近年英超既變化
睇英超已經睇咗好耐02/03年既事
係最令我深刻印象既一季
該季仍然係曼聯同阿仙奴兩隊爭雄
戰至季中阿仙奴仲係lead住曼聯成九分
最後阿仙奴輸西布朗開始
就俾曼聯從後趕上
第三十七輪阿仙奴輸列斯二比三
曼聯正式從後封王
基維爾當年既金球仍然係留芳百世
o個年最令人深刻既除左曼聯同阿仙奴鬥得難分難解
仲有不少中下游球隊扮演住攔路虎既角色
for example西布朗、列斯、保頓、愛華頓 (仲記得o個年打後衛既尼史密夫都帽子戲法)
另外降班亦鬥得火紅火熱
保頓同韋斯咸當年既季尾狂追分
今時都仲係好難忘
可惜
呢ｄ野o係今時今日既英超已經唔再見得到
隨住商業化進一步影響足球界
四強中已經有三強俾外資收購
車路士既收購
更加係令到英超有重大既變化
除左改變左以往曼阿相爭既局面
更加因為收購後成績好
起左帶頭作用
令曼聯、利物浦、樸茨茅夫等亦步其後
以前睇英超
見到一位位球隊中既大佬帶起隊波
好似大球會有堅尼、韋拉、恩斯等等
小球會亦有迪肯尼奧、杜布連等等
佢地每次落場都落足百分之二百既投入感
每次睇到都好令人沸騰
另外以往宿敵o既對決
而家都已經再睇唔到
以往曼聯對阿仙奴
賽前一定會罵戰一輪
賽時永遠都俾平時更加緊湊
賽後又會有球員領隊對罵一番
尤其係比賽時
以往既堅尼vs韋拉、雲佬vs亨利等等既情況
都已經可一不可再
呢幾日連亨利都走埋
象徵住娛樂性o既打法
已經比具效率既足球取締左
阿仙奴以往o係高貝利水銀瀉地既地面進攻
而時真係冇一隊做得到
錢
令到整個英超都唔同哂
失去左傳統精神 (高貝利都冇埋)
以前既野
就只能得閒拎出黎回憶一番
錢
阿布可以整走一個世界級領隊
摩連奴嘅離去絕對係車路士嘅損失
3年嘅輝煌時代係時候完結.......... 錢的確帶俾英超更多世界各地既球星~我唔敢講質素無提升過,但係個人認為英超係球壇既質素係被高估左.....好似睇曼聯對士砵亭..用4-5-1,但係又做唔到ac既4-5-1....皆因中場既質素真係有所不及.英超以快為主既打法好睇唔好食~
但係錢又令到英超起番些少風雲.摩帥前阿仙奴剛剛有些少稱霸之勢, 曼聯則一直都班霸.兩雄爭霸變成世仇係一直既事.車仔加入,令到三雄對立,仲間接令到利記,熱刺呢d球隊圖強~而且令到更多既敵對場面出現.....近年既車仔對利記,同埋車仔與曼聯,賽前牙骹戰都不少~
至於堅尼亨利既離去都只係代表一代球星既離去je~~阿仙奴全季不敗既陣容,都淨係得番toure呢d老臣子~曼聯都係得番史高斯傑斯加利仔.始終十年人事幾番新~ [quote]Originally posted by [i]timyu[/i] at 2007-9-21 11:20 AM:
睇英超已經睇咗好耐
02/03年既事
係... [/quote]
金錢掛帥左好耐架啦, 可能你覺得曼聯都係跟車路士風狂買人,
但其實車仔未比俄國佬入主之前, 曼聯已經揮金如土....
[color=Red][b]簡東拿, 堅尼, 高爾, 直到去買華朗, 以至到買里奧費迪南,
通通都係破英超史上既轉會紀錄.....[/b][/color]
係利物浦學d唔學d, 鐘意用一舊錢買一堆人, 係打到上年輸比ac,
佢地先覺悟, d錢唔係咁樣洗法既....
至於阿仙奴, 佢地好野, 搵到個好領隊, 佢相外緩球員有一手,
買入既柏金, 龍格保, 奧華馬斯, 亨利, 安歷卡, 比提同韋拉,
都唔係咩貴價貨, 但全部粒粒巨星, 所以佢地可以用曼聯爭一日長短...
至於你提到摩連奴, 有時候錢係幫左佢好大忙, 雖然我覺得佢係好,
[color=Blue][b]但佢唔係神仙, 公道講句佢如果無錢既, 亦未必交到而家既成績...
個人覺得同年齡既, 賓尼迪斯同艾拿戴斯都唔會比佢差...[/b][/color]
蘇斯達去到皇馬交出黎既成績, 短短兩個月就睇到同西維爾果時既分別..
錢如果唔係幫到摩連奴既, 俄國佬亦唔會同佢咁多意見...
