婚前試愛：邊個最衰？
剛剛看完＜婚前試愛＞。葉念琛的電影裡，個個都各懷鬼胎，雖然稍嫌太dramatic，但亦因此才吸引到觀眾買票買碟。如果要將4個主角的衰指數作排列，我會咁排：Jack(沈志明)＞琪琪(周秀娜)＞澤(羅仲謙)>寶(Carol)。
Jack一定係最衰，出來play就play啦，仲要扮情聖！我成日都話，play無錯，但唔好呃人扮真心lor！第一晚唔計，之後明知琪琪要結婚都仲要temp人，賤！
琪琪都好衰，咁容易就同人上床，過幾日就結婚了啊！沈志明睇真D都唔係真係靚仔得咁交關遮，咁都把持唔住，仲要一錯再錯！
成件事之中，澤係最被動0既。正所謂有食唔食，罪大惡極，咁好身材送上門又真係好難抗拒0既。而且，澤當時仲係同琪琪嗌緊交添，實在情有可原。不過，偷食點都係唔0岩！
女人做人第三者簡直係作賤自己，但鍾意一個人係無錯0既，佢只係傻遮。寶已經算係瀟灑，拎得起放得低，完全明白遊戲規則，唔會死纏難打一哭二鬧三上吊，呢個係抵讚0既！如果澤第時真係再搵佢，破壞家庭幸福的責任都只在男方身上。
各位，你地又點睇呢? Jack最衰～玩弄感情～
琪琪衰在對男方嘅愛無信心～
如果唔係佢多疑＆亂發脾氣～
不過女人都係咁...唔怪得晒佢嘅...
寶同澤就唔會搭上咗啦～
頁:
[1]