鍾意左個同事，但佢男朋友係上司
我同佢一直都有講下笑，但最近因為自己工作量大左好多，少左講野，而且經常夜收工(呢part工作因為實在太多，一向都係輪流負責一段時間。但佢會幫下我手做少少野咁，不過呢樣佢對個個同事都一樣)。同時發現左佢經常放工同上司去食野，而且近兩個禮拜好頻密，日日都去。明知工作上一定贏唔到個上司，原本都好想多d關心佢，但又經常要行開，身邊又一大班同事。我有咩方法可以做?
我都諗左好幾個禮拜，好想放棄，但又真係放唔低。
[[i] Last edited by 鳳舞九天 on 2007-11-8 at 12:11 PM [/i]] 要不要 選擇 在 自己 開飯 既 地方 大小二便
就睇 你自己 既 決定 你不用刻意地放低，時間會令你減退感情的。
反而你故意避開她，你會更加難受。
問題根本並非她男朋友係你上司，而是她已有男朋友了。(她男朋友是否是你的上司,你都不應插手)
所以勸你慢慢地放棄吧! 唔好做人第三者啦！
如果你係愛佢既話
見到人地幸福快樂，你應該開心呢 你肯定左上c 係佢bf?
如果你就唔好搞事啦...
你努力做佢好朋友算啦依個階段 做下朋友先law
等時機成熟再出手....:dev: 比人截糊 係慘啲既:o
但係人地已經開始左囉 你想依家插隻手入去 好似過份左啲囉:(
如果你係愛佢就祝褔佢啦:) 人地有男朋友就唔好差隻腳入去喇, 累己累人~ 你應該辭左份工先, 然後再追佢, 咁就唔洗驚啦 依家個問題似乎唔係話你想做第三者就可以做啵，個女仔根本就只當你係普通同事一個，對你完全無嗰種感覺，如果唔係，個機會就應該俾你而唔係俾咗佢上司喇‧‧‧‧‧
有位版友講得好啱，嗰度食嗰度柯，就算俾你同佢開始倒，都好快要面對其中一個要離開呢間公司既問題，而且一齊工作，極有機會係工作上有衝突，因為咁而影響感情就無謂喇，所以，唔好諗喇‧‧‧‧‧
唔好話同唔同個上司鬥，俾你鬥贏又如何，難保佢會對你緒多留難，咁又係自找麻煩‧‧‧‧‧天下之大，適合你既女仔又何止一個，有咩話放唔開？做男人要放眼天下，睇遠啲睇闊啲，到他日你搵倒個真係適合你既就會明白，今日既既執著係幾咁不智‧‧‧‧‧
頁:
[1]