[b]即係試下叫佢去帶隊保頓, 打個第5比我睇下?[/b] :secret::secret::secret: [quote]Originally posted by [i]Shaqleung[/i] at 2007-9-21 11:45 AM:
錢的確帶俾英超更多世界各地既球星~我... [/quote]
[b]之所以我成日講, 係香港, 英格蘭係被攻擊既對象....
間中都會聽到, 英超水準被高估云云....[/b]:giveup::giveup::giveup:
而家坊間都係講英超同西甲平均水準最高, 呢d都係事實,
[b]我唔知咁樣講點叫做早估法? 唔通德甲同意甲平均水準高過英超?[/b]
[b]其實好簡單既道理, d錢流去邊, 就有好領隊同球員跟去, 水準就會高,[/b]
我唔明d球星同最有名既領隊去晒英超打, 點樣會被高估左?
就如阿仙奴, 仲有人話佢地呢d英國波被高估, 其實成隊波, 英國人佔唔到20%...
唔通英國風水有問題, 果班人係要轉戰西班牙同意大利先會高水準??
仲有一提, 波唔可以一場半場為例, 即係我都唔可以用曼聯7比1贏羅馬,
去話英超高過晒意甲, 早幾年曼聯數祖記幾次tim, 唔通意甲沒落?
[size=5]唔好戴有色眼鏡, 唔該..... [/size]:giveup::giveup::giveup: [quote]Originally posted by [i]filter-052fans[/i] at 2007-9-21 12:02 PM:
金錢掛帥左好耐架啦, 可能你覺得... [/quote]
"至於你提到摩連奴, 有時候錢係幫左佢好大忙, 雖然我覺得佢係好,
1. 但佢唔係神仙, > 絕對贊同
2. 公道講句佢如果無錢既, 亦未必交到而家既成績... > 佢無巨星都帶波圖稱霸歐聯同足協，到車路士後無錢亦字必如你所講無咁理想成績！
3. 個人覺得同年齡既, 賓尼迪斯同艾拿戴斯都唔會比佢差... > 無可否認，每個領隊都有佢個人長處；但係因個人魅力而令到賽事增加可觀性及吸納更龐大觀眾群市場，球員數一數二係碧咸，而領隊我亦無需再提吧！你講o個兩位領隊就真係無能為力喇！
錢如果唔係幫到摩連奴既, 俄國佬亦唔會同佢咁多意見...
即係試下叫佢去帶隊保頓, 打個第5比我睇下? " > 呢樣o野無可能，保頓請佢o吾起，但相信好多人都會覺得佢得，而只有少數(如你)覺得佢o吾得，因為佢以往既成績單話俾大家知，底係有，只係因材施教罷了！ [quote]Originally posted by [i]MingLai[/i] at 2007-9-21 08:37 PM:
"至於你提到摩連奴, 有時候... [/quote]
hmm, 但教波要既係成績, 唔一定要有個人魅力,
亦唔一定要有幽默感.....
[b]不過 anyway 佢係好, 我無否定....[/b]
不過你講既波圖, 所謂既寂寂無名, 其實人家係冠軍強隊,
佢係葡萄牙班霸, 贏錦標贏到手軟....
而且陣中既球員唔係咩無名之輩, 件件而家都係獨當一面既明星,
即係果年既對手犘洛哥, 陣中亦有唔少果時無人識, 而家響噹噹既人物...
[b]當然你可以講係摩連奴打起佢地, 但亦可以講摩連奴遇到佢地....[/b]
個人覺得保頓可以打到英超第5, 神奇程度不在波圖贏歐冠之下...
只不過如你所講, 一個成條老虎狗既領隊, 當然無咁搶眼...
[color=Blue][size=5]唔好誤會我係扮突出踩摩連奴, 我只係想大家客觀少少,
因為而家佢放篤屁都好, 大家都讚佢讚到飛起...
已經有點被神化之感.....[/size][/color] :secret: 神不神化，當然o吾係你或我個別個體設定 > 如果只有少數不同意而大多數同意，咁樣被神化你就只有繼續維持個人意見，但絕無能力改變人家想法！
而大眾是否客觀，更加不是你或我說的，既然你所講[大家]，即係多人都認為讚o既話，你仍然可以維持己見，這點亳無問題o既，但所謂o既[客觀]就無你份喇，因為你個人o既意見o吾夠咁多人o既客觀，更加無人會認同你！ 皮里斯、韋拉年代既兵工廠超正，短傳快而準又狼，每下攻勢都要致對手死地，真係遇神殺神遇佛殺佛﹗依家睇番當年的兵工廠，現今的巴塞都唔係佢哋嗰皮﹗真係好懷念呀﹗ [quote]Originally posted by [i]MingLai[/i] at 2007-9-22 01:38 AM:
神不神化，當然o吾係你或我個別個體設... [/quote]
我話佢放篤屁都會有人讚, 不是我主觀,
大部份神化佢既朋友, 都唔會講到佢有咩例子咁出色,
[b]都係得個講字...[/b]
例如好多朋友話佢調動出色, 成日出奇不意, 殺對手不及...
