維園鬼晨操
由讀中學開始，我已經唔多鍾意留0係屋企。夜晚通常會同朋友一齊0係尖咀、維園度蒲，有時眼訓就背靠背咁0係街度訓著。記得前幾個月，我同朋友0係維園度傾偈。0個晚大姨媽到，所以個人特別(支力)，好快就訓著0左。我發0左個夢，感覺好真實，我夢見自己去0左長洲，0係山上邊見到有間荒廢0既度假屋，我好奇咁伸個頭望入去，見到有個著白袍0既人0係度梳頭。佢已經甩0左好多頭髮，依然仲0係度梳。後0黎唔知點解佢發現到我，就追埋0黎，我嚇到搏命跑，就0係呢個時候我驚醒0左。見到我班朋友仲0係度傾緊偈，我同佢0地講：「我好急，陪我去廁所。」佢0地唔理我，繼續講0野，但淨係講0的無聊0野，仲好似神不守舍咁，我大聲鬧佢0地，佢0地好驚咁話細聲0的。
呢個時候，我見到冇幾遠0既樹下面，有個人企0係度跳下跳下，每次都彈得好高。我第一個印象以為佢係度晨運，但係再睇真0的——發覺望極都望唔到佢個頭！我好驚，想話俾其他人聽，但其中一個好細聲咁同我講：「咪望0個邊！」大約又過0左幾分鐘之後，0個隻0野唔見0左，但我0地都不敢起身住，當冇事發生咁繼續傾偈。
天光0個陣，大家終於敢0抖啖大氣，起返身想走先至講返呢件事。原來佢0地一早已經見到，不過唔敢講，扮作睇唔到佢。行行0下我已經急到想賴，不過都唔敢去維園個廁所，走0左去附近0既酒店。一個人0係廁所度，突然間諗返起之前發0左個俾鬼追0既夢，越諗越驚，坐好耐都去唔到！後0黎就叫個Friend入0黎陪我，一路「解放」，一路同佢傾偈，幾驚佢冇人性走0左去呀！
轉自Yes.com.hk 咁驚嚇，無頭僵屍？
頁:
[1]