小孩講股：07/05/07 恆指破頂，好友鳴金收兵
今日港股破頂之戰實在精彩！今早o係架妹高潮助興之下，好友一鼓作氣，一舉突破歷史高位，頂位已破，淡友兵敗如山倒，個個平倉止蝕，助好友挾上21070。勝負已分，下午好友即刻鳴金收兵，需知道好友都要獲利，有好消息支持又點？多隻重膀股急急腳回軟，滙豐和中石油仲倒插收場。:eek:破左頂之後高位造淡係一種超高難度既動作，並非一般人可以做到，21070話高唔高，點解一定要21070鳴金收兵，當中有好多陰謀論，其中細心睇下就會明白21100、21200和21300有三隻熊仔，暫時保住熊花會，當中利潤係非常高。“熊死熊還在”，“一熊死一熊鳴”，熊花會的故事同埋當中實戰操作係相當複雜，都係唔想講太多。其實冇乜人會信小孩講股，唔信都好正常既。:P
杜仔今晚早段仲升緊，杜仔80年以來最長升浪唔係講笑，唔想再去沽頂，但黑心講句，大升浪都有時盡，杜仔同阿爺果邊若突然間跌落黎，港男呢邊都唔知點算…唔係未試喎，上次過完農曆年，大陸開市隻隻股跌停版，美股果邊又震到爆標(話跌到個腦出錯)，大跌400幾點。本周有好多不朗因素圍住個市，大陸要開市，阿爺放完假心情唔知點喎，香港地產佬可能會借賣地消息散貨喎，美聯儲又話要議息，問你點估！:confused:
要點估？等小孩老點你:naughty: 聽日企唔穩21030就會獲利回吐，短線看淡，但在中長線向好之下，又應該逢低吸納，低位整固後有望繼續上升。:cheers:
其實估乜鬼呀，又有新股抽呀，[b]互太[/b]、[b]佳華[/b]仲有個[b]百麗[/b]，前景百般美麗咁話喎，講到咁好實抽啦，百麗就穩抽，而互太紡織睇完招股書感覺麻麻，呢d股賺唔得幾多，上市抽水還債，再加上人民幣升值，勞工成本上升，利潤影響唔少，不過又因為咁，反而令行業門檻提高，有助企業毛利率上升咁話喎。十五十六，都唔知點，搏佢新股潮炒上10-20%賺餐晏仔即走！:good:
[b]
[color=Red]免責聲明：本文純為小孩無聊之作，若對閣下造成任何投資上的損失，實屬不幸！;)[/color][/b] 我都諗緊互太值唔值抽...
好似真係麻麻地... [quote]Originally posted by [i]Aivn[/i] at 2007-5-7 10:57 PM:
我都諗緊互太值唔值抽...
好似真係麻麻地... [/quote]
今朝同[b]旺角巴菲特[/b]傾過，佢都同意我既講法，呢隻互太擺明上市抽水，:hitwall:
不過呢排新股潮，點都要抽一下，最梗要唔好同佢談戀愛:naughty:
上市後有賺即走;)
等我聽日再問下[b]牛頭角順嫂[/b]抽唔抽先:D
牛頭角順嫂成日都問我隻百麗點點點呀…真係好煩:giveup:
[[i] Last edited by 笨小孩 on 2007-5-7 at 11:13 PM [/i]] [quote]Originally posted by [i]笨小孩[/i] at 2007-5-7 11:08 PM:
今朝同旺角巴菲特傾過，佢都同... [/quote]
咪就係,
今日隻凱普松（０４６９）衰左...
仲低過暗盤價,
所以咪話實升... :D 睇完, 真係估你唔到
頁:
[1]