[轉貼]隔班的呀sir[00+]
《測驗１》呀sir：我係唔會話你地知聽日測驗出d咩架~
同學：哦...~
(幾秒後)
呀sir：記得溫書，我聽日就出意大利~!!!
同學：.........（的確唔知聽日出咩）~
《測驗２》
呀sir：今次測試太差喇~!!!
同學：係咩....~
呀sir：你知唔知你地有３個問題？
同學：咩問題呀？
呀sir：第一，無速度！第二，唔夠快！第三，太～～～慢喇！
同學：..........（一義多詞，好野）~
《測試３》
呀sir：而家派卷~
同學：邊個最低分呀？
呀sir：我係唔會講你地知邊個最低分架~
同學：車.....~
呀sir：黃xx，放學黎見我。
同學：.........（咁你同講左有咩分別呀）~
《測驗４》
呀sir：好而家測驗，收埋書，邊個未得?
（有人舉手）
呀sir：好，全部打開書，溫多兩分鐘。
（兩分鐘後）
呀sir：好收埋書，仲邊個仲未得?
（又有人舉手）
呀sir：太慢啦！唔等啦，最後兩分鐘！
《測驗５》
呀sir：今次我俾４０分鐘你地測驗~
同學：呀sir....~
呀sir：仲有２５分鐘就落堂，好！而家開始測驗！
同學：.........（到底有幾多分鐘呢）~
《測驗５》
呀sir：測驗分數ga高低係唔緊要架，最緊要係唔好低分！！
同學：......（到底咩先係唔緊要）~
《測驗６》
呀sir：呢一part你地要記好佢，會考果時mc有機會出呢part！
同學：哦~
呀sir：DBQ（歷史資料題）又有機會出呢part！
同學：係..~
呀sir：長問答都好可能會出呢part！
同學：........（會考除左MC、DBQ、長問答好似都無野出喇呵）~
《測驗７》
呀sir：你地知唔知呢題考你地ｄ咩丫？
同學：咩呀？
呀sir：呢題其實係考你地識唔識！
同學：.........~
《測驗８》
呀sir：呢度你地咁樣答，係唔得架！
同學：點解呢？
呀sir：你地咁答，唔單只無分，仲會俾人扣到一分都無！
同學：.........~
[[i] Last edited by sfxc0000 on 2005-5-15 at 05:33 PM [/i]]
version 2
《ＰＥ １》足球比賽.......
呀sir：射得喇wo~
同學：快ｄ呀！
呀sir：呢球一係入，一係唔入，一係出界！
同學：.......~
（射左，唔入）
呀sir：拿！我都話架啦！
同學：.......（咁叻，去做預言家丫）~
《ＰＥ ２》
又係足球比賽.....
（開波無耐就入左）
呀sir：拿！開波無耐就入波，好打好多！
同學：哦~
（被追和後）
呀sir：唉！我都話咁快入波未必好嫁啦！大把時間比人追！
同學：........~
《ＰＥ ３》
再次足球比賽....
呀sir：咦！xxx你出場拿？
同學：係呀~
呀sir：踢好ｄ呀，話晒我都教過你踢波架！
同學：阿sir你無教過我wo....~
呀sir：ＰＥ堂唔算教過咩?
同學：......（全級都係你教架啦）~
（跟住無耐.....）
呀sir：哇！俾人換左出黎拿，乜咁水皮架！我知喇，一定無俾我教過你踢波！
同學：.......（又話ＰＥ堂都計）~
《ＰＥ ４》
呀sir：比少少時間你地分組。
同學：哦~
呀sir：好！而家開始分組，一人一組！
同學：......（同邊個一組好呢）~
《ＰＥ ５》
呀sir：我地今堂唔會打波。
同學：咁做咩呀？
呀sir：你，幫我去拎ｄ羽毛球出黎！
同學：........（羽毛球唔係波嗎）~
《ＰＥ ６》
呀sir：今堂唔圍圈跑。
同學：唔駛跑呀？
呀sir：你地圍住個籃球場跑，我再計返米數。
同學：.........~
《ＰＥ ７》
呀sir：太嘈喇！
同學：係~
呀sir：你地同我坐低！罰企５分鐘！
同學：.........（呢兩個動作點一齊做呀）~
《上堂 １》
呀sir：清政府晚清改革既目標其實一個字可以講晒。
同學：咩字？
呀sir：就係「鞏固統治」！
同學：..........（大佬，點都係４個字）~
《上堂 ２》
呀sir：話說孫中山係外國比清兵捉左......
