賀歲盃越黎越冇睇頭...
呢幾年香港搵d球隊越黎越低質素...造就自己贏波...
搞到冇乜睇頭... 今日睇直播見到個球場空位多到乜咁...
咁搞法... hk足球想進步都難la
大家點睇... [quote]Originally posted by [i]kgkgkg212121[/i] at 2008-2-8 12:01 AM:
呢幾年香港搵d球隊越黎越低質素...
... [/quote]
都9千人入場啦！算係咁囉。
我覺得今次球隊既質素好過之前請果D國家二隊啦
起碼而家都係個個當打，有國腳級，有默契呀
之前睇果D國家二隊，佢地除左質素參差
仲要無默契，無組織
一味用個人能力同屈高
果D咪仲衰............
唔好咁悲觀喇........
睇你起個咁既題賀歲盃越黎越冇睇頭... 真係有點失望..呢幾年香港搵d球隊越黎越低質素---------這個檔期年年都係難搵球隊黎打賀歲波喇...歐洲四大聯賽進行中,這時其實看慣賀歲波都知通常係搵無聯賽打緊的東歐球隊或南美波喇...
造就自己贏波--------要咁做不如一早揀定南韓打喇.....
今日睇直播見到個球場空位多到乜咁----- 今年係十二年以來最凍的年初一呀,八點加碼一早講明有電線直播,天寒地凍都咁九千幾人你仲想點呀???
其實今年真係好困難,因賀歲波無左以往一直搞得好成功的啤酒商搞,足總自己接番手黎搞,希望大家唔好成日一味係咁彈......而且請球會也不是一件壞事,搵國家隊十居其九球會不放人,又係甩底居多......
總之大家支持下香港足球吧...... 杯水有一半滿呀,唔係得剩一半咋.... 彭拿路都算係一支二線隊, 可惜都有幾個十靚歲年青球員, 加上未開球季, 狀態一般, 夏德同蔚山就真係三,四線球隊而已. 一來足總出唔起戲金, 二來係唔想俾人地捧盃, 所以唔搵強隊, 咁既心態近年已經好明顯.
以前賀歲盃起碼有兩支打世界盃決賽周的國家隊來港, 早期仲有英格蘭球會好似維拉呀咁, 總有兩三個國際級球星亮相拜吓年, 大球場幾乎爆棚, 好熱鬧, 就算港聯輸波, 球迷都好會滿意. 你要明白現今的很多大會根本係搶錢式的所謂戲金...要搵佢地黎要冒風險太大了........
老兄,維拉時期係好耐好耐山度士係踢緊南華的時期,個時好似完全無英超直播,你想下有幾耐,我想現在的香港球迷被寵壞了,單靠幾個國際級球星亮相拜下年可以坐爆大球場相信不是容易的事.......現實是殘酷的.... 以前仲試過有捷克, 南斯拉夫, 瑞典, 丹麥, 尼日利亞, 墨西哥既國家隊, 05年仲有巴西, 數左港聯七個一皮!
[url]http://www.rsssf.com/tablesh/hk-carls.html[/url] 其實點解大家唔讚下港聯演出,唔好成日係咁彈喇....一味盲目緬懷過去係無進步架...... 比大家過年多一個好去處, 唔駛咁介懷對手係邊隊既, 最梗要高興~ 唔多同意。
如果搵ｄ國家隊黎，第一，佢地只會當作操練，係香港寓賽於操，只係黎香港搵球隊拍跳，而唔係黎爭賀歲杯，戰意好成問題。
第二，佢地既然唔認真，亦唔會有太多主力出場，出既只係一班邊緣國腳，咁樣既睇頭亦唔見得好多。
第三，可以睇一睇四大聯賽，比賽都編排得密麻麻，黎緊星期六又要踢喇，而我地既決賽就安排係星期日舉行，相信冇球會會肯放ｄ主力出黎幫你踢賀歲杯。
與其搵一ｄ唔認真，冇主力既國家隊黎踢，不如搵ｄ真係有心去爭下杯，可以出到full team既球隊黎喇！:P:P:P
而且彭拿路，夏德亦唔見得好弱，夏德係克羅地亞既老牌球隊，亦有杜陀壓陣，而彭拿路亦算得上係南美既一線球隊之一。
所以，今屆賀歲杯其實戲碼係唔差，反而覺得香港足總既宣傳非常唔足夠，令到唔少球迷跟本唔清楚"夏德"，"彭拿路"係乜來頭，希望足總仲會再去改善下喇！ 其實本人覺得搞年初一踢未必係一個好時間
始終傳統上大部份人下午都要去拜年
即使想睇都未必能夠抽時間入場 [quote]Originally posted by [i]hongkongpeople[/i] at 2008-2-8 12:49 AM:
其實點解大家唔讚下港聯演出,唔好成日係咁彈喇....一味盲目緬懷過去係無進步架...... [/quote]
早兩年搵到洪都拉斯一樣唔夠打, 上年已降格到牙買加同澳洲既奧運隊, 今年就夏德,蔚山...
