[quote]Originally posted by [i]iknow[/i] at 2007-7-25 07:57 PM:
已經代表左全世界...=口= [/quote]
緊係! 英國咪代表全世界囉, 大魚哥講o既!:D
[quote]Originally posted by [i]cwc_tkd[/i] at 2007-7-25 07:58 PM:
緊係! 英國咪代表全世界囉, 大魚哥講o既!:D [/quote]
oh...正~
冇咩印象tim=.=
阿仙奴繼續落去，只會是前列常客，但一定唔會有冠軍。
一隊傳統勁旅每一年都係為左排在前列，而唔係為左冠軍而戰，真係奇怪。
佢只會成為另一隊阿積士，但都係o個句，放在英超入面的話一定唔會有冠軍。
雲格根本就走火入魔，就算俾佢搵倒幾多個出色的新秀，但每當這批人成熟後，便變賣，咁同d小球會有乜分別？？有用嗎？？
我唔係針對佢賣走亨利同龍格堡黎講。
第一：根本就係韋拉、高爾同亨利自己喊走既，佢地冇權留人。點解？？咪就係阿仙奴一味買幼齒，佢地呢班球星邊度有咁多時間同你玩陪訓，陪到30幾歲都冇得爭冠軍？？當人傻架？？
第二：阿仙奴而家真係完全睇唔出野心，佢想起個球場大d遲d搵多d錢，但都要有人入場先得加嘛，你繼續咁樣玩幼齒，一個唔覺意，降埋班，或者連歐聯都冇得踢，咪又係自己囉黎衰？？到時搵鬼黎睇你地比賽？？
一隊波，正選陣容入面近乎冇任何人擔大旗既話，全部人都係新仔，邊度會踢得好？？你以為係阿積士呀？？阿積士當年都起碼有個列卡特鎮住，阿仙奴呢？？施華？？差好多皮wor！！！
第三：有頑強即戰力的路斯基又放在左路，完全埋沒他的才華，施華不太擅長防守，但卻是球隊唯一的真正防守中場，要用他來當上阿仙奴版加度素~~~希比？？他除了走黎走去之外，對球隊的供獻極低，不提也罷。法比加斯？？沒有任何進步可言。
[[i] Last edited by Kian76 on 2007-7-25 at 08:10 PM [/i]]
[quote]Originally posted by [i]Kian76[/i] at 2007-7-25 08:07 PM:
阿仙奴繼續落去，只會是前列常客，但... [/quote]
agree 雲加見錢開眼..不過今次gum 平sell 龍,真係唔知佢想點
[quote]Originally posted by [i]Kian76[/i] at 2007-7-25 08:07 PM:
阿仙奴繼續落去，只會是前列常客，但... [/quote]
我就反而覺得雲加係野心太大, 成日想住train一班o靚仔出黎打殘曼聯車路士, 但問題一如你講佢係有點走火入魔, 成班都太後生, 而且後生仔雖然係有潛質, 但無人可以保證佢一定有進步....睇最注目既收購禾確特, 打左年半完全係平平無奇....train d後生仔出黎唔係阿仙奴既專利, 曼聯既c7, 車仔亦有洛賓, 你玩後生仔, 人家也會玩....
[quote]Originally posted by [i]76[/i] at 2007-7-25 08:53 PM:
agree 雲加見錢開眼..不過今次gum 平sell 龍,真係唔知佢想點 [/quote]
我又想講下其實龍格保3m係差吾多, 近d幾年趨勢係身價同年齡掛鈎,
[b]當d.bent同亨利都係值16m, 馬田斯同雲佬都係值10m 既時候, 你會明白年齡已經決定左身價...[/b]
再加上龍格保呢類速度形球員, 年紀大自然唔值錢....
冷靜d諗阿仙奴好等錢洗咩? 如果佢可以賣到6m, 咁急3m賣黎做咩??
