[轉貼]碟仙召換法...危險性極高
需要既野唔多﹐一張碟仙圖(十蚊八蚊張)﹐一隻未用過既碟仔﹐反轉用紅筆畫個箭嘴﹐兩個人或以上就可以玩首先要一個比較清淨既環境﹐時間就無咩限制﹐但如果係夜晚12點前後玩就好feel好多﹐鐘意可以點幾支香添
將碟仙圖攤平﹐反轉隻碟仔擺係圖中間個圈度(個圈有個名架﹐但唔記得左)
之後輕輕力擺右手中指落碟底度﹐然之後請碟仙﹐
如果請到﹐隻碟會開始郁﹐係張圖度行黎行去﹐之後你就可以開始問野啦﹐但未玩完前隻碟仲郁時千祈唔好放手
基本上問咩都得﹐但唔好問碟仙係邊個﹐自己幾時死﹐等等各樣
當問完之後就要請碟仙歸位﹐當隻碟返到中間停左時就可以放手﹐之後打爛隻碟﹐燒埋張圖就算係完成整個過程﹐老老實實有時都幾準下架
但有幾樣野係要記住..
傳說話﹐如果隻碟未停(未歸位)你就放手﹐果個碟仙可能會上你身..
玩之前一定要洗乾淨隻手﹐最好唔好係做完D咩奇怪野之後先玩(心照啦)﹐如果女仔係‘果幾日’就最好唔好玩﹐因為除左可能請唔到碟仙之外仲會有好多可怕後果..
千祈唔好用D舊碟玩﹐因為咁樣係代表唔尊重﹐碟仙係鬼神﹐唔尊重鬼神有咩後果唔駛我講啦...
仲有...千祈唔好去墳場玩碟仙﹗﹗我細個時新聞有賣過﹐有班女學生半夜走去墳場玩碟仙,四五個女仔有兩個失蹤﹐一/兩個死左(事後先發現﹐都過左一排架啦)淨底有一個痴左線
就係呢個神經失常既女仔俾人發現先知有件咁既事...拿﹐話晒十幾二十年前﹐細節我唔太記得清楚﹐如有錯漏而又有人記得﹐請幫幫忙修改一下﹐我唔想俾人話吹水..
碟仙是否存在﹐見人見智...
[b][size=6][color=Blue]請不要亂玩,否則後果自負[/color][/size][/b] [color=Purple][size=6]我唔敢玩玩ar ><[/size][/color] [size=8][color=orange]我都系啊^^"[/color][/size]
頁:
[1]