不如大家討論下今屆邊隊會成為歐聯冠軍吖
我就估不出曼聯同皇馬兩隊因為兩隊上季都唔能夠奪得歐聯冠軍, 所以今屆鬥心十足, 加上曼聯擁有朗尼, 夏格維斯等人, 而皇馬亦有卡斯拿斯, 雲尼斯達萊等猛將助陣, 如果佢地唔o係淘汰賽階段提早碰頭, 冠亞軍應該由佢地包辦
至於黑馬方面, 由卡卡帶領o既 AC 米蘭有力對兩大班霸造成威脅 I don't quite agree bro!
I guess Barcelona will be the team which most likely gonna win the Champions League for next year. You have to believe this because they got the best forwards on the team!
4-3-3 Formation
V.Valdes
Zambrotta Milito Puyol Abidal
Yaya Toure
Xavi Deco
Messi Ronaldinho
Henry (Eto'o)
About "Black Horse", I guess AC Milan will be the choice since they always do well in Champions League, especailly having Kaka, who is considered as the World's Best Player in the world (not Ronaldinho anymore).
Moreover, Chelsea's coach and owner and also players such as Terry and Lampard stated that the coming year's target for them is the Champions League and Premiership League. So definitely they will try their best to achieve that. 曼聯或者車仔 [quote]Originally posted by [i]bigfish[/i] at 2007-8-3 04:06 AM:
我就估不出曼聯同皇馬兩隊
因為兩隊... [/quote]
照計ac都唔算黑馬啵
不過連續拎兩屆既機會就真係微
我就估巴塞 曼聯 我估曼聯 阿仙奴 AC Milan~~ 洛杉磯銀河 ! :good: **** 作者被禁止或刪除 內容自動屏蔽 **** [quote]Originally posted by [i]locklock[/i] at 2007-8-3 10:19 AM:
[center][color=Red][size=6][b][img]... [/quote]
喂, 阿lock, 打錯字呀....
皇家馬德甲, 你排德甲d陣排到癲左呀...:D
by the way, 我 tip 蘇斯達6個月內被炒魷,
等我6個月啦, 唔炒番黎拆我招牌!! :D
[[i] Last edited by amigofans on 2007-8-3 at 10:25 AM [/i]] **** 作者被禁止或刪除 內容自動屏蔽 **** Chelsea! AC,巴塞
反而車仔同MU好似機會細D.
AC 已經成為歐聯4強常客, 呢樣野大家都好清楚, 所以我都唔多作解釋. 佢地條防線長期都好穩健, 咁對打歐聯好有幫助.如果買到D有質素又當打o既後衛做後防接班, 一定好有睇頭. 中前場組合左都已經好多年, 默契唔洗懷疑, 而且年紀唔算好大, 最老o既恩沙基因為踢法簡單關係, 根本唔會受體能影響, 再加上大哨下年可以打歐聯, 我相信呢支歐聯專家好有機會.. 同埋唔知大家覺唔覺佢地好似專攻歐聯多d?
巴塞今年加入左4個新兵, 除左耶耶托尼之外, 其他都係出名o既球星, 實力有保証, 如果可以解決到前線四大巨星o既出場方式/排陣(呢方面要問分析大師lock生), 佢地將會無堅不摧. 換埋個有質素龍門返黎(呢樣要問filter-052生), 真冇打晒咁滯.. 不過佢地首要目標應該係聯賽, 如果係聯賽打好得分優勢基礎, 佢地就可以專心打歐聯!
至於上面捧MU同車仔o既兄弟, 我覺得佢地係歐聯o閎水準唔太穩定, MU出名作古軟蹄,打淘汰賽好輸融; 車仔就成日輸返比英國球隊, 一係就臨場水準下滑. 而下一屆, 車仔一定會盡力搶返聯賽冠軍,佢地目標大多放係聯賽..
小弟如果有咩講錯, 請見諒. 又會咁岩beckham效力過曼聯同皇馬o既? :D:D
我估barcelona, 因為前有henry, eto; 前中有messi, ronaldinho; 中有deco, xavi; 後有milito等; 個個都有一定實力
黑馬估manu, 因為鍾意hargarves :P:P 洛杉磯銀河....... 我認為係車路士
其他熱門強隊都各有隱憂
皇馬今季新帥上任，球員同新領隊都要有一段適應時間
加上皇馬陣容大變，例如碧咸、卡路士、雷耶斯走左，皇馬來季進攻方式會點變？
巴迪斯達返左黎，係棄用？定留用？留用的話，比佢踢防中？攻中？
定係前鋒？做尹佬拍擋？定只係替補？
後防問題，加入梅斯達同柏比兩人，係咪就足以解決一切？
雖知呢個問題連世界足球先生簡拿華路，都未能給予大家一個滿意o既答案
單憑皇馬熱身賽對住漢諾威，都比人炒0:3，已略知一二
照現今皇馬陣容黎睇，增兵行動肯定未完，但問題係，咁少o既季前準備時間，是否足夠？
雖說穩定表現係淘汰賽唔係話最重要，
但若果聯賽失利，唔多唔少都會影響到歐戰表現，是好是壞亦無定數
至於AC米蘭，一季過去，代表其老人防線問題又再嚴重一D
尼斯達退出國家隊無疑會提升佢係AC表現，但佢拍擋又會係邊個？
仲係馬甸尼？定改用卡拉錫、邦利拿？
前者年紀又老一年，狀態成疑；後兩者則是質素問題....