[[i] Last edited by amigofans on 2007-7-26 at 12:03 AM [/i]]
[quote]Originally posted by [i]filter-052fans[/i] at 2007-7-25 11:56 PM:
我就反而覺得雲加係野心太大, 成日想住train一班o靚仔出黎打殘曼聯車路士, 但問題一如你講佢係有點走火入魔, 成班都太後生, 而且後生仔雖然係有潛質, 但無人可以保證佢一定有進步....睇最注目既收購禾確特, 打左年半完全係平平無奇....train d後生仔出黎唔係阿仙奴既專利, 曼聯既c7, 車仔亦有洛賓, 你玩後生仔, 人家也會玩.... [/quote]
a migofans兄
阿記 無曼聯 同車仔咁有錢呀ma ~
唔玩後生仔 同人玩燒銀紙 想變列斯聯咩
[[i] Last edited by 王晶 on 2007-7-26 at 12:16 AM [/i]]
雲格係想玩d價廉物美o既幼齒,
但車仔同MU就買d成左名o既年青球員..
當然, 大家都有利有弊
一次回晒上面兩位好巴打...
阿仙奴無錢? 係大家既錯覺, 假象, 請計計下面球員總共用左幾多錢?
[b]雷恩斯, 雲佩斯, 希比, 路斯基, 禾確特, 阿迪巴約, 件件都成千上百萬...[/b]
仲有唔好以為好似 辛達路斯, 阿里阿廸利果類一定唔洗錢, 其實好多年輕球員都要100至幾百萬買番黎架....
[b]早講過阿仙奴平買貴賣, 已經係n世之前既事...雖然一定比唔上車仔, 但阿仙奴呢幾年洗既錢, 唔會少得過利物浦同曼聯幾多....[/b]
[quote]Originally posted by [i]filter-052fans[/i] at 2007-7-26 12:42 AM:
一次回晒上面兩位好巴打...
阿仙奴... [/quote]
家陣邊隊英超唔係成千上萬買人呀 就連westham 打護級 都千幾二千萬磅咁買人喇
真係要比 曼聯車仔洗錢既金額 同阿記完全係無得比
又輸波了...
薩爾斯堡 1 : 0 阿仙奴
今場差唔多full team,而且都踢得幾認真
對住３流球隊都輸．．．
冇眼睇
:haha::giveup:
即管睇下佢地４國賽踢成點！！
其實又唔會衰得過第4既, 上年大部份時候已經無左亨利, 仲要無埋雲佩斯, 都一樣第4啦....
龍格保根本出得好少, 所以如果雲加唔走, 應該ok掛...
[quote]Originally posted by [i]filter-052fans[/i] at 2007-7-26 03:04 PM:
其實又唔會衰得過第4既, 上年大部份時候已經無左亨利, 仲要無埋雲佩斯, 都一樣第4啦....
龍格保根本出得好少, 所以如果雲加唔走, 應該ok掛... [/quote]
你都好阿Q喎
唔好忘記其他三強都招兵買馬
你唔進步, 就等於退步
上年第四都危危乎，我覺得同三強已經愈來愈遠
[quote]Originally posted by [i]alantai[/i] at 2007-7-26 03:57 PM:
你都好阿Q喎
唔好忘記其他三強都招兵買馬
你唔進步, 就等於退步
上年第四都危危乎，我覺得同三強已經愈來愈遠 [/quote]
我唔係阿q, 因為我唔係阿仙奴既, 我見個個講我又吹2野o者 :dev:
[b]你講得好o岩wor, 真係有可能比前面3隊拉開架, 但個問題係, 我覺得阿仙奴同後面果幾隊又仲差好遠....所以我咪講, 佢地4名內應該係無問題既.....[/b]
我好奇怪亨利一走果時, 一大班人出黎唱好話無問題, 但到左呢個星期, d post又開始覺得阿仙奴會沉淪到第4都無...有時人心真係難以捉摸....
