在失望中表白了......
而家個腦一片空白，今日送佢返屋企，佢原來好討厭我送佢返屋企，在sms度叫我以後放工唔使搵佢，又話覺得好煩，唔想有人誤會之類，我認為佢想話我知叫我放棄，所以我同左佢講我好鐘意佢，唔會再煩佢，佢就話只係唔想有人特登落車送佢返屋企姐。跟住佢問我鐘意佢d乜，又話同我出街真係有少少悶，我就一次過講晒我既感覺，佢話佢好煩，好多野煩，舉左好多例，話唔想理呢樣野先，我話我會等佢......
全部都係sms既對話，我真係覺得好失敗，點解自己會咁失敗，點解我就係對住佢我先唔可以做番平時鐘意講笑好多野講既自己，就係對住佢我先~~~我真係好失敗，而家我真係唔知想點，好想喊，但又喊唔出，眼淚在眼邊，想乜都唔理，乜都唔做，好心痛...... [quote]Originally posted by [i]Kian76[/i] at 2007-5-18 11:11 PM:
而家個腦一片空白，今日送佢返屋企，... [/quote]
因為你太緊張你係佢面前既自己
所以反面無左自己
少少挫折jei
唔駛咁灰既
向好處睇
佢都係sms同你講呢番說話
證明佢都係估慮你既感受
至於唔想送佢返屋企,
咁你咪唔好送lor
可以試下用其他方法架嘛
同埋最緊要既係
你要問下自己
係咪真係好鍾意佢
係既, 就再試下
唔好輕言放棄
好多時女仔要長d時間先接受到架
同埋同佢一齊時既感覺
你自己應該最清楚
大家一齊究竟岩唔岩,
有無feel, 開唔開心?
當俾d時間再諗清楚d啦
anyway,
加油啦
太易得到就會唔識珍惜架啦 **** 作者被禁止或刪除 內容自動屏蔽 **** 算吧啦兄弟！佢講嘅野咁直，擺到明根本冇鍾意過你，只係你死纏住佢！！
你喊唔出係因為你一早已經知道佢係唔鍾意你，一早已經知道自己同佢係冇可能，係你自己唔想放棄姐，所以用最後一分面最後一口氣留住佢！
聽你講！你話你係一個健談嘅人，應該好快會識到第２個女朋友！聽我講飲多２杯早Ｄ訓覺早Ｄ忙記哩個全無愛過你嘅女人．
失戀的過來人上． 你係男人黎ka
比番小小自尊自己得唔得ar?
人地都表明唔愛你
你再死纏難打只會令對方覺得你好可憐好無用 [quote]Originally posted by [i]勇勇[/i] at 2007-5-18 23:34:
算吧啦兄弟！佢講嘅野咁直，擺到明根... [/quote]
勇勇,最可怕唔係分手
係單戀同一廂情願 [quote]Originally posted by [i]Kian76[/i] at 2007-5-18 11:11 PM:
而家個腦一片空白，今日送佢返屋企，... [/quote]
講真呀！
我覺得個女仔都真係幾顧你感受嫁。
雖然我對於佢問你鐘意佢D咩既事，有D反感。
不過我相信佢都係對你真係有好感嫁！
佢同你講佢有好多野煩緊..........
唔...
我覺得有兩個可能性啦！
一、佢想同你分擔，你有時聽下佢訴苦。佢好快就會愛上你。
二、佢真係好多野煩緊，唔想有愛情住。不過我想講既係：佢未reject你嫁。:dev:
啦！兄弟！你唔係咁就放棄呀！:fight:
你唔去努力追求又點會成功先！:noway:
你唔好咁快灰心呀！唔係我叫版主扣你分嫁:dev: [quote]Originally posted by [i]自由神[/i] at 2007-5-18 11:59 PM:
講真呀！
我覺得個女仔都真係幾顧... [/quote]
"唔係我叫版主扣你分嫁"
咁追到係咪叫版主加分嫁??
:dev::dev::dev::dev::dev: [quote]Originally posted by [i]shanlinlla[/i] at 2007-5-18 11:27 PM:
如果個女仔唔多like你,你做麥都無用!!!!
呢個唔得,咪下一個囉....
香港唔只一個女仔令你心動/你鍾意!!!!!!! [/quote]
同意!!
俾多少少時間同空間大家,
如果你真係喜歡個女仔的,不妨用真心打動她!
不過如果個女仔真係對你無feel,你就不如找過另外一棵樹啦!! [quote]Originally posted by [i]Aivn[/i] at 2007-5-19 12:23 AM:
"唔係我叫版主扣你分嫁"
咁追到係咪叫版主加分嫁??
