[處子下海] 我第一次做鴨............
今日第一次去做鴨，心情特別緊張。其實好似我咁嘅男人根本唔使去做鴨，
我雖然生得唔係好靚仔，但都算一表人才，
臉上雖然冇乜青春，但擁有成熟男人嘅氣質，
起碼女人一見到都會覺得我係一個有安全感嘅男人。
不過我諗，既然女人可以做雞，
點解男人唔可以做鴨呢？
我做鴨並非為錢，只係想體驗一下唔同嘅生活，
爲自己嘅人生增加一點新嘅色彩。
所以今日放工之後，我去咗嗰度 ............
經過老板嘅熱情介紹，我終於搵到合適嘅對象。
佢一個靜應應嚮角甩頭度，我向佢望過去，
佢嘅皮膚好白，估計係北方黎嘅。
佢個頭仔細細，頸長長，不過大腿幾粗好多肉，
身形十分豐滿，望落仲好有彈性。
我覺得都幾滿意，都算係我鍾意嗰類型，
話晒自己第一次做鴨，都希望留下美好嘅回憶。
好快就同老板講好價錢，然後就帶佢返屋企。
返到屋企之後我已經急不及待，
佢剝光豬嘅身體比我想像中更加多肉，
胸脯非常飽滿，個屎忽仲好翹。
我吞咗啖口水，然後輕輕將佢翻過黎，
一手搓佢個胸部，一手摸吓佢個肚皮，
不過佢好似冇乜反應。
於是我將佢微微托起，將兩隻腳分開，
用隻手指伸到佢下面個窿度撩咗幾下，
唔 ...... 好軟淑，仲有啲濕濕地。
跟住我老實不客氣將成隻手塞晒入去，
發覺裏面好乾淨，所有內臟都清理好晒，
然後將預先泡製好嘅醃料塞晒入去，
再放入焗爐用二百度焗半個鐘，
哈哈 ! 一味家鄉秘製烤鴨就搞掂啦，果然好味！
估唔到第一次做鴨都整得咁好食 ............
頁:
[1]