有無人試過領養貓狗或者去貓狗場做義工呀?(我既實例..)
其實如果有心想養隻狗仔﹐有無諗過可以試下去領養袈?雖然當你地第一眼見到佢地既時候﹐
佢地一定唔會話好可愛呀﹐好靚呀..好似貓狗鋪入便一o個d咁。
但係佢地就一定好需要你地既愛心同埋照顧。
係~~可能等待領養既狗仔會有d病痛﹐但係未必隻隻係袈麻﹐
況且你買狗又要比錢﹐同埋而家買既狗好多一返黎都要去睇下醫生咁袈啦~~
點解唔去幫下一d比係狗鋪既﹐更需要你幫既貓狗呢?
同埋領養返黎既多數都好乖袈﹐真袈。
佢地可能初初會有d驚﹐因為有d曾經比人遺離過﹐甚至傷害過﹐
不過只要比多d愛心佢地。佢地真係好似人咁有"姓"袈﹗
<我自己養緊既第2隻北京:仔仔>
我去領養個度﹐第一眼見到佢....剩係覺得佢好慘囉。
因為佢個身係無毛袈﹐唔係因為有病...而係因為比人用火燒﹐
全身都無袈﹐仲有好幾個明顯既煙頭印添﹐幫我做領養o個一個人話佢比人打過
﹐同埋傷害過。原本要去做人道毀滅袈﹐不過佢地知我想搵隻北京﹐
所以問我試唔試下...咁我又覺得佢好慘﹐同埋我本身都係諗住養返隻袈啦。
而且因為佢比人傷害過﹐所以佢地比我拎返去試下先﹐如果真係唔得﹐
可以比我拎返去。因為驚佢未必會相信返人喎.....
咁我咪抱住佢返屋企囉﹐點知佢初時真係唔多掂﹐
不過好快就變得好乖乖﹐好聽話...仲靚仔返好多添~~~~ 嘻嘻~~~~^=^
比張佢返黎同而家既相你地睇丫~~
[img]http://www.geocities.com/sleepyyan/SON_change01.JPG[/img]
同埋我今日去左貓狗場幫手呀﹐入面真係有好多等待你地領養既貓貓狗狗﹐
全部都好友善袈<比我屋企隻初初返黎﹐簡直天同地呀﹗>
我入去幫左陣手﹐然後只係同佢地玩左好小時間﹐比左d狗零食佢地﹐
佢地已經好開心喇﹐如果你地想幫佢地﹐未必要只得領養呢個方法袈﹐
仲可以有時間去睇下佢地﹐佢地已經好開心袈喇。真袈﹗﹗
如果你地有人有興趣去狗場睇下或者幫手﹐可以一齊去丫~~ ^_^
___________________________________________________
呢度有更多義工既資料﹕
[url]http://www.doggygarden.org/index.html[/url] 被遺棄之家
此為正式注"擦"為法定團體。好多details袈﹐有埋我地今日4.17活動既野添。
[url]http://www.bagmehome.org/[/url] 眾裡尋家
一群私人狗場既義工﹐用網站來聚集所有愛及尊重動物的朋友。
以上兩個都係我自己有join既義工團體﹐佢地always有義工日﹐
或者我自己呢一兩個星期都會再去幫手﹐
有興趣同埋唔介意可以傾多d先決定丫~~ **** 作者被禁止或刪除 內容自動屏蔽 **** **** 作者被禁止或刪除 內容自動屏蔽 **** need any qualification??
頁:
[1]