:dev::dev::dev::dev::dev: [/quote]
好呀！佢唔加俾你。
我自扣10分俾佢！:good: 你應該去睇睇曾幾何時係度發過既一篇文章
叫做追女仔新態度(好似)
咁你就會明晒架la... [quote]Originally posted by [i]loklok117[/i] at 2007-5-18 23:51:
你係男人黎ka
比番小小自尊自己得唔得ar?
人地都表明唔愛你
你再死纏難打只會令對方覺得你好可憐好無用 [/quote]
無錯喇，男人如果無咗最基本既尊嚴同自信，等於乜都無晒，唔單止個女仔會睇你唔起，連周遭既人都會睇唔起你，如果你係一個真男人既話，抬起頭，重拾自己既尊嚴，做番自己，唔好因為其他人去改變，好快你會知道咁做係無錯‧‧‧‧‧你既遭遇其實唔算好慘，起碼個女仔肯同你交待清楚，如果拖拖拉拉，你只會受傷得更厲害，而且緣份既事，可遇不可求，用平常心去對待吧，不要再為唔值得你傷心既人去傷心，做番啲有建設性既事喇‧‧‧‧‧ what a sad story man...but give a bit faith to yourself.have alot girl at Hong kong ma. 很多謝大家的意見，我有了決定了，現在還是專心番工作上，不停做不停做，就算愛情失意都要金錢得意，但唔代表我放棄佢，我決定等，除非有一天我等等下竟然唔再愛佢而愛上了另一個，我就放棄。
雖然到現在我還搞不清自己在她心中的位置，但我會用時間來証明，最起碼看看她會否像往日般一得閒就會打俾我傾電話吧。
(現在的感覺是很空虛，少了一些東西似的~~) 但我真係重有d地方好唔明，我朋友話佢都係女仔，佢明白話而家多野煩唔理呢d野住係一個籍口，想我好過d，話冇機會架喇，但一d小動作同經過真係唔明點解。
第一，佢有主動搵我傾電話，一得閒就搵。
第二，佢見我去左佢鋪頭搵佢，本來話約佢食飯，但佢唔去，主動問我一唔一齊返去。
第三，返去既途中我發現佢隻戒指唔同左，本來我唔為意係戴在無名指上，但佢好快咁除左出黎解釋話本來戴食指，但太緊，中指又唔夠入，所以戴無名指。
其實佢係咪覺得太快？？定係我多心？？
佢真係冇諗過同我發展？？定係發現真係唔適合佢？？ [quote]Originally posted by [i]Kian76[/i] at 2007-5-19 05:49 PM:
但我真係重有d地方好唔明，我朋友話佢... [/quote]
[color=Blue]第一，佢有主動搵我傾電話，一得閒就搵。[/color]
我想講你知，你而家出街有邊個女仔唔係講緊電話嫁呢？
我之前都試過俾呢種既女仔「煩」，佢地可以話一出街無人陪。
就拎個電話出黎，睇下邊個會陪佢吹水。
我問你呀：佢同你講電話既內容有無D類似下面既例子呢？
1、E！好唔開心呀！阿XX又唔做XXX啦！
2、超無聊呀！你陪我傾下計啦！而家等緊車呀！
3、你做緊咩呀？下？咁無聊。
4、你好忙呀？好啦！你唔使陪我嫁啦！等我悶死佢算啦！
如果有既話，我想講：你俾人用黎消摸時間。
[color=Blue]第二，佢見我去左佢鋪頭搵佢，本來話約佢食飯，但佢唔去，主動問我一唔一齊返去。[/color]
返去邊先？
我諗你唔會上到樓嫁啦可！
如果係由一齊食飯變成你淨送佢番屋企（無得入屋）既話.......
佢咪即係唔想同你食囉:giveup:
[color=Blue]第三，返去既途中我發現佢隻戒指唔同左，本來我唔為意係戴在無名指上，但佢好快咁除左出黎解釋話本來戴食指，但太緊，中指又唔夠入，所以戴無名指。[/color]
:haha:呢樣野又真係幾奇怪。
不過換做第二個人，佢都可能做同一樣既解釋。
始終女仔人家未嫁人但係俾人以為佢嫁左人都唔係好睇。
[color=Blue]其實佢係咪覺得太快？？定係我多心？？
佢真係冇諗過同我發展？？定係發現真係唔適合佢？？[/color]
可能........
