深圳實試！中移香港 4G 數據漫遊
如果大家需要經常往返內地都會知道要係內地上網其實幾麻煩，一方面大陸數據漫遊費貴，即使返到內地購買 SIM 卡又要飛線，對於用慣香港高速網絡的朋友上網體驗肯定非常唔同！unwire 小記知道最近中國移動香港推出左中國內地 4G 數據漫遊服務，最近就藉住放假返到深圳行行華強搵料抖下氣，順便試下中移內地 4G 數據漫遊的表現！[img=590,332]http://cdn.unwire.hk/wp-content/uploads/2014/06/P6168450-590x332.jpg[/img]
[b]iPhone 5s/5c [/b][b]兩地互通[/b]
大家都知道香港 4G 制式和內地的 TDD-LTE 制式不同，所以一般在香港常見的 4G 手機在內地一般都不能使用 4G 服務，市面上就只得幾款兼容 TDD 和 FDD 雙模 LTE 的手機可以兩地通用，而 iPhone 5s/5c 便是其中一款，只要在香港購買的 iPhone 5s/5c 只要插入中移香港 SIM 卡，自動更新，馬上便可用到中國 TDD-LTE 及 TD-SCDMA 3G 服務。而中移香港的 4G 用戶只要配搭雙制的 iPhone 5s 或者 iPhone 5c 手機便可以在香港和國內同步使用高速 4G/3G 網絡，唔駛擔心上網速度大跌！回到內地之前大家只要進行 Carrier Bundle 更新手機就可以支援新服務，十分方便。值得留意，其實在中移香港出機 iPhone 5s/5c 亦會更比其他網絡供應商更加著數，唔想慢慢等 iPhone 6 換機的朋友不妨留意一下呢個平價出機方案。
[img=590,331]http://cdn.unwire.hk/wp-content/uploads/2014/06/filter-120-590x331.jpg[/img]
▲只要閣下正在使用 iPhone 5c/5s，進行簡單的 Carrier bundle 升級就可以用到中移香港的國內 4G 漫遊了。
另外，現有的 CMHK 用家如果正在使用 4GPro 服務計劃的話，首 5GB 的本地數據用量可以中港互通，而當數據用量達一定水平便會有短訊提示，無需擔心會出現震撼帳單！由即日起至到 8 月 31 日，現有 4G 用戶更可以免收每日 $50 「中國內地 4G 數據通行證」收費，只要閣下已經開通了漫遊服務，無需特別申請就可以係大陸用到 4G 上網了！在優惠期後 4GPro 及指定的 4G 客戶亦只需要比 $50 就可以使用這個內地 4G 服務，比起其他仲收緊 3G 而且收費更貴的漫遊就抵用得多啦！距離 8 月尾尚有大把時間，有需要往返內地的朋友就記得免費試試了！
[img=590,331]http://cdn.unwire.hk/wp-content/uploads/2014/06/CHINA1-590x331.jpg[/img]
▲以前過關就要係關口兩邊的儲值卡櫃檯買 SIM 卡，而家未正式過關手機就已經自動切換去內地中國移動 LTE，左上角的服務亦會變成簡體字樣，一看便知!
[b]深圳 4G [/b][b]上網實試![/b]
和大家簡介過中移內地 4G 數據服務之後，馬上就來到大家最感興趣的實際測試了！小記由港鐵羅湖過關，直至過香港海關之前都一直「收爆」香港的 4G 訊號，而在過橋時大概需要十數秒進行網絡切換，未去到深圳入境大堂就已經收到國內中國移動的 4G 網絡訊號了！而小記由交通樓一路行經地面及地下兩旁商舖、羅湖商業城，到火車站再落地鐵站，發現手上的 iPhone5c 一直都可以收到 4G 網絡，只是在地鐵站內一些死角曾經跌落 3G，不過整體穩定性算是相當不錯。而據稱中國移動 4G 網絡會在年底之前覆蓋超過 340 個城市，到時大家到內地唔同城市工作、旅遊都可以 Keep 住使用高速的 4G 網絡了。
[url=http://test.unwire.hk/wp-content/uploads/2014/06/new.jpg][img=590,332]http://test.unwire.hk/wp-content/uploads/2014/06/new-590x332.jpg[/img][/url]
▲在羅湖口岸交通樓對出的露天廣場 4G LTE 訊號接收全滿！
[img=590,331]http://cdn.unwire.hk/wp-content/uploads/2014/06/MTR1-590x331.jpg[/img]
▲在地鐵站內訊號接收雖然有些減弱，不過仍然可以照樣使用高速的 4G 網絡呢！
[b]深圳都玩到 Facebook[/b][b]、Google[/b]
大家都知道在內地一般都不能登入 Facebook、上 Google 或者瀏覽外國網頁，不過就小記在深圳試用中移 4G 數據漫遊就沒有這個限制，完全可以正常使用大家每日在香港慣常瀏覽的網頁，玩 Facebook、覆 Gmail、上 Google 搵料睇新聞、睇地圖都通通無問題，而且用起來亦不會覺得比起香港上網慢，完全無需因為身處內地而要改變使用習慣呢！
[img=590,333]http://cdn.unwire.hk/wp-content/uploads/2014/06/IMAG0572-590x333.jpg[/img]
