W Hotel 「星宴」
[img]http://a367.yahoofs.com/hkblog/XHl7zsSRExTzZYERX702JQ--_5/blog/ap_20110208114906343.jpg?ib_____DDPc_.xDk[/img]西九龍文娛藝術區一直唔上唔落Chok住Chok住（都是一個Chok樣），位於西九龍的W酒店首當其充，不算壯烈犧牲，也算捱打狀態。以有型有款夠in夠時尚為酒店風格的W，每次在世界各地插旗，都惹起傳媒吹捧、遊客愛戴，好像永無失手，今次卻幾損手。行內人說，外地旅客並不太熱衷，使酒店有房價卻交不出入住率，要入住率就做不起房價。此外，客觀條件一直未能配合，文娛藝術區固然只聞樓梯嘈嘈閉，相連的大型商場又不爭氣，區內豪宅住客亦未夠support。稍後同區另一五星酒店開幕，真係殺到埋身。
W的食肆，一直欠缺本地食客緣。咖啡室「Kitchen」還可以，因為要為住客提供早、午、晚三餐，又會做自助餐，生意不至於太淒涼。主要做fine dining的西餐廳Fire卻非常慘情，我去過幾次，午餐只有三四檯客，怎料低處未算低，晚餐僅有一兩檯客，淡靜之程度，令你以為沙士再襲港，恆字跌到800點。我諗，大老闆真係火都嚟。
好了，終於壯士斷臂，近日將「火辣辣」結束，變成中菜廳「星宴」，開業不久生意立即反彈，上星期去吃午飯，驟眼看達8成入座率，比以前大有改善，而且全部本地客。看來，做酒店固然要玩新意逗逗外地客，亦不能太alienate本地消費者，餐廳的米飯班主還是道地港人。
暫時來說，「星宴」尚未做出風格，且給她一點時間。
[img]http://a367.yahoofs.com/hkblog/XHl7zsSRExTzZYERX702JQ--_5/blog/ap_20110208114924273.jpg?ib_____Dy_pt.l_7[/img]
頁:
[1]