同女朋友分手...
同女朋友一齊左雖然只有3個星期但係我係好愛佢架...係呢3個星期
大家未嘈過一次...日日都係開開心心咁見
行街食飯睇戲...夜晚屋企傾電話啦
但係第二日...忽然之間佢要同我講分手
佢話我太愛佢啦...而佢對我既愛仲未夠深'''
對住我好大壓力...好辛苦,,,所以要分手
之後我好努力咁挽留
但係唔成功..佢最後仲講左好絕既野
仲話已經唔中意我...要我死心...話我好煩'''
我唔明,,,大家都仲係愛大家..點解要分手???!
真係好唔明...我放唔低佢... 有2個可能
第1 佢對你既好奇心已經冇左 唔再有熱情 呢d係短暫既愛情
你對佢太好 一個你冇得唔認既藉口
第2 佢講既野係真心 對住你有好大壓力
但係我相信係第1個可能性較高 [quote]Originally posted by [i]sang50[/i] at 2007-12-9 01:24 AM:
同女朋友一齊左雖然只有3個星期
但係... [/quote]
睇怕佢鍾意左第個就真
可能已經一齊左都唔定...
直感話我知..
樓主你都係唔好咁傷心搵第個啦... 我認為個女仔對樓主你ge新鮮感同好奇感已經無左
而且對你ge戀愛感覺都已經淡左
樓主,不要過於認為係自己有錯,我同你經歷過相同ge野
我舊年十一月中同個女仔一齊,個半月之後
正正係踏入2007年ge1 月1日凌晨我去接佢
回宿中途佢在宿舍樓下同我講分手,話好大壓力,感覺已經淡左
不過我比你做少一樣野,就係無挽留
唔係我唔喜歡佢,佢直情係符合晒我所有要求ge dream girlfriend
但要知道對方對自己ge感覺一過左,點挽留同做乜都已經無用
再固執追求只會令事情變差,點解唔瀟灑一d,成全對方
俾對方同自己一個好睇ge 結局
戀愛就是這樣,你覺得自己已經搵到最好的一個並打算一直發展落去
但要明白對方未必一定都係咁諗,我們都可能只係一個過客
但我覺得重要的是大家一齊期間,你係真心的對待另一半
有真心為對方付出過,咁即使最後大家唔能夠長遠發展落去
你已是無愧於自己,或者你可能會覺得好唔抵
無端端女朋友同自己講分手,但愛情就係咁唔平坦,跌倒咪再起番身law
以上呢炸野講易做難,但我希望能夠對樓主你有少少啟發
樓主你要學懂放手呀
希望你好快就會參透想通同復原,下一個正在將來等你嫁 [quote]Originally posted by [i]sang50[/i] at 2007-12-9 01:24 AM:
同女朋友一齊左雖然只有3個星期
但係... [/quote]
我知樓主這個時候想聽啲鼓勵之言，但唔好意思也要講點事實﹗我朋友剛對我說，他和拍拖8年的女友分手了，是女方提出的，理由是對他已沒感覺了。樓主，拍拖3個星期算甚麼呢？當然，愛情是不可用時間來衡量，但拍拖頭半年甚至一年也是兩人的甜蜜期，鬧交固然少之又少，因為就算一方做錯了些甚麼，另一方也會當是優點。不是優點，也可當不是甚麼回事。但日子久了，磨擦多了，兩人就會回想番對方的缺點，之後又嘈起來了，這是永恆不變的定律。正如有些巴打話，你的前女友可能真的對你已失去新鮮感和好奇心，又或者已另結新歡，再或者如她所說，你太愛她，令她覺得很大壓力，如日子耐了，到時才向你提出分手，更令她內疚。其實，除非你和她相識了很久才和她拍拖，否則，3個星期的拍拖日子，對了解對方來說實在太短時間了。你不仿試試向她說，你是否做了甚麼令她覺得很不舒服，例如經常打電話問她在那裡，又例如她想自己做些甚麼事，但你又堅決地幫她做了。你知嗎？這樣會令她透不過氣，覺得沒有了私人時間，這是個不可忽略的問題呀﹗我相信如她真的愛你，問題一定會解決到的﹗ [quote]Originally posted by [i]eric911[/i] at 2007-12-9 03:38 AM:
我知樓主這個時候想聽啲鼓勵之言... [/quote]
佢話我對佢太好...佢對我唔夠好
佢話我係一個好好既男人...好既男朋友
可惜係佢唔識諗...覺得同我一齊會好辛苦 [quote]Originally posted by [i]sang50[/i] at 2007-12-9 02:14 PM:
佢話我對佢太好...佢對我唔夠好
佢話我係一個好好既男人...好既男朋友
可惜係佢唔識諗...覺得同我一齊會好辛苦 [/quote]
好行貨既分手說話.......
目的係: 唔想hurt得你咁深, 佢又要做好人....
但係一句到尾: 佢唔鐘意你!!
算把啦!! **** 作者被禁止或刪除 內容自動屏蔽 **** [quote]Originally posted by [i]sang50[/i] at 2007-12-9 02:14 PM:
佢話我對佢太好...佢對我唔夠好
佢話我係一個好好既男人...好既男朋友
可惜係佢唔識諗...覺得同我一齊會好辛苦 [/quote]
唔好諗o甘多喇 有好多o野就係o甘架喇 你想o既
同你諗o既可能係兩回事 分手最重要經一事長一智
時間會正明邊個先係o岩 我1年半前 經歷過一生最痛苦o既日子
我同一個行左5年o既女朋友分開左 你都仲好d 佢起碼會講點解想分開
我乜o野都唔知就分開左 慢慢長路 唔到聽日 你又點知 聽日o既日出靚唔靚呢
信我啦 你好快就會明白架喇 唔應該停留係哩一刻 人生仲有好多事情架 支持你呀:good:
頁:
[1]