而前鋒線問題仍懸疑未決，奧利維拉離隊，
老將恩沙基相信只會係關鍵時刻上陣o既後備殺手
基拿甸奴可以回復到邊個程度亦係疑問
只靠朗拿度一人，以佢體能，同時支撐意甲、歐聯兩面戰線，可以嗎？
去季只踢半季意甲，每個禮拜一場，尚可應付，交出表現
但長期征戰如何，又係未知之數
曼聯嗎...明顯費sir已有一個好長遠o既計劃，協助呢支球隊成長
但發展卻過份集中於中前場
無疑曼聯進攻面之廣及攻擊手o既質素令人聞風喪膽
夏格維斯o既加盟亦有助增強中場截擊力
但問題又回歸到中後場板凳深度不足
曼聯只有一名正宗防守中場，一旦夏格維斯傷出，曼聯中場截擊力又會減弱
而中堅方面，維迪、費迪南兩條大杉固然可靠，但替補名單卻令人騰騰震
無論布朗、奧沙、伊雲斯、比基、森遜，都難給予人十足信心
軒斯勢將離隊，更加劇左問題
車路士今季就幾個位置對症下藥
賓希姆、薜維爾，同今日終獲發工作證o既阿歷斯
令中後場板凳深度大大提高
加上摩帥揚言來季會重用賴以成功的433
一眾車路士舊將適應上唔會有太大問題
而去季的442亦已演練足一年
故此車路士係陣式改變上o既彈性會高好多
一旦舒夫真高、波歷克狀態唔好，便踢433
祖高爾、洛賓有傷，就踢442
人腳充足，加上陣式多變，睇怕今季係車仔收成期
黑馬仍然會係華倫西亞、利物浦
華倫去季係備受傷兵困擾下
仍打入歐聯8強，聯賽亦一路排係前4
若今季傷兵減少，加上希古拿、希迪布蘭加盟，代替兩員老將艾耶拉及簡尼沙里斯
唯一擔心係希迪布蘭歐戰淘汰賽經驗淺，未知會否影響歐戰表現
利記陣容未有大變，
F.拖利斯預計係歐戰可發光發熱
但問題係利記來年重點，究竟會放在聯賽上，與曼聯、車仔爭一日之長短？
定放係歐戰上，爭取再入決賽，將會好影響大局
;)
[[i] Last edited by MaxFigo on 2007-8-3 at 01:48 PM [/i]] 差d唔記得巴塞....
來季重點將會係如何分配4條煙o既工作
列卡特曾揚言會盡出4名球員
換言之中場配置將會變成
沙維、耶耶托尼、朗拿甸奴
迪高勢將被棄用
雖知迪高o既存在，唔多唔少減輕左後防負擔
好多人認為迪高表現不及波圖時代搶鏡
我卻認為迪高只係演化為球隊無名英雄
耶耶托尼加盟無疑可以增強中場截擊力，但又是否足夠？
沙維、恩尼斯達明顯攻強於守，朗拿甸奴更加唔駛講
配合巴塞鬆散o既防線，縱使米列圖加盟，但未有效力大球會經驗o既佢，未必幫得到太多
從佢代表阿根廷係美洲杯o既演出，已經扣哂分
只怕來季巴塞前面入埋唔夠輸
若列卡特懸崖勒馬，收起伊度奧
但亨利最佳位置係左邊，踢法上亦較伊度奧更喜歡上腳，
要佢打正中，威力肯定大減
到時各球員又要重新適應巴塞新o既攻擊模式
故此先會睇淡巴塞來季係歐聯o既前景...;)
[[i] Last edited by MaxFigo on 2007-8-3 at 01:51 PM [/i]] [quote]Originally posted by [i]locklock[/i] at 2007-8-3 10:34 AM:
如果上季皇馬打得好悶，另你不快，... [/quote]
[b]no la , 我反而非常滿意上季卡比路執教下既成績, 悶還悶, 悶一季都好過4年黎得個吉[/b],
阿仙奴好好睇, 但唔好食, 最後無成績交出黎, 大牌明星走人, fans亦開始離棄佢地...
車仔唔好睇, 悶但好食, 成績驕人, 摩連奴被捧上神枱, fans亦愈來愈多...
