感情問題….我應該點做??
我同一個女仔發展緊,開頭佢話佢無男朋友咁我地呢排都有成日講電話,sms
到有一日個女仔話鍾意我,而我亦都鍾意佢
平安夜同除夕都有一齊過(唔係拍緊拖)
平安夜都無乜野…直到除夕果晚……………………..我地去睇戲……..
我喺戲阮門口見到佢打電話,唔覺意比我睇到對方個名係”老公仔”…………
我當時無講到出黎,直到番左屋企我先問佢…..
佢話其實佢避左佢好耐, 果晚都無聽佢電話(我睇到係未接來電),
佢話其實對佢已經無哂感覺,係怕自己後悔先無分手…
但係發覺自己真係鍾意我而對佢只係一種習慣,所以果晚就同左佢講分手….
咁我話我唔會再搵佢,我亦都叫佢唔好搵我!!!!
我唔想做第3者拆散佢地…
我而家好煩惱,雖然佢係講大話呃我,但果兩日佢真係陪左我過….
我好開心,但另一方面又好煩…個心十五十六
老實講.自問真係鍾意佢,但我可以就咁就算, 真係有唸過,但又唔係好捨得…..
如果搵番佢又好似好無骨氣咁…
呢件事都係早兩日發生,呢兩日我的碓比較難過
拍拖係講求大家信任,亦都係每個人都想!!
而家既我真係唔知點做…
比着係大家會點做??
我好認真問,希望唔好有人玩野 既然你都唔想拆哂人地囉, 何必還耿耿於懷呢?
既然你都同個女仔講左分手, 何必還要後悔呢?
呢個世界人把女, 何必為左一個放棄整個森林呢?
樓主, 放低她吧! 你咪問清楚個女仔係唔係真係想同對方分手, 感情問題"耿"會拖拖拉拉, 女方可能拖住先
, 而又想睇下同你有無空間發展先決定下一步, 如果你真係鐘意佢, 就同佢傾傾先, 睇下佢真係決心同對方分, 搵番佢傾下, 唔代表無骨氣, 而家唔係拍緊戲, 唔洗驚要同觀眾交代, 但個女仔是否值得信任, 只能靠你自已去衝量. 如果個女仔搵返你, 你又肯定佢同佢前男友分左手
你咪食住先LAW, 冇害O既,
但唔好太認真, 因為對住呢D 拖拖拉拉O既女仔, 你認真只會HURT 埋自己
你一路食, 一路睇定D 先再慢慢認真未遲 補充, 唔係呃POST, 真係O岩O岩諗到
我以前都試過咁, 個女仔話自己都唔知自己想點WOR,
我因為咁都好唔開心過
所以我得出呢個意見 女方一日未完全同個男既分手
我覺得你都唔應該進入佢地兩個人既世界...........
始終，你而家入去既話，你係“第三者”囉:o 講真，今日她話你聽，
她同他男朋友無曬感情，而家 keep 住只系因為一種習慣，
當初她系因為同她男朋友有感情先開始，甘今日她同你有感覺，
而同她男朋友就無曬感覺喇，她想同你開始一段新感情而同她男朋友分手，
難保有一日風水輪流轉她會識左第個又同你講分手唧~
匿 d女仔拖泥帶水，有 feel 果陣就乜都得，無 feel 就隨時同你甩。。。
今日她甘對她男朋友，你又點知你以後既下場會唔會好似她男朋友甘咧？？
[[i] Last edited by Maxson85 on 2008-1-4 at 03:45 PM [/i]]
頁:
[1]