[quote]Originally posted by [i]filter-052fans[/i] at 2007-7-25 11:56 PM:
我就反而覺得雲加係野心太大, 成日想住train一班o靚仔出黎打殘曼聯車路士, 但問題一如你講佢係有點走火入魔, 成班都太後生, 而且後生仔雖然係有潛質, 但無人可以保證佢一定有進步....睇最注目既收購禾確特, 打左年半完全係平平無奇....train d後生仔出黎唔係阿仙奴既專利, 曼聯既c7, 車仔亦有洛賓, 你玩後生仔, 人家也會玩.... [/quote]
真係咁咩？？佢野心大？？定係話佢係對自己個方針既無謂堅持？？？定係佢係想逃避正面責任？？乜野係正面責任？？佢覺得自己隊波一定唔夠曼聯、車仔鬥，所以故意用青年班，踢得好就俾人讚佢上天，踢唔出成績就實屬正常，為球隊末來著想？？佢在市場上既叫價仲可以保持高水平，遲d另謀高就都可以傾高d條件。
而你講曼聯既C7，的確當時他是冇乜人識，但他那誇張的踢法，在與曼聯友賽其間不難被眼光不弱的費格遜看中，而且當年他加盟時球隊的新秀也不太多，真正有上陣機會的只是他一個。不像阿仙奴般過份。
而車路士買既洛賓，一早就成名，唔再係新秀，而係有強大即戰力的天才左翼，我唔認為佢應該當作新秀看待。再者，車路士也不只會引入年輕球員，而且他們引入的年輕球員大多都薄有名氣的。半即戰球員。
[quote]Originally posted by [i]Kian76[/i] at 2007-7-26 07:18 PM:
真係咁咩？？佢野心大？？定... [/quote]
我同意閣下第一段所講既, 的確佢係有d "train班o靚仔勁過你地就死" 既心態, 我亦同意佢玩得太大, 但係咪用呢招黎"沽名釣譽"又唔好咁陰謀論, 阿仙奴有90年代到而家既成就, 功勞盡歸雲加.....
第二三段講既我有d唔同意見, [b]新秀既定義, 完全唔可以同名氣, 實力掛鈎, 就算你名氣幾大, 球技已經幾高, 17 8 9 係後生仔就係後生仔[/b], c7係年青人, 維亞拿亦係年青人, 當年後者名氣更大, 但去到紐卡素進步不多, c7之成長, 功勞大部分歸於manu, even你名氣大, 無人保證你一定進步, 當年韋斯咸新秀中最出名既係祖高爾, 但最後成名最值錢既係林柏特!! 所以並不可以因為c7, 洛賓, 朗尼呢d球員已經名聞天下, 而認為佢地唔係新秀...
記得當年既天之驕子基維爾同戴亞嗎??
就算阿仙奴點差,都有能力和車仔打和
但阿仙奴真系吾多掂,吾該買番啲強勁球員
[quote]Originally posted by [i]filter-052fans[/i] at 2007-7-26 10:14 PM:
我同意閣下第一段所講既, 的確佢... [/quote]
其實，新秀既定義在我眼中是實力末經証實的球員，而甲組經驗也不足的球員。
反而年齡唔係最主要因素。只要不大於23歲，我都覺得可稱為新秀。
但係咪任何23以下既就係新秀呢？？
朗尼今時今日算唔算？？C.朗拿度今日又算唔算？？
你舉的例子如基維爾、戴亞也明顯是有分別的，前者當年不單止停留在新秀的階段，還稱得上是球星，己成熟的階段，現在明顯是因傷走下坡。而戴亞即是半個新秀，亦是因傷而走下坡。
年輕球員可以不進步，但退步的例子大多都不會太早出現，除非有傷患，而如洛賓此等即戰力強大的年輕球星，即使日後退步起來，也只是因為例如傷患之類因素使然，而非他沒有實力。
看年輕球員有兩樣野要睇：本身能力、進步空間。
兩樣野通常都好難有平衡點，若前者比重較大，例如洛賓，我便會認為他己成熟，但後者比重較大配合經驗不足的話，我便會認為他是新秀球員，例如羅斯。
[quote]Originally posted by [i]filter-052fans[/i] at 2007-7-26 03:04 PM:
其實又唔會衰得過第4既, 上年大部份時候已經無左亨利, 仲要無埋雲佩斯, 都一樣第4啦....
龍格保根本出得好少, 所以如果雲加唔走, 應該ok掛... [/quote]
我就無咁樂觀啦. 明星班既熱刺同實際型既保頓都有力挑戰第四架.
紐卡素可能繼承愛華頓成為神經刀.
仲有樸芧同曼城, 乜人都話買, 都唔知乜料.
賣亨利唔係問題, 但無理由整個達施華返黎就算數, 我覺得買阿積士個亨迪拿就正哂, 路數啱踢, 而且又係"姓亨".