酒店禁忌
1. 成日聽到0的酒店鬧鬼...點解0的酒店咁多鬼? 原因係好多人鍾意0係酒店自殺.因為死左會有人發覺, 又唔會整污漕自己地方. 佢地做酒店(特別係做reception既)
會留意住客既出入. 如果發現住客兩日都無出過門口, 打電話去房又無人聽, 就要一個
職員加一個主管級人員一齊用後備鎖匙開門入去, 睇下係咪出左事. 要兩個人一齊入去
既原因係可以互相做證人, 如果間房唔見左野都可以有人證.
2. 如果真係有人0係酒店自殺, 酒店係唔會打九九九.佢地會用特別渠道將條屍送
走.特別渠道唔一定唔合法, 總之係一0的唔會俾傳媒知道既渠道...因為好多傳媒都鐘
意偷聽九九九頻道去搶新聞. 為左防止傳媒報左出黎而影響生意, 好多酒店都會咁做.
3. 我位朋友仲教我幾套住酒店守則, 世界通用.
a. 住酒店一定唔住走廊尾既房. 酒店唔係永遠都爆棚, 當唔爆棚既時候, 酒店會
由電梯大堂開始一路將房間分配出去, 咁做既原因係將住客集中, 方便清潔同執房等
等. 所以相對黎講, 走廊尾既房間人氣會較少, 容易招惹0的污漕野.
b. 入到房唔好將d櫃桶打開晒. 好多人好鍾意一入到房就將櫃桶打開晒, 睇下有0
的乜野....咁樣其實好易「迫」0的污漕野出黎....鬼都怕人, 如果間房真係有鬼, 要
留返一0的地方俾佢匿埋...
c. 訓覺最好著返一盞燈. 好簡單, 俾返少少「陽氣」間房喎...
d. 見到間房有聖經, 唔駛驚. 但係如果見到本聖經打開左, 就要換房 間房有聖經
有可能係因為宗教信仰問題, 未必係同鬼魂有關. 但係如果本聖經係打開左, 就表示間
房唔乾淨. 因為打開既並唔係求其一篇經文, 會係一篇驅鬼既經文, 所以最好換房. 若
果真係迫不得已要住, 記住唔好懶有手尾咁合返埋本聖經!
e. 假如一入到去就發覺好唔舒服, 最好換房.
f. 假如有0的好誇張既事發生, 例如張床震, 電視?燈自己開關, 櫃桶自己打開等
等,唔好諗, 寧願轉酒店都唔好住. 因為可能你已經唔覺意得罪左「佢」....
希望以上既資料可以幫助大家住酒店住得安心, 住得安全. 有d信,有d唔信
頁:
[1]