新歌手不如舊歌手
如果說唱功、歌詞等很多人都討論過,所以我今次想說的是歌手時的[抖氣位]。每個歌手唱歌時都會有[抖氣位],[抖氣位]如果掌握得唔好,唱歌時就會發出很大的[呼吸聲],影響到成隻歌:70-80年代
在70-80年代出了很多唱得既歌手,如林子祥、譚校長、葉倩文……是否他們氣量十足既關係,或是他們掌握得好個[抖氣位],我聽他們的歌的時侯,差唔多完全聽唔到[呼吸聲],而且仲能句句雄壯,字字清楚。就算是譚校長的近作[大大時代],我都完全聽唔到任何的[呼吸聲]。
90年代
這是四大天王的年代,開始聽到[呼吸聲],但他們在[抖氣位]上也掌握得很好,我用以下幾位歌手做例子:
1)張學友是四大天王中最好氣的人,他幾乎是唱完半首歌先[抖氣]。
2)黎明是四大天王中[抖氣位]最多的人,不過由於他唱慢歌多,加上他的[呼吸聲]是很細輕,要十分留心先聽到,所以他也是掌握得好[抖氣]技術的人。
3)李克勤唱歌時也有[呼吸聲],不過他[抖氣]時間唔算多,所以可以接受。
4)最另類可以說係陳亦迅,他唱每一個字都好似唔夠氣,而且他的歌有勁多[呼吸聲],不過可能是他故意做出來的唱歌風格,而且比人覺得他好似唱每個字都要[抖氣],反而給人感覺夠磁性及獨特,仲好得人受落。
2000年-現在
2000年新人大多數是女歌手,個樣就靚啦,但她們唱歌要既[抖氣位]也是多得可憐,我用以下幾位歌手做例子:
1)我聽鄧麗欣隻[電燈膽],唔知係現在收音技術好了,或是她唔夠氣,我幾乎聽到她唱一句就有一下[呼吸聲],十分難頂,她隻碟不如叫[鄧麗欣的呻吟呼吸聲大全]好過。
2)之後說鄭融,我想她唱慣快歌應該夠氣啦,點知一隻[紅綠燈]就悉破她了;她唱此歌的[抖氣位]唔算很多,但她發出的[呼吸聲]竟然仲大聲過d音樂,令我十分唔順耳。
3)到新人江若琳的[傷情路],雖然大家都勁彈她,不過她的[呼吸聲]比之前兩個細聲,而且[抖氣位]也唔係很多,不過唔知是歌詞問題定她唱功唔得,始終覺得唔太好聽。
唱歌如游泳,如果你成日換氣,游水時怎能順暢及快呢?所以奉勸這些歌手如果仲想唱歌就好好練下氣,得個樣而唱得麻麻,就算紅都唔會耐,而且仲會破壞到香港樂壇的形象! 首先，一首歌既抖氣位幾乎係每句歌詞都有的，而且係以歌來分多寡既，唔係以人，只有話「呢個歌手抖氣聲太大」而唔會話「呢個歌手抖氣位太多」。例如鄧麗君既 <我只在乎你>的副歌(:lol: = 抖氣位)
任時光勿匆流去 我只在乎你(:lol:)
心甘情願感染你的氣息(:lol:)
人生幾何(:lol:)能夠得到知己(:lol:)
失去生命的力量也不可惜(:lol:)
所以我求求你(:lol:) 別讓我離開你(:lol:)
除了你 我不能感到一絲絲情意(:lol:)
無論呢首歌俾鄧麗君、梁詠琪定容祖兒唱，呢個抖氣位的規律都唔會變，其他歌都一様，除非唱唔夠氣係係一d 位度「偷氣」，但呢d 偷氣位一定唔多，亦唔會俾你聽得到。
而家的流行曲唱法都係偏向於「抖氣聲大」，就算你出去跟張祟基張崇德、彭家麗、戴思聰學唱歌，教出來既唱法都係大同小異，信不信由你。
而你話唱完半首歌先[抖氣]、唱每個字都要[抖氣]、唱歌如游泳，不好成日換氣，係物理上都係不可能的，咁講只反映你對於唱歌完完全全只係個門外漢。
[[i] Last edited by edmond511 on 2007-9-30 at 09:08 PM [/i]] [quote]Originally posted by [i]oz2[/i] at 2007-9-30 06:36 PM:
90年代
這是四大天王的年代,開始聽到[呼吸聲],但他們在[抖氣位]上也掌握得很好,我用以下幾位歌手做例子:
1)張學友是四大天王中最好氣的人,他幾乎是唱完半首歌先[抖氣]。
2)黎明是四大天王中[抖氣位]最多的人,不過由於他唱慢歌多,加上他的[呼吸聲]是很細輕,要十分留心先聽到,所以他也是掌握得好[抖氣]技術的人。
3)李克勤唱歌時也有[呼吸聲],不過他[抖氣]時間唔算多,所以可以接受。
4)最另類可以說係陳亦迅,他唱每一個字都好似唔夠氣,而且他的歌有勁多[呼吸聲],不過可能是他故意做出來的唱歌風格,而且比人覺得他好似唱每個字都要[抖氣],反而給人感覺夠磁性及獨特,仲好得人受落。
[/quote]
點解四大天王時代有陳奕迅................