所以我覺得成績要好先, 再講打法悅目...
[b]我從來無小看過執教皇馬任何一位領隊, 完全同意你講蘇斯達既野,
我唔相信既係皇馬既管理層, 佢地果種管理方式根本係大笑話...
一諗起佢地呢班廢物高層, 活基治, 奧雲, 金馬曹呢d大笑話就一幕幕浮現於腦海[/b]
亦係呢個原因, [b]唔相信蘇斯達可以係皇馬活多過6個月, 如你所講,
佢同卡比路果套完全唔相同, 而且今季又咁多新人, 換血係需要時間既,
而皇馬班垃圾高層偏偏係全世界最無耐性既, 而且皇馬向來重明星多於領隊,
名堂唔夠響亮既蘇斯達可否壓得住旗下果班明星大哥, 仍係未知之數...[/b]
[b]講球員本身, 你飛躍時, 人家既阿古路, 美斯, 祖亞昆也會飛躍,
而且我覺得羅賓奴係有d進步, 但談唔上飛躍.....[/b]
開季開得好由自可, 如果有咩差池, 恐怕好快就要88,
而且皇馬會有差池, 一d都唔出奇, 其實上年都只係一般表現,
我唔係要否定羅賓奴同蘇斯達, 只係我覺得..
皇馬自從呢班管理層上場之後, 已經變成一個不可以理喻既球會...
[[i] Last edited by amigofans on 2007-8-3 at 02:15 PM [/i]] [quote]Originally posted by [i]MaxFigo[/i] at 2007-8-3 01:35 PM:
我認為係車路士
其他熱門強隊都各... [/quote]
阿figo兄分析得好詳盡, 大致上係同意既, 但我覺得只係各有缺點,
包括車仔在內!! 佢地簽入既新球員似乎只係解決左上季後備不足既情況,
前線攻力單靠杜奧巴既問題, 係熱身賽中似乎仍然未解決到....
反而有一點意見想同大家分享, [b]睇番近幾季既final名單,
都係一d聯賽一早出局又者一早放離既分子[/b], 由於一入16強之後,
係主客制淘汰賽中, 各隊似乎實力相當接近,
一但果隊球隊在自己本土仍處於叮噹馬頭既爭標局面, 兩條或三條戰線會令佢地疲於奔命,
[b]就例如上年既車仔同曼聯, 三線全開鬥到天殘地缺, 打歐聯自然不敵利記同ac呢d杯賽專家啦...
情況同樣出爭崩頭既皇馬同巴塞身上, 所以最後跑出利記同ac兩隊都係聯賽一早88既球隊,[/b]
[b][size=4]試睇番上幾年既final對決球隊同佢地本身係國內聯賽既成績....[/size][/b]
02/03 祖記(一早放離) vs ac(一早落後)
03/04 波圖(聯賽獨大,一早集中歐聯) vs 摩洛哥 (非聯賽爭標分子)
04/05 ac(季尾已經被祖記放甩) vs 利物浦 (一早畢業)
05/06 巴塞(一早輕鬆放離皇馬) vs 阿仙奴 (季中已經爭標無望)
06/07 ac(一早已經放棄聯賽) vs 利物浦 (一早已經放棄聯賽)
大家有無一點啟示呢?
[b]個人覺得果7 8隊出名既老牌勁旅大家都實力相約, 贏歐聯既機會反而要睇番國內聯賽咩情況...[/b]
萬一大家都應付唔起兩條或三條戰線, 又會可以重演03/04一季, 兩隊冷門球隊爭冠軍...
個人比較睇好意大利既球隊, 因為佢地在國內競爭應該比較細... 利記 近幾季決賽(除左波圖果屆)
入到決賽都係一線球隊而只專注歐聯
所以成日話要攞三冠,甚至四冠既曼聯,車仔機會相對較低
[color=Blue]英超[/color]: 利記 - 盃賽球隊, 爭超聯都係蚊水,如果唔貪心,再入決賽唔奇
阿記 - 合乎以上條件, 不過太青春班, 唔夠經驗
[color=Red]意甲[/color]: AC - 打歐聯特別醒神，點都預埋佢地
國米 - 同AC相反，專心意甲啦
祖記 - 太多老鬼，岩岩升班唔會咁大貪掛？
[color=Orange]西甲[/color]: 巴塞換班，睇下夾得好唔好，計質有權橫掃
皇馬 - 覺得佢地爭個巨星領軍，而且成日係眾矢之的，唔睇好
西維爾 - 實而不華，歐洲賽經驗夠，有ｄ作為
德甲：拜仁，大賽球隊，買埋Klose, Ribery 絕對唔講得笑
結論：正路係 AC, 利記, 巴塞 . 黑馬係拜仁，西維爾
頁:
[1]
2