▲在 iPhone 5c 上面都可以直接使用 facebook，快捷又方便。
[img=590,332]http://cdn.unwire.hk/wp-content/uploads/2014/06/P6168456-590x332.jpg[/img]
▲當然大家每日都會用的 Google Engine 搜尋器亦可以繼續使用，無需一定要使用唔習慣的「百度」搜尋呢！
[img=590,332]http://cdn.unwire.hk/wp-content/uploads/2014/06/P6168480-590x332.jpg[/img]
▲即使身處內地亦一樣可以觀看 Google 的新聞，這樣就不怕會錯過香港任何突發新聞，又或者股票價格了。
[img=590,331]http://cdn.unwire.hk/wp-content/uploads/2014/06/gmail1-590x331.jpg[/img]
▲在內地工作的朋友都知道平時不能正常使用 Gmail，不過用中移 4G 數據漫遊就沒有此限制，大家可以繼續收發電郵，提高工作效率！
[img=281,500]http://cdn.unwire.hk/wp-content/uploads/2014/06/IMG_0014-281x500.jpg[/img]
▲在地下商店街使用手機地圖功能很快便成功定位，即使在國內不小心迷路亦可以即時查看自己位置呢！
[b]上網快睇片流暢[/b]
大家可能擔心在內地上網速度唔夠快，不過小記測試之後竟然覺得有驚喜！正常在香港使用 4G 上網下載速度一般在 20MB/s 至 40MB/s 左右，還要視乎地點、繁忙時段等，而小記在深圳幾個不同地點測試都發現下載速度超過 40MB/s 以上，上網速度隨時比起在香港的 4G 更快呢！小記亦分別試過用手機睇 Youtube、玩 Facetime，發現流暢度非常之高，一掃出發之前對於在國內以 4G 上網速度的疑慮。當然，上網速度可以咁快可能是因為國內暫時的 4G 用戶不多，不過整體速度表現已經絕對收貨。
[img=590,331]http://cdn.unwire.hk/wp-content/uploads/2014/06/ground_test-590x331.jpg[/img]
[img=590,331]http://cdn.unwire.hk/wp-content/uploads/2014/06/mtr_speed-590x331.jpg[/img]
▲露天廣場側的商店街(上圖）以及地鐵站內（下圖）的 4G 速度測試下載速度分別達到 36MB/s 及 45MB/s，小記對於速度已經相當滿意。
[img=281,500]http://cdn.unwire.hk/wp-content/uploads/2014/06/IMG_0012-281x500.jpg[/img]
▲中移 4G 速度測試最快的一次下載速度達到 64MB/s！表現絕對不下於香港的網絡速度呢！
[img=590,331]http://cdn.unwire.hk/wp-content/uploads/2014/06/facetime-590x331.jpg[/img]
▲即使身處國內亦可以利用 4G 流暢地和坐鎮 Unwire 辦公室的女同事玩 Facetime、進行 Video Chat 當然亦無問題！
[img=590,333]http://cdn.unwire.hk/wp-content/uploads/2014/06/IMAG0631-590x333.jpg[/img]
▲如果有朋友齊齊往返內地工幹或旅遊，用戶又可以透過 Tethering 功能分享網絡，或者讓平板、手提電腦上網繼續工作，使用更加靈活方便。
[img=590,331]http://cdn.unwire.hk/wp-content/uploads/2014/06/3G2-590x331.jpg[/img]
▲小記曾經在地鐵站內的角落以及快餐店中遇到手機訊號由 4G 跌落 3G，不過只是間中的一次半次，相信在稍後時間增加發射站後可以進一步提高 4G 網絡的穩定性。
[b]網上買賣數據流量 [/b]
相信未必個個都好似小記需要用到無限的 Data plan，如果每個月都用剩大量數據相信有些用戶便會覺得「唔抵」！若果各位中移香港的用戶用唔完 Data 其實可以係中國移動香港獨家的「2cm 交易平台」自由買賣數據，賣走用剩的 Data 幫補一下月費，當然唔夠用亦可以向其他用戶買 Data 回來使用了。中移用戶可以透過「1cm 手機程式」登陸「2cm 交易平台」，便可以自由買賣流動數據，無論大家的數據「用唔晒」或者「唔夠用」都可以更加靈活調配，唔駛擔心白白浪費又或者要捱貴數據費了。
[img=590,393]http://cdn.unwire.hk/wp-content/uploads/2013/12/P1080138-590x393.jpg[/img]
1cm 手機程式支援 iOS 及 Android 平台，各位中移用戶記得要物盡其用啦！
http://unwire.hk/2014/06/30/cmhk_china4g_roaming/mobile-phone/
頁:
[1]