可能佢習慣左同你一齊生活既時光
不過可能無愛情o係入面（當你係阿哥之類）
佢唔想無左一向都有你存在既生活，不過又無愛情既成份
唯有.................拖字決。
當住係水泡都好呀！:secret:起碼有人關心佢呀Ma. [quote]Originally posted by [i]自由神[/i] at 2007-5-19 06:30 PM:
[color=Blue]第一，佢有主動搵我傾... [/quote]
[color=Blue]我想講你知，你而家出街有邊個女仔唔係講緊電話嫁呢？
我之前都試過俾呢種既女仔「煩」，佢地可以話一出街無人陪。
就拎個電話出黎，睇下邊個會陪佢吹水。
我問你呀：佢同你講電話既內容有無D類似下面既例子呢？
1、E！好唔開心呀！阿XX又唔做XXX啦！
2、超無聊呀！你陪我傾下計啦！而家等緊車呀！
3、你做緊咩呀？下？咁無聊。
4、你好忙呀？好啦！你唔使陪我嫁啦！等我悶死佢算啦！
如果有既話，我想講：你俾人用黎消摸時間。[/color]
佢呢大半個月以黎接近每一日都打俾我，有陣時係一日幾個，佢去廁所、食飯、放工、返到屋企都有機會打俾我。而當中的內容都有d係你講既野，但佢唔開心係試過一次send sms問我o係邊，話佢唔開心。
佢會問我做緊咩，佢試過好幾次發我脾氣，原因一：我聽個客電話而唔聽佢電話，同佢講一陣先搵番佢。原因二：遲左聽佢電話，響得耐。原因三：有個女仔聽左個電話，話我特登搵，死唔信我行開左。佢就會話唔阻你啦，然後cut線，之後幾次都會cut線同俾說話我聽，但全部都係自己打來......
[color=Blue]返去邊先？
我諗你唔會上到樓嫁啦可！
如果係由一齊食飯變成你淨送佢番屋企（無得入屋）既話.......
佢咪即係唔想同你食囉[/color]
佢話佢本來去整頭既，但冇得整所以冇mood去食，佢初頭聽我無法顯示既電話時聽倒我把聲cut左我線，之後打番俾我問係咪我搵佢，跟住我話佢cut我線，佢冇回應我，話我把聲好死，跟住主動提出一齊搭車返屋企，之後去我個站度行街買d野又係佢主動提出既~~~(佢早我兩個站出的。)
而家佢就係話唔鐘意人特登落車送佢返屋企~~~~
[color=Blue]呢樣野又真係幾奇怪。
不過換做第二個人，佢都可能做同一樣既解釋。
始終女仔人家未嫁人但係俾人以為佢嫁左人都唔係好睇。[/color]
初初識佢既時候佢話過佢邊有人要，其實都係三個月前既事，我當時去佢鋪頭食野見倒佢，一星期內去食左三四次，之後問佢電話，佢俾左~~~~就係咁樣開始識左佢。佢曾多次強調自己冇男朋友，但近來又要同我講有人追佢，有一男一女追緊佢。昨日同佢出街既時候個Tom boy都不斷打俾佢，因為個TB都係做o個度，知道我搵佢後，不斷打過去，個TB追左佢一年，但佢話佢冇接受過，但睇落去好鬼fd，個TB在多次既電話中好似發緊脾氣咁~~~~
[color=Blue]可能........
可能佢習慣左同你一齊生活既時光
不過可能無愛情o係入面（當你係阿哥之類）
佢唔想無左一向都有你存在既生活，不過又無愛情既成份
唯有.................拖字決。
當住係水泡都好呀！起碼有人關心佢呀Ma.[/color]
我同佢識左冇幾耐，唔會咁快習慣既，佢由一開始就知道我鐘意佢了吧，唔鐘意佢都唔會去問佢電話約佢出街啦，但佢係咪當我係冇男朋友時既水泡我真係唔知，唉，仲係好無奈~~~~ 我仲想遲啲加你分添.................:redface::redface::redface:
而家慳返.....:dev::dev::dev: [quote]Originally posted by [i]Kian76[/i] at 2007-5-19 08:08 PM:
[color=Blue]我想講你知，你而家出... [/quote]
兄弟！
愈睇，愈覺得你一廂情願。 [quote]Originally posted by [i]自由神[/i] at 2007-5-20 04:30 PM:
兄弟！
愈睇，愈覺得你一廂情願。 [/quote]
我都唔知呀，冇計呀，真係鐘意佢~~~
頁:
[1]
2