鹿鳴春的食後分享
9/20 本來我在大陸回來想回家之際，我朋友打電話叫我今晚食飯，我問去邊食，佢話齊人(6人)去鹿嗚春，我就即時答應了。當大家都到了後就開始叫野食，我們一共叫了9個菜。
1..砂碢雞燉翅：未上檯都感受到份量十足，我們叫的是細的，但我們每人可分到2-3碗，材料有金華火腿，雞和翅等..湯是奶白色，入口非常之美味，我和朋友都讚不絕口，真係好正！
2..蔥爆牛肉：味道都幾好，夠鑊氣，但不太驚喜。
3..清炒河蝦仁：蝦味不俗，夠新鮮爽口，清清地又不太油膩。
4..干貝賽螃蟹：夠香夠滑，材料十足，D醋的份量剛剛好，味道好送飯一流。
5..北京填鴨：即叫即燒，在場片俾人睇，師父片片大小差不多，鴨不算肥，但非常之香，片中帶肉， 隨烤皮，青瓜，蔥一同吃，感覺是清新可口，也不太肥膩，我就喜歡淨食不加配料，好野味。
6..炒鴨崧生菜包：非常遜色，得少少鴨肉，這是我們唯一不滿的菜色。
7..京燒羊肉：羊肉燒得好香口，仲有少少肥肥地，肉味充足，但有好輕微的”蘇”味，可以和小肥羊的味道相比。
8..炒鱔糊：夠香夠味夠鑊氣，切得大塊有口感，比起很多地方有水準得多。
9..小籠包：最後一味，雖然很普通，但味道十分出色，入口香甜，肉質新鮮，肉汁豐富和皮溥不易穿，正呀！
到最後我們個個都食得很飽，其實我們還想試其他的菜色，由其是"叫化雞"但要預訂，埋單$1600蚊，價錢不太貴，但也不算大眾化，我只記得個翅要$620蚊和北京填鴨要$280蚊和飲左幾支啤酒汽水，有冇加一就唔知，有機會不仿試下，都應該冇介紹錯 京燒羊肉同冷盤海蜇頭都好好味:drool: 有冇地址呀 [quote]Originally posted by [i]rongol[/i] at 2007-9-21 11:37 PM:
有冇地址呀 [/quote]
麼地道唔知幾號二樓:giveup:
頁:
[1]