大家的貓貓有咩怪癖呢
我的貓貓怪癖大全....小饅頭 : 性別 (女) 鐘意扮狗狗,可能佢已經忘記左佢係貓了~鐘意行街街~好似放狗狗一樣...(最恐怖係....佢已經認得如何回家了)
小幸幸 : 性別 (女) 鐘意痴人和比人抱,當你用電腦時,佢一定走來搞你,要你抱佢,當你抱佢時,在最sweet的一刻,毫不留情的咬你條頸.....另一樣強項係...化身成李連傑..可以在牆壁上短暫行走...玩貓樹出神入化...如孫悟空附身一樣....
小福 : 性別 (男) 家中最冇用的一個 , 膽小..咸濕..時常向家中兩個小女孩下毒手...怪癖係可以控制家中的狗狗服侍佢...曾多次目擊佢行到兩隻狗女身邊,訓在地上, "喵"的一聲....兩隻狗女用她們的口在他身上按摩...而他享受到發出.."咕嚕咕嚕"的聲音...所以佢身上時常發出陣陣的臭臭口水味.....真係唔多想抱佢衰仔.....
咁你地的貓貓有咩怪癖呢~ 你屋企開寵物店?=.=
3隻貓2隻狗... 我隻貓會一方面攬實我隻手咬，但一方面又係咁用對腳踭開我隻手。非常精神分裂。 我隻mimi好鍾意係我個袋上面訓教
如果放d野阻住佢個位
佢就一直叫....叫到你幫佢攞開為止
頁:
[1]