銅鑼灣SOGO為何無8樓?(轉貼)
銅鑼灣SOGO為何無8樓?唔知大家平時行開銅鑼灣間SOGO,有冇留意到SOGO既7樓同9樓之間,係無8樓呢?
除左LIFT係唔會停8樓之外,如果你坐電梯既話,係7樓上9樓其間,會經過一層所謂既'8樓',
個層8樓只有百幾二百呎既面積,容納另一條電梯往9樓,呢層既其他地方完全密封,用兩塊大鏡隔開.每次經過呢個'8樓',大家只會見到鏡中既自己,但係點解好地地會冇左個8樓呢?
SOGO員工一直都有談論此事,而且大家都知道呢個'8樓'好邪!
話說初期SOGO淨係用盡7層樓,所以8樓到9樓都係空既,但係後來要擴大空間,SOGO決定用埋8樓做貨倉儲存百貨.
點知搬晒的貨上去8樓之後,第二日所有貨品都會移晒位,亂晒,仲有有時保安夜晚坐LIFT巡樓,無論按那一層樓的按鈕,部LIFT係唔係都會開埋8樓,
這種情況一路維持左一個禮拜,各員工和高層大家都心知不妙,所以SOGO管理層都搵左個大師黎睇,大師睇到8樓根本成層都有冤魂侵佔,由於數目太多,冇辦法趕走,亦都怕觸怒眾惡鬼,會引起可怕既後果.
所以大師建議將成層8樓搵野封住,加兩塊大鏡'鎮'住班惡鬼,唔好攪其他層數,SOGO高層惟有照做.
為免外界諸多猜測,曾公開向傳媒公佈8樓原來是貨倉重地,這是其他顧客不能到達和內進的理由,但各員工心知肚明,貨倉已搬往其他樓層分層擺放,8樓實則是空置.
補充:
曾有朋友知道事件真相後,故意在SOGO準備收工時坐LIFT,向控制LIFT的小姐陰聲細氣話要到8樓,想氣弄她,當時個位LIFT小姐全身一震,口震震話無呢層樓,朋友故意話咁我去7樓,然後行走火梯上8樓啦,LIFT小姐嚇到花容失色,將個身退到LIFT 的後角落,眼定定望實朋友,朋友走出7樓LIFT 口後,故意回身望回LIFT口,還陰陰笑說聲唔該,LIFT小姐幾乎昏倒坐在LIFT 內地上,也不懂得控制LIFT.
如果說8樓真的無問題,LIFT小姐為何嚇到魂不附體？ **** 作者被禁止或刪除 內容自動屏蔽 **** 我都認為係防火層 SOGO 8樓往日尚未有JUMBO SOGO新一邊的年代, 8樓是業務企劃部的貨倉及機房,
90年代擴充後, 新大樓要貫通連接, 因遷就貨場面積, 所以新大樓而沒有8樓存在,
而現在8樓則部份改為保安及清潔部使用. 8樓唔係內部OFFICE 咩??
N年前做過SOGO,不過好短時間... 唔知有冇記錯呢...:redface::haha::haha:
頁:
[1]