【轉貼】曼聯皇朝沒落,缺點表露無遺！鬧la.....盡情鬧....
0比2,輸給諾域治你地話踢成點?
藉著呢個機會,我想係度討論一下曼聯既弱點
1.左中場
正選陣容明顯缺少一個正左翼位置,此乃曼聯整季問題,就算出杰斯,費sir都只係叫佢踢自由人,甚少以正左翼資態出現,加上杰斯老去,後繼無人
-缺少正左翼,球隊就唔能夠打翼側擊傳中,史高斯最拿手既「猜」兩邊已經完全見唔到,打唔到兩翼齊飛,球隊攻擊中心集中中路和右路,右路傳波質素極差(其實左路一樣,對布力般果場已知),攻勢集中中路則容易防守,難以撕破對手密集防線,於是只能靠遠射得分
2.太依賴二R
大家都被2r名氣所欺騙,在球場內,他們之不過是還沒有成熟的19和20歲「o靚仔」而已,
獨食,沒有團體合作精神,經驗不足,而且脾氣差,全部都是2r的致命傷。每一次攻勢獨食一球,就少左一次團體合作既機會,每一次球在2r腳下,佢地就上腳,攻勢自然側重2r身上,攻勢側中「個人」要防守自然好易,況且佢地傳波同出波都咁差...,大家有冇睇過男兒當入樽,知唔知邊個流川楓?我諗提起流川楓個名,我唔洗多講大家已經明我想表達d咩。
順帶一提,朗尼在今場大意失球我數過接近10次,一球失波間接由他犯錯所致
3.前鋒與中場之關係
入球數字偏低,前鋒固然責無旁貸,沙哈傷患困擾,雲佬,史密夫無態,朗尼欠運.....
但係大家真係無諗過其實真正既問題係係中場?
朗尼缺點上述已提
沙哈,史密夫,雲佬都是正前鋒,正前鋒最需要的是「供應」同埋「機會」
但係曼聯既中場,比到幾多供應同埋機會我地市值6000萬既前鋒?
左右傳中波差劣;史高斯狀態下滑;攻勢側重個人化,打個人化足球等等都令曼聯前鋒無以為繼
中場比到人既攻勢咁疲弱,前鋒點入波?
唔通又靠朗尼c朗拿度既個人化足球入波?佢地係呢幾場既作用係點,大家心知肚明
面對真正經驗老到既後衛,如ac米蘭後防,你幾時聽旁述員提過朗尼,c朗拿度個名?
4.定位球
碧咸在的年代,角球是曼聯一大殺招,你地計下曼聯衣+有幾多球係憑角球入波?
仲有禁區外可以射門既定位球,我就n年無見過曼聯靠射過1d漂亮既罰球,從前既雲佬喜歡憑射門觸角在門前「執雞」入波
好啦,今年d罰球處理得咁差,想執雞?不如係界外執波啦
總結:
衣+曼聯話無錢買人,但係其實有好多位置需要增添有質素既球員,個人認為曼聯買人不宜再買只有技術而欠缺整體意識既球員,這樣只會令曼聯攻勢更加個人化
拜託各位眼睛雪亮一點,「足球是整體性運動」
唔好盲目再崇拜c朗既技術,朗尼既個人突破,比起個人solo入波,我寧願要組織漂亮既入球
,咁先係我以前鍾意既曼聯,
我認為覺得曼聯不應再有英雄主義,個人認為費查、碧咸一類既整體性球員,才是拯救曼聯既一大藥方。
(至於實際上應該買咩人,有機會再討論,今日討論重心係曼聯弱點)
曼聯球員急需合作精神,場外的球迷亦應如此
現在曼聯係面前既唔止內憂(球員不和,球員老化,資金不足,合作性不足)
仲有外患(經濟問題,收購問題,車路士的野心)
因此,身為曼聯fans更應上下一心,團結一致.....
大家一齊係度叫一聲:
永遠支持曼聯!老費上路ｌａ．．．． 請將D post 盡量貼埋一齊。即講曼聯輸波既就係一個post度回覆，唔係既話Dpost沉得好快，同放散左，板友好難討論。 無錯,依家曼聯就係爭個左翼,其實佢地成條中場線都老哂,個個打左十幾年,有狀態都死la,咪只係得個後生仔C.朗做下右中場,但唔係長遠計,點都要加強中場,唔駛驚防守wor,左閘軒斯,阿費sir咪買得幾好,能攻能守,所以依家曼聯再需要ge並唔係前鋒,而係能分波ge隊長&防守中場,能與進攻中場合作好的兩翼,方能俾到機會朗尼突破,雲佬執雞~~~ 好同意曼聯「欠缺整體意識既球員,這樣只會令曼聯攻勢更加個人化 」
睇番曼聯近幾場比賽，尤其係傑斯無出個陣，成隊波踢得好"立"
如果對方有心守你，跟本就搵唔到入波方法。
以對歐聯AC首回合果場做例子
AC 明守你在先
機會曼聯係有，但真正射門，都只係遠射
heading?無
小組?無
罰球？更加無~~
碧咸走左，唔單止少左罰球一凡
最重要係佢既長傳，角球，傳中
呢D元素暫時係曼聯到搵唔到
長傳---D球員太上腳eg CRonaldo﹑fortune，好少會做長傳
角球---準繩度差左好多..
