[轉貼] 文學同流行文學
文學同流行文學 分別在於前者有深度可以令人反思,後者無深度 千篇一律?我睇書唔多,但有深度既有 無乜"深度"既都有,但我又唔認為睇呢類無乜深度既書有咩問題。
我自問真係無筆者咁有耐性同恆心 每日都係睇D咁有深度既書,再反思。
每日鮑參海味,間唔中都要清下腸胃啦,我覺得呢類既流行文學係必須存在。
你試下叫一個每日朝9晚10既人 返到屋企睇下尼采講既野係幾值得反思,佢應該彩你都傻。
我聽過一句說話大概係:當一個學生準備好,佢身邊每一個人都可以係老師。
唔一定係睇經典先可以有吸收反思,花言巧語 未必可以打動人,但簡簡單單表達出黎可能反而令人印象深刻,你既回應都提到 "涼宮春日只是以時序錯亂令讀者思考，當中的中心思想不大有意義。"
可能係9成娛樂1成思考又有何不可呢?
有時書本只係做一個提醒既角色,最近睇左本書,書名叫希望真的存在,講述一個自閉症自年點去尋找到佢既希望同未來。用字簡單不過 有感人有搞笑,我花左幾天就讀完,但真係傳遞到"希望真的存在"既訊息比我,咁又係唔係筆者所講既無深度呢?
但講句公道說話,我相信筆者都係希望時下年輕人可以多讀讀文學經典 然後先作出比較。
時下既流行文學確係 愈來愈單一化,但呢個係一個社會現象 唔係單單流行文學作者既問題。
睇別人既缺點總比發掘別人既優點易上一千倍。
去批評一本書有幾爛,係百害而無一利既,唔買就係最好既表現。但如果可以去愛呢本書既優點你就係winner。
頁:
[1]