李克勤都話可以計埋入去...1985出道......
而陳奕迅1995先出道..............我係98之前都唔識佢.......
佢地同陳奕迅可以話係唔同世代既人...
某程度上(我認為)Eason暫時都係差少少.... 講2000打後我覺得吳浩康幾好,但就係唔紅:hitwall: 講起抖氣聲, 印象中第一隻抖氣聲勁大嘅歌係陳麗斯嘅<問我>. 有人說抖氣聲係刻意的,聽過一個關菊英o既訪問,佢話而家唱歌興自然d,要有抖氣聲,所似佢都要順應潮流,隨後即席示範自已過去o既唱法,同現在改變o左o既唱法
不過,也有人說抖氣聲係因為唔夠氣所做成
聽過一個黎小田o既訪問,佢話而家d歌手唱歌唔夠氣,聲線弱,所以在錄音時要將個咪所收o既聲推大,亦同時令到所收到o既抖氣聲變大
我諗,以上兩種情況都有存在
我不懂樂理,總之唱起來好聽就是了
只要抖氣聲不太誇張,自然流暢,夾雜在歌曲之中也可接受
反而在一首流行曲中完全沒有抖氣會更奇怪
日本歌姬倖田來未的抖氣聲也不難聽得出
[url]http://www.youtube.com/watch?v=i0TpWP-Ajzk&mode=related&search=[/url]
[[i] Last edited by 阿感 on 2007-10-1 at 12:18 AM [/i]] [quote]Originally posted by [i]gogodicher[/i] at 2007-9-30 09:54 PM:
講2000打後我覺得吳浩康幾好,但就係唔紅:hitwall: [/quote]i like it~~
好多悲情歌都唱到好有feel
[[i] Last edited by oicoic on 2007-9-30 at 11:35 PM [/i]] [quote]Originally posted by [i]edmond511[/i] at 2007-9-30 07:57 PM:
首先，一首歌既抖氣位幾乎係每句歌詞... [/quote]
我的確是一個門外漢，所以我出ｐｏｓｔ想聽大家ｄ意見
我在此多謝你精誠的回覆，〔真是聽君一席話，勝讀十年書〕
希望我日後可再和你有意見交流:clap:
潮流寫法
黎小田同關菊英的講法都存在的,但同寫歌的方法也有關係,現在有些歌是寫來普羅大眾唱的,寫方面已經對對技巧方面無咁嚴苛 二、三十年未有卡拉OK,未有手機而家D歌除左歌手唱之外
係卡拉OK有人唱都好緊要
所以無論寫歌定唱歌既
最緊要首歌多人識,係卡拉OK有人唱,有人用來做手機鈴聲 [quote]Originally posted by [i]阿感[/i] at 2007-9-30 22:48:
有人說抖氣聲係刻意的,聽過一個關菊英... [/quote]
我個人覺得唱歌技巧差咪会比人聽到唞氣聲囉!!