傳中---兩邊wing都無果一腳，水準好飄忽，成日都斬唔起
另外都有外再因素，先令曼聯成績退步
車仔打番以前既曼聯﹑阿仙奴，球隊反擊快，把握力好
相反，曼聯不進則退..越來越個人主義
以前水銀瀉地既攻勢，現在變到老鼠拉龜
睇黎今季好難再睇到曼聯大炒5,6粒既比賽 後防基本上唔洗擔心
李奧同施維斯達呢對組合真係唔錯！
軒斯更加唔洗講，助攻助守！
同埋加利仔d傳中波仲靚過c朗果d！
至於howard，我覺得佢質素其實唔錯，不過始於人要跌下既，可以比機會！
中場方面，堅尼唔知仲頂到幾耐，佢真係好重要！仲要而家遠射好勁
我覺得butt頂到佢架，因為佢夠矛，可惜走左
而家菲臘仔其實都ok
屎高斯其實唔多唔少比費sir累死
以往佢踢堅尼格離，出神入化
自從要就華朗而踢4411果個1就開始衰
適應唔到加狀態下滑…唉…
碧咸走左冇左飯傳中波唔洗我多講啦…"side"哂雲佬個頭
c朗真係好獨食…次次睇都嬲到震！
giggs開始老…真係冇計
費sir真係要教好c朗，其實我覺得佢打左邊代giggs(曉得合作性後)
或者打中間突破(真係咁冥頑不靈)，會好好多！
c朗成功轉打左邊，alan smith打右邊，佢打中場/翼都比前鋒好d
雲佬其實真係一個好前鋒，狀態好果陣真係唔講得笑
我最鐘意佢仲有d狗，成日陰陰濕濕咁！
至於朗尼，我鐘意費sir用得佢盡左
佢先咁後生，要打到幾時？以前莫耶斯擺佢後備其實好arm
沙夏又成日傷，蘇斯克查更唔洗講…
如果唔係出沙夏拍雲佬都幾好
但係我最想(有可能的話)炒費sir！
之後低價買返碧咸返黎 至於朗尼，我覺得費sir用得佢盡左
打錯，唔好意思 Howard
加利仔 Rio仔 斯維斯達 軒斯
費查 史高斯 堅尼 C.Ronaldo *(Giggs 傷左)
A.smith Rooney
我覺得係曼聯暫時最穩定/應該排既陣 [quote]Originally posted by [i]---my421[/i] at 2005-4-10 11:17 PM:
Howard
加利仔 Rio仔 斯維斯達 軒斯
費查 史高斯 堅尼 C.Ronaldo *(Giggs 傷左)
A.smith Rooney
我覺得係曼聯暫時最穩定/應該排既陣 [/quote]
呢個陣=460
冇前鋒
A.smith+Rooney經常墮後 [quote]Originally posted by [i]srfqt1[/i] at 2005-4-10 11:20 PM:
呢個陣=460
冇前鋒
A.smith+Rooney經常墮後 [/quote]
其實都冇壞既...
最重要既係要中場同前鋒互相配合走位..
其實咁樣仲彈性...
用正前鋒擺死o係前面如果對住d路數高既後防就等於打少一個...
如果四圍走互相走位反而仲難防範... A.smith heading OK
只要費 sir "督"佢去前d就得啦
rooney 有遠射
好懷念 York 同 Cole 的年代
真係場場有波入 弊在佢地經常墮後
中場想俾波去前面都冇人呢
而且佢地墮後唔係四圍走互相走位
而係等波踢呀
d波就成日在中場橫傳再橫傳
擺前鋒出去就係想拉開對方後防
等scholes,giigs可以後上
而家A.smith+Rooney仲經常後過d中場
你話d中場點踢 [quote]Originally posted by [i]srfqt1[/i] at 2005-4-10 11:30 PM:
弊在佢地經常墮後
中場想俾波去前面都 ... [/quote]
其實應該試下俾c7打正前鋒...橫掂佢咁鍾意射波...:P C7 射波一時時~~~
經常射唔起個波 [quote]Originally posted by [i]---my421[/i] at 2005-4-10 11:33 PM:
C7 射波一時時~~~
經常射唔起個波 [/quote]
係呀...所以擺佢前d可能會有反效果:)
頁:
[1]