俾人非禮點做好?
[size=3]女仔俾人非禮係一定要即刻出聲! 如果唔出聲, 就即係等於同嗰個賤男人講: "你做得好啱呀, 下次再嚟過啦", 縱容佢再非禮其他人!
我覺得女仔蝕底咗都唔夠膽出聲有兩個原因:
1. 啲女仔覺得俾人知道自己蝕底咗係好瘀嘅事! 要搞清楚, 被人非禮嘅女仔係受害者, 有乜嘢值得瘀, 非禮人嗰個賤男人先應該覺得瘀! 而且古代嘅女仔蝕底咗就話驚嫁唔出啫, 依家都唔會有啲咁嘅事啦!
2. 啲女仔驚住告唔入非禮人嗰個賤男人! 當然, 如果非禮人嗰個賤男人冇留低手指模喺女仔件衫褲度, 係未必可以告得佢入! 但係只要個女仔肯即刻出聲, 起碼等其他女仔認住佢個樣, 等佢冇咁容易再嚟過!
當然身為一個男人, 我亦都想講番一句, 好多時喺好迫人嘅交通工具 (例如返/放工嘅地鐵), 男女好多時都會有身體接觸! 當然會有啲係有心想非禮人嘅賤男人, 但有更多都係冇心嘅男人! 至於個男人係有心定冇意, 就只能夠靠你哋女仔判斷![/size]
頁:
[1]