LG四核播片王 撐大睇少時
四核心有乜咁勁？最 Model Answer梗係快啦，不過 LG最新嘅 Optimus4X HD，就將 Quad-core優勢注入播片技術；4.7吋 True HD IPS靚芒，唔止睇高清片爽滑細緻，就連畫中畫預覽、甚至罕有地連播放中嘅畫面，都可作局部放大或縮細。睇少女時代 MV時，咪可以逐個靚女 Zoom近慢慢欣賞囉！動畫 Preview好貼心查實四核手機強玩播片，都唔係新鮮事，好似 Samsung機王 GS III，就追加畫中畫技術，不過只係播片中途可同步操作主目錄咁解咋。 LG呢部型號為 P880嘅新機，同樣力 Sell畫中畫，不過叻在可以同步預覽其他影片，做到真正「 PIP」功能。最正係反應、流暢度都唔錯，就算你用盡內置16GB再加 microSD卡，去儲存大堆心愛電影，揀片時佢哋都會齊齊 Preview畀你睇，彷彿爭艷鬥麗般引你 Click落去，亦免除齋睇戲名但連港產定西片都唔記得之人，減輕用家嘅選擇困難症，又幾實用喎。
[table][tr][td][url=http://static.apple.nextmedia.com/images/apple-photos/apple_sub/20120713/large/13fu5pnew.jpg][img]http://static.apple.nextmedia.com/images/apple-photos/apple_sub/20120713/small/13fu5pnew.jpg[/img][color=#0066cc]屏幕亮度足，加上顏色自然，用來煲片應該好襟睇。[/color][/url][/td][td][url=http://static.apple.nextmedia.com/images/apple-photos/apple_sub/20120713/large/13fu2pnew.jpg][color=#0066cc][img]http://static.apple.nextmedia.com/images/apple-photos/apple_sub/20120713/small/13fu2pnew.jpg[/img]$4,998[/color][/url][/td][/tr][/table]
現場硬拼明恰 GS II除咗四核， P880仲有呢塊4.7吋 True HD IPS靚芒賣點。有幾靚？記者會上， LG就擺明車馬搵咗兩款三叔銀河手機鬥一鬥，包括同 GS II鬥屏幕字體細緻度，好明顯 P880唔止實淨，而且 Pixels排列更加密；再睇佢同 Nexus鬥，從拍攝鮮色波鞋所見， P880色水較自然， Nexus則較鮮艷，兩者各有特點。咦，點解唔同 GS III鬥芒靚呢？
[table][tr][td][url=http://static.apple.nextmedia.com/images/apple-photos/apple_sub/20120713/large/13fu9pnew.jpg][img]http://static.apple.nextmedia.com/images/apple-photos/apple_sub/20120713/small/13fu9pnew.jpg[/img][color=#0066cc]同上一代機王 GS II比， P880畫面必然更加細緻。[/color][/url][/td][td][url=http://static.apple.nextmedia.com/images/apple-photos/apple_sub/20120713/large/13fu3pnew.jpg][color=#0066cc][img]http://static.apple.nextmedia.com/images/apple-photos/apple_sub/20120713/small/13fu3pnew.jpg[/img]三款四核機中， LG外形四正，觀感上較 Grand一點。[/color][/url][/td][td][url=http://static.apple.nextmedia.com/images/apple-photos/apple_sub/20120713/large/13fu4pnew.jpg][color=#0066cc][img]http://static.apple.nextmedia.com/images/apple-photos/apple_sub/20120713/small/13fu4pnew.jpg[/img]三部機厚度相若，便攜性不相伯仲。[/color][/url][/td][/tr][/table]
LG Optimus4X HD（ P880）系統： Android4.0
處理器： NVIDIA Tegra3（1.5GHz）
記憶體：16GB ROM+1GB RAM
屏幕：4.7吋 True HD IPS
相機：800萬像素 好機，不過對lg印象麻麻
頁:
[1]