[color=Blue]我又唔明攻果時放多d攻擊球員入去, 守果時放多d防守球員入去,
咁正頭正路既調動, 有咩咁出奇不意wor?[/color]
[color=Red]又話佢係咩戰術家, 上年果個完全失敗既442, 又算係咩戰術咁巴閉?[/color]
輸波果時無晒乎果時, 又有幾多人記得?
[b]就舉例今年輸比維拉, 和左利物浦果兩球, 全場打到不知所謂,
佢又做左咩咁出色, 咁巴閉?[/b]
[b]我聽到有呢度既朋友講, 利物浦果場佢係特登比利物浦攻黎打突擊既....
呢個正正就係, 放一篤屁, 都有人話好既好例子!![/b] :secret::secret::secret:
[[i] Last edited by amigofans on 2007-9-22 at 04:47 AM [/i]] 如果波圖都話寂寂無名, 咁只係證明香港有啲所謂球迷目中只有四大聯賽球會, 人地捧歐冠盃嗰陣, 英格蘭球會就真係寂寂無名勒, 連參賽都被人禁埋.
可能遲啲連阿積士, 聖保羅, 小保加都會俾人話係寂寂無名. 其實呢個問題係有更闊既背景既, (1)係九十年代波士文案影响所及, (2)係近年歐盟融合得快. 所以歐洲球會可以買十幾二十個外援球星組班, 咁有錢球會梗係買球星級人馬, 所以你可以話英超全球化, 但亦可以話係非英化, 錢變成一項好重要的變數, 好似阿仙奴咁, 傳統上本來係打長傳急攻, 而家已轉型為打組織既歐陸化技術型球隊.
西甲早幾年一樣有銀河艦隊, 英超有銀河"車"隊其實亦無問題, 只要唔好隊隊都學咁樣擺陣, 一啲球隊以老帶新, 一啲打整體靠拚勁, 有南華一樣可以有和富大埔, 咁至好睇架. [quote]Originally posted by [i]filter-052fans[/i] at 2007-9-22 04:44 AM:
我話佢放篤屁都會有人讚, 不是我... [/quote]
呢類人o係邊個世界都一定有，但你梗要將呢d人o既觀點放大，我亦無咩好回應！:haha::haha: [quote]Originally posted by [i]filter-052fans[/i] at 2007-9-22 04:44 AM:
我話佢放篤屁都會有人讚, 不是我... [/quote]
"例如好多朋友話佢調動出色, 成日出奇不意, 殺對手不及...
我又唔明攻果時放多d攻擊球員入去, 守果時放多d防守球員入去,
咁正頭正路既調動, 有咩咁出奇不意wor?"
人家講o既係調動後o既結果，並o吾係呢個動作，呢個動作邊個領隊都識做，但係是否立桿見影，我就無用多說！ :clap::clap: [quote]Originally posted by [i]filter-052fans[/i] at 2007-9-22 04:44 AM:
我話佢放篤屁都會有人讚, 不是我... [/quote]
"輸波果時無晒乎果時, 又有幾多人記得?
就舉例今年輸比維拉, 和左利物浦果兩球, 全場打到不知所謂,
佢又做左咩咁出色, 咁巴閉?"
你又知無人插過佢？無人出聲o吾代表無人埋怨，正如其他領隊輸波都未必有人公開罵他們一樣，呢d你都未必會知！ :nogood: [quote]Originally posted by [i]MingLai[/i] at 2007-9-22 08:13 AM:
"例如好多朋友話佢調動出色,... [/quote]
咁我就係叫d覺得 "摩連奴放篤屁都係好既" 既朋友,
[b]比個例子黎睇下, 佢做左咩咁立竿見影lor...[/b]
我講得出, 就有好多例子, 佢做左野都無乎...
之前已經舉左二個例, 要舉仲有大把...
我唔係要否定佢, 事實上有時侯捧得佢太高...
其實賓尼迪斯, 成就跟佢唔差幾遠, 但因為低調過佢, 就無比人捧到上天...
[color=Blue]即係好簡單既例子, 我話摩連奴帶保頓也未必有第5,
你覺得佢一定得, 但佢教過d咩波可以証明佢一定得?
佢有教過d平庸質素既球員咩? 保頓呢d完全無銀用既球隊年年前列,
個難度都係 easy 過車仔贏英超? [/color]
俄國佬係痴線, 但佢炒佢也有原因,
因為佢覺得佢自己d錢都係勝利元素..
而唔係咩都關摩連奴事!! :nogood: [quote]Originally posted by [i]filter-052fans[/i] at 2007-9-22 01:16 PM:
咁我就係叫d覺得 "摩連奴放... [/quote]
同你講多都真係無謂，識諗o既人睇完呢條題目都好會分，咩野係事實:
[邊個企係出面捧CUP，邊個坐係屋企齋o翕！] :D:D:D:D:D
[[i] Last edited by MingLai on 2007-9-22 at 06:02 PM [/i]]
頁:
[1]