而家嗰D偶像唱歌都未掂就話出唱片開concert,十個唱歌十個有唞氣聲,呢D叫潮流?我就唔係咁同意嘞 [quote]Originally posted by [i]ronja[/i] at 2007-10-1 06:06 AM:
我個人覺得唱歌技巧差咪会... [/quote]
佢地果D 叫做開CONCERT?? 一班人雜排軍每人唱幾首就叫CONCERT?? 唔好玩啦...試問現在有邊個所謂偶像歌手都係可以獨當一面可以叫做開個人CONCERT..唔好多呀..3-4場...邊個得呀..咪又係來來去去果幾位叫做有實力的歌手....至於果D只靠包裝的..唉...嘥氣啦
幸福摩天輪
聽林志美唱幸福摩天輪或者姊妹,好多樂評都有講,仲有國內的曼里,都唱得比原唱好:D:D:D 無論係任何時代 外表得唔得其實都好重要 80年代上位既歌星如葉情文 陳慧嫻 劉美君 林憶蓮等 樣其實係靚 不過因為嗰時既包裝同依家唔同 所以先有呢種錯覺 我仲記得王菲係80年代尾出道 因為個look唔掂 去咗美國一段時間 回流返黎先紅 踏入2000年都有joey紅起啦 所以唔係依家既個個都靘 係咩時候都要 this is the rule 睇完樓主篇野, 都有感而發, 就係其實抖氣唔一定係全部好似共鳴咁, 都分胸腔共鳴同口腔共鳴...
如果胸腔共鳴唔夠o既人, 唱低音會好辛苦, 好似stephy咁, 高音有好大扯氣聲不過好少走音,
低音-中音位佢就成日走..因為胸腔共鳴唔夠, 低音難大聲, 聽唔到自己唱乜, 又掛左耳機, 走音好正常....
跟住到佢把聲, 成日比人話唱果時好似雞仔, 去唔到, 係因為冇口腔共鳴..
口腔共鳴係個口好似含住泡水咁唱, 聲音傳至上鱷..個口愈o大既人, 就愈容易做, 亦容易做得好..
睇下杜麗莎果d上一輩o既, 邊個唔係大口, 邊個唱歌唔係e哂棚牙..
stephy個口咁細.....佢都.....:haha::haha:
所以我覺得2007年...江若琳成日比人彈口大...我真係有d睇好佢, 聽過幾次live, 都真係好好,
至少, 同CD差唔多...(sure唔係咪咀) 唔會好似stephy咁..貨不對辦... 自己喜歡聽有抖氣聲的，抖氣聲都是聲音的一種，是音樂的一部分。 [quote]Originally posted by [i]hentaist[/i] at 2007-10-2 18:10:
自己喜歡聽有抖氣聲的，抖氣聲都是聲音的一種，是音樂的一部分。 [/quote]
照你咁講......叫床聲同呻吟聲都是聲音的一種,是音樂的一部分!! 抖氣聲好難聽，我係聽歌門外漢，我重覆一次，啲抖氣聲好能難聽！
唔夠氣就一句一句錄啦！
唔夠氣
唔夠氣同抖氣聲有唔同,唔好以為唔夠氣是抖氣:fight::fight::fight: 想知咩叫唔夠氣既話...自己試吓唱下面幾句
1. 關心妍 - 完舞曲 - 川流無盡愛恨再生循環從未間斷過一刻~~故事延續從頭亂舞
2. 王菀之 - 畫意 - 被人嫌怪被人辭退被情人騙去絕望的感情傻到留下耳朵給情人做裝飾的怪客
3. 張韶涵 - 吶喊 -我還記得當初曾經和你一起走到這個地方靜靜躺在彼此身旁看著月亮等著太陽我說從此這一顆心再不會有別的方向你也承諾將我雙手緊握著不放
4. 許哲珮 - 氣球 - 黑的白的紅的黃的紫的綠的藍的灰的你的我的他的她的大的小的圓的扁的好的壞的美的醜的新的舊的各種款式各種花色任你選擇
假如唱跟番原唱既拍子同聲量, 到第四句都仲覺得最尾幾隻字可以輕易拉穩個音. 恭喜! 你可以縱橫k場, 甚至可以試吓出去參加歌唱比賽.
頁:
[1]
2