇
而角色上佢地都唔係講波佬, 只係當以三五知己身分去K場睇波評波咁, 而呢樣亦係建立球彩台的目的.
可能係習慣因素, 以前冇電現, 又迫唔到入場, 就唯有成村人聽電台講波, 佢地講到天花龍鳳都得. 或者因為咁到宜家就唔鍾意睇波冇人作詳細評述, 你睇英文評述好少野講, 以前傑斯半場帶波帶到入埋都只係"Giggs...Giggs...Giggs...GIGGS!!!!!" 我幾喜歡球彩台0既氣氛, 主持支持邊隊, 照講, 著晒自己撐果隊, 如果有家庭觀眾打入黎, 點都會話""幫你打打氣"", 觀眾問料, 好快已經覆到, 旁述又夠鬼馬 [quote]Originally posted by [i]locklock[/i] at 2007-4-20 00:11:
昨晚先睇完何靜江講德國盃，唔好講到... [/quote]
講真何靜江講波得個嘈字~
不過個人喜好我都無謂challenge你~
不過你又唔係睇有線就唔該你唔好成日踩人啦~
人哋踩親你條尾咩...
講真球彩台主持你識幾多個~?
唔好郁吓就話人呢樣唔好嗰樣唔好~
我唔係幫有線, 如無意外我都會跟英超走~ 我都覺得球彩台好鬼抵死~
起碼有時夜媽媽場波又悶嘅時侯都有嘢笑吓~
不過有d主持我都覺得只係麻麻哋+可有可無~
主要係講大力....呢個真係唔多掂檔~
仲有睇住兩個女主持由乜都唔識到而家都不知叻過幾多場場買波嘅"球迷"~
佢哋d資料搜集好夠~
因為唔小主持都有專欄寫~
唔多唔小事前都要做吓資料搜集~
其餘台我就最鍾意豆沙喉~
不過我睇德國波唔多已經唔多有機會睇佢講波lu~ 我開始時唔多鍾意球彩台...
之前都講過...佢地唔吹下水還可以...
有時聽佢地好認真咁講場波...
果種生硬程度真係攞膽...
上年開始...有時d 朋友黎一齊睇波...
佢地個個都睇球彩台...(話無咁悶...)
所以先開始睇...
e+睇落都ok...
我自己一個人睇波都會睇佢地...
最主要原因佢地某幾位比既心水都ok 地準...
特別係盤神...
對我自己在"考眼光"時好有幫助~ **** 作者被禁止或刪除 內容自動屏蔽 **** [quote]Originally posted by [i]ringo1969[/i] at 2007-4-19 11:43 PM:
球彩台~~~~~~~~最好只得:~(^0^)
[size=6][color=Maroon][font=Book Antiqua][b]Wendy[/b][/font][/color][/size] [/quote]
黑C WENDY ,正
我近排跟盤神買波
都WIN唔少
我會KEEP住支持佢地 球彩台-------正啊!!
淨係「球彩俱樂部」,又有即時賠率及賽果,出場陣容,貼士又有盤神同仁哥,仁哥D英冠料不知幾準!!阿聲同仁哥一樣咁準,不過阿聲係燈神,買佢對面就啱哂:D:D除咗Wendy and Rita,而家仲有依雯,淨係睇女都有排睇!!
其實球彩台除咗直播波,佢另外仲有「入足半粒鐘」,可以睇番哂上周嘅入球,「二線三人組」又比D法甲荷甲日職聯嘅資料,「球彩大聯盟」又有吳X幫我哋向馬會反映意見,逢周四晚「64 bar」又有積王D數據分析,咁多精彩節目,我估全港有參與過足球投注嘅人睇過球彩台啲節目嘅一定讚多過彈!!
我反而未見過茶餐廳直播「入足半粒鐘」,「二線三人組」,「球彩大聯盟」同「64 bar」law???都唔知邊度有呢:D:D:D:D
頁:
[1]
2