小孩講股：01/05/07 “中女”五一狂歡，港男危危乎
原來琴日中女A股新上市，首日升180%，最高仲升到成20蚊人仔添，港女H(2600)都係得9過幾，真係俾佢吹漲！同d fd 講開都話寧做大陸燦番大陸炒A股咁話喎！傻架咩，A股炒到咁癲，而家去炒分分鐘會接火棒，五一黃金周阿爺隨時出招，不過城門失火，央及池魚，阿爺打仔，港男受罪…:(四叔驚港男唔死，今日又出黎講野，佢真係當正自己係亞洲股神，又話一萬八千點先係入市良機，大叔呀，而家仲要跌到萬八點，幾多人要跳樓呀？140買滙豐果d都要輸死啦！買股要睇時機，人地抽新股，你地班大孖沙，幾億幾億咁“內部認購”，圍內自己配給，要咩時機呀？有錢就大晒架啦，班大戶賺完就鬆人，然後又質低個市再玩過！個市咁波動，近排網上流傳好多人要上IFC，個個散戶排住隊上，好友淡友輪住上，唔係上去吹風，更加唔係上去問四叔股票問題，係貪佢夠高，跳落黎實死呀！:giveup:
都係講番個市，今日香港假期休市，琴日美股創新高後回吐，今日架妹即時有反映，插左百幾點。唉…其實早就預左啦，美股升，港股唔升，到美股跌時，港股又跟住跌，D港男一D都唔爭氣，都唔知幾時先可以抬頭…睇埋今晚個杜仔會點先，不過恆指2萬點應該有唔錯支持，呢幾日個市擔心阿爺出招，唔排除會回補番4月初個裂口，雖然有跡象顯示大戶五月會造淡倉，不過小孩都唔會睇得太淡，始終港股有業積支持，大象又有大股東回購支持股價，分分鐘Deep V炒番上去。:kicking:
[color=Blue][b]小孩講股，我有我講，你有你估！[/b][/color]:win:
[color=Red][b]免責聲明：本文純為小孩無聊之作，若對閣下造成任何投資上的損失，實屬不幸！[/b][/color];) 哈哈...講得好有特色,又生動
我都希望我個"5星級的家"一家變兩家,四叔話一個開ga!
我隻"招財貓"招多D財給我,
熊貓"樂樂"前稱606,越來越多人愛,快高漲大,
不能盡錄,總之生生性性啦!! [quote]Originally posted by [i]'nice'[/i] at 2007-5-1 10:13 PM:
哈哈...講得好有特色,又生動
我都希... [/quote]
四叔講野好搞笑，佢話佢買股低位買入揸長線，你地跟佢追入就會衰:haha: [quote]Originally posted by [i]笨小孩[/i] at 2007-5-1 10:25 PM:
四叔講野好搞笑，佢話佢買股低位買入揸長線，你地跟佢追入就會衰:haha: [/quote]
may be我係好友,所以對前景都比較樂觀,
四叔講野係好笑,不過戰績都好彪炳囉:good: [quote]Originally posted by [i]笨小孩[/i] at 2007-5-1 21:52:
個市咁波動，近排網上流傳好多人要上IFC，個個散戶排住隊上，好友淡友輪住上，唔係上去吹風，更加唔係上去問四叔股票問題，係貪佢夠高，跳落黎實死呀！
[/quote]
是日精句~:good:
為大戶平反
補充樓主一點,富豪雖然可以大手大手內部認購新股,比起我地好似好著數咁,但係佢地所承受既風險比我地大得多。佢地通常都有兩三年既禁售期,幾年之內可以發生好多事,遇上淡友成日掛係咀邊既股災佢地唔見既身家(以%計)一定比我地多。四叔都試過買電盈損手,幾年前買某些中資新股都有試過坐艇。錢多唔一定著數晒既,最重要都係睇你有冇眼光。其實跌市唔一定係大戶既意願,而係大圍所趨,佢地都係跟住個勢行。06年日元低殘,大部份國際投資者因此而借日元大舉進行投資,資金充裕下所以06年牛氣沖天。踏入07年日元漸漸轉強,國際投資者及環球基金為減低匯兌差及債務成本,紛紛提早沽貨贖回貸款,造成骨牌效應,所以早兩三月恒指試過單日急插幾百點。然而,佢地既出發點並不是想質低個市再買貨。
質低個市,對大戶都冇乜好處,市況轉差,散戶會減低投資意慾,屆時誰來接貨?所以唔好一跌市就好單純地茅頭直指大戶做野,佢地都係投資者,有事發生時佢地都會沽貨止蝕/止賺,分別只不過係佢地比我地早一點已。大戶唔止得一個,單獨一個大戶不能隻手摭天,而每個大戶意願不同,有d或想升有d或想跌。你係大戶會唔會下下動搖根本去冒呢個險?要質低個市,唔通咁多個大戶一齊坐低開會傾點樣聯手質低個市?有時大家做同一樣事,只不過係大家跟住個市況順勢而行而已。 [quote]Originally posted by [i]littlepig[/i] at 2007-5-3 02:00 AM:
補充樓主一點,富豪雖然可以大手大手內... [/quote]
講得好啱:D 完全明白你的意思;)
不過需知道賭仔姓"賴"，有事硬係賴下大戶啦！:P
鬼叫我地係散戶咩:kicking:
其實"大戶"都只係一個術語，散戶鬧下大戶發洩，都好正常呀:D
頁:
[1]