【nbn 愛情小品】一時感嘆：女人變了
以下寫既野純粹出於一時感受，有錯勿插。細個電視，玩弄感情既一定係男仔，
拖住條索女飛甩條舊菜，
之後條舊菜一定係大哭大叫。
果時我以為女人好專一對感情好認真。
或者只係男女之別，男女來自不同星球。
大個仔左少少，
發覺而家既現實同以前既電視劇有好大分別。
身邊朋友，自已，高登友，
十個有九個都係話自已比港女玩，
比人笠綠帽，又或者拍拖好多年既女朋友突然嗌分手。
男人可以好專一，男人既世界可以淨係得一個女人。
女人唔係。可能女人真係天生係心理上係弱者，
無論外表言語作風有幾「強」既女人，
都要人錫。
愈多愈好，最好全部都係靚仔。
記得睇過「女人要男人知道的xx件事」之類，
「我鐘意你，不過有時我會掛住華仔/金城武/偉仔」。
男女之別，一目了然。
我係八十年代尾既人，
阿爸阿媽果個年代（大約係五十年代），
邊度有話港女唔港女，
玩唔玩弄感情果d野。
可能係世界進步了，有電腦，有Internet，有高登。
大家可以傾計，可以分享，
先會有咁多故事。
可能只係我多感嘆。
剛剛internet見到「我條女正一姣婆」個topic，
其中有好多巴打話唔應該對女朋友太好。
細個老豆老母教落，教我地對人好。
以前讀書，讀既係孔子既聖賢書，
教既係仁愛，教既係大愛。
「對女朋友唔好咁好」？
「未到八十歲唔好比飽飯佢食」？
大概只係因為世界變了，女孩變了。
緣起緣滅，這刻我可以一笑置之，只有一種「原來如此」既淡然感覺。
「女人。」我心裡默念一遍，然後仰天一笑，忘了。
原來如此。 哈, 正正係因為諗住「愛佢, 梗係要對佢最好」呢個念頭,
當一個男仔咁諗, 運氣差既, 遇正一個港女, 就會比佢食住, 玩弄...
呢種男仔或者會依然固我, 或者變成一種壞男孩, 玩番女人轉頭,
而正正因為「男不壞女不愛」呢種犯賤思想既影響下, d港女又會怨呢個世界無好男仔...囧
或者咁岩玩正個好女仔既, 個後者就會搖身一變, 變身聞名世界既港女...
加上壞男孩溝到女既成功率會大好多, 所以情況只會一路壞落去...
以上純粹9 up,,,:haha:
其實呢, 又唔可以全怪港女, 形成港女心態既其實傳統中國思想都有一定責任...
始終女性地位被壓低左咁耐, 當西方思想由殖民地時代既時候傳入黎之後
女性地位就立即反彈, 甚至過左個男女地位既balance... 不過應該仲有唔少成因, 但我又唔係pro, 唔知咁多xd
所以嘛, 總之以家香港既:dev: 女 , 見到就避之則吉啦~ 轉機啦:yy01: 其實邊關港女唔港女事
男人眼中可以只有一個女人
但女人不會這樣的
君不見人們常言道:男人動真情就抽離不了 人大了經歷多了, 對感情事有好多感嘆,
好似做實驗咁樣試過形形式式好多唔同方式的戀愛,
發現左愛情並無包生仔(包愛你)的方程式,
反而要溝佢上床就易d, 要佢會真心愛你一條心就睇下好唔好彩啦,
再高深d, 我覺得男同女根本上無分別, 只是外形上不同,
有些男人做起事來都好女人, 無x用,
有些女人做起事來仲好過d男人, 霸氣十足,
感情如像一場賭博遊戲, 玩得預左輸,
至於如何提高個得勝率, 就睇你自己o既能耐,
公司請人都有人事部去嚴選合適人選啦,
大多數人都無做好呢部份, 俾人玩又要怨根本抵死,
一般人通常最初都係一句情人眼裡出西施, 就可以解釋晒啦.:) 聖賢教我地對人仁愛(對人好a)，唔係教你對人殷勤(對人好b)喎，
個人覺得，我地男仔就係成日將呢2樣對人好的程度混淆。
自古以來，對人仁愛者，以聖賢居多；對人殷勤者，則多為慈母、奶媽、下人、店小二、太監等為數多於聖賢。
係女人眼中吸引人的男人，往往係前者(a)多於後者(b)，
而失敗的男人就往往將「對女人殷勤」就當成「對女人好」
「殷勤」就像一碟餸的調味料，份量少少就好，太多就令人唔開胃，即係你講嘅「反效果」。
只要你本身個人好，就更加唔好俾太多調味料破壞你原有嘅鮮味。
[[i] 本帖最後由 edmond511 於 2009-5-24 12:46 AM 編輯 [/i]]
頁:
[1]