真係唔"緬懷過去"都唔知咁有"進步", 真係唔知邊個係盲目?
賀歲盃係一年一度足總唯一主辦的國際級盛事, 咁都唔應該有啲要求, 點會有進步?
近既03年都有利物浦, 多左英超播, 反而多左人有興趣捧場, 如果有好戲碼都唔爆棚, 一定係票價定得太貴, 唔可以怪球迷唔支持.
[[i] Last edited by shehboy on 2008-2-8 at 05:53 AM [/i]] [quote]Originally posted by [i]eqhigh[/i] at 2008-2-8 01:39 AM:
唔多同意。
如果搵ｄ國家隊黎，第一... [/quote]
咪就係視乎搵啲乜野級數對手囉.
05年搵巴西, 人地都係寓玩樂加操練多過黎爭盃, 都係有用啲牛奶咀出場(包括初試啼聲既羅賓奴), 談笑用兵, 都贏港聯7:1, 咁可唔可以話人地無料到?
其實呢個盃賽性質上就係一項友賽, 無論對手強弱, 人家都未必用足十成功力黎玩, 你睇彭拿路都唔係full team, 都係當季前熱身, 除非獎金非常高, 否則對手點都唔會當大賽咁搏盡. 如果搵到啲高班啲既對手, 港聯又能夠打出水準, 自然逼到人家要出真功夫! 維拉黎果陣時直情係未有英超，英格蘭頂級聯賽係英甲，果時明珠台個個禮拜有精華睇，亞視就播足總盃，果時英甲邊有咁星級陣容，戲金都肯定無而家咁貴啦~~~ 求求其其搵三隊黎湊夠四隊!
不如搵中日韓聯賽第一黎踢..好過啦~加埋香港隊..
起碼可以給引到多少少中日韓fans入埸..
暫時唔會望港隊有咩成績,踢多D,提高返少少水平都好丫~
同埋成日都話港隊小時間合作..
賀歲盃應該比返香港隊踢下啦.. 如果有好波的話,根本唔會搞到今年咁
講直播,電視台年年都有直播,對入場人數影響輕微
講港聯,迪天奴一個都屈機
但係邀請番黎幾隊都冇人氣.足總話冇人氣唔代表冇實力,但你起碼都請番幾個人出名少少o既黎啦
好似回歸杯都會請D出名少少o既人,例如董方卓,邵佳一咁.今年最出名邊個? D Rodriguez,杜陀,就係咁.有冇搞錯?
怪得o個五千幾人入場,不如怪下主辦單位啦 我覺得最大問題都係無左啤酒廠出錢....... 其實之前多屆賀歲波全係啤酒商搞架.....係耶蘇居里一手一腳搵外隊搞..... 今年係足總自己搞番,今次失敗的原因實在很多,現今的足總諸君經過今次的經驗,希望下年能搞得好好睇睇,所謂失敗乃成功之母,現在搞有實力外隊黎香港真係好困難.....你睇傑志這幾年搞外隊都係笑蝕..... 直情唔掂啦, 離譜 [quote]Originally posted by [i]hongkongpeople[/i] at 2008-2-10 12:48 AM:
其實之前多屆賀歲波全係啤酒商搞架...... [/quote]
唔會噃, 呢個足總只會覺得, 啤酒廠搞左咁多年, 香港連打決賽都無乜份, 而家自己搞番, 即刻捧盃, 新年幾老黎呀, 香港足球大有長進...
所以, 以後幾年, 一定會請埋啲二打六外隊, 繼續"成功"舉辦落去. :giveup:
如果唔係加士伯, 你話利物浦會唔會咁易比你請得郁? 雖然票房失利,但喜見港聯打出200%拼勁和鬥志捧盃, 華洋一條心.....good good good .....
頁:
[1]
2