同學：之後呢？
呀sir：佢就丟左張紙出去求救，佢師父聽到即刻去救佢喇！
同學：.........（點解掉張紙出求救，會聽到架呢）~
《上堂 ３》
呀sir：拿！我唔係要你地背左ｄ野佢，係要你地記左佢呀！
同學：........（背同記有咩分別）~
《上堂 ４》
呀sir：你放學留堂！
同學：係.....~
（放學後去找他...）
呀sir：你仲留係度做咩呀，仲唔返屋企？快D走喇！
同學：........~
《上堂 ５》
呀sir：你２個同我罰企成堂！
同學：好~
（插完咪，打開書）
呀sir：你２個企係度做咩呀？你坐低，你都坐低。
同學：..........~
《上堂 ６》
呀sir：進度太慢喇！今日我一定要講哂呢度先落堂架喇！
同學：下..........~
（打鐘，仲未講完）
呀sir：好！落堂，Goodbye Class！
同學：........～
《上堂 ７》
呀sir：好 ！你，起身答我法西斯黨有咩方法對付反對者？
同學：佢地.......~
呀sir：(一輪咀)拿！佢可以暗殺人啦、綁架啦、恐嚇啦，好！答哂喇坐底啦！
同學：.........（叫我起身做咩呀）~
《上堂 ８》
呀sir：呢度仲有無問題？
同學：無~
呀sir：好！聽日做完，今日交！
同學：........（玩野咩，大佬）~
《上堂 ９》
某日，呀sir係黑板寫緊野，有人掉左幾舊紙係佢附近。
呀sir：哼！咪以為我唔知邊個掉架！其實我睇得好清楚係邊個做！
同學：..........~
呀sir：邊個做既同我企係身！
同學：..........~
無人企起身，佢就周圍問人知唔知邊個做......
《上堂 １０》
某人上堂食野。
呀sir：企起身！
（同學企左起身）
呀sir：你自己講你岩唔岩喇？你講丫你自己講喇，仲唔答我？
同學：我......
呀sir：咪答我住！你自己坐低反省下！
同學：..........~
《上堂 １１》
同學：呀sir，我想去廁所。
呀sir：.你成日去廁所ga？叫你咩好呢？唔...就叫「廁所大魔王」啦！
同學：.........（得閒得濟呀）~
《上堂 １２》
呀sir：黃xx，第二次警告！唔好講野喇下！
同學：(無奈地)喂，第一次咋wo！
呀sir：第一次係個心度數左啦！
同學：.........（好高張的老屈）~
《上堂 １３》
呀sir：黃xx！
同學：咩事啊！？
呀sir：我都無叫你。
同學：.........~
《上堂 １４》
呀sir：如果你係猶太人，希特拉係唔需要殺你。
同學：佢殺左好多喇wo。
呀sir：佢要你人間蒸發就夠喇！
同學：.........（有咩分別）~
《上堂 １５》
呀sir：第一次世界大戰之後，德國有好多變化。
同學：唔唔。
呀sir：例如，德國既人口突然唔見左25%！
同學：..........（唔見左，咁使唔使搵失綜人口調查科）~
《上堂 １６》
某日，班上開始左掉紙大戰，呀sir就剛剛入黎上堂。
呀sir：坐低！
同學：哦~
呀sir：你地掉到我本來唔係咩大問題，（加重語氣）最大既問題係你地掉中我呀！
同學：.........（無病呀）~
《上堂 １７》
呀sir：陳xx，出黎。
同學：係~
呀sir：(超高速，因為係口頭禪)過黎，我有野同你講，你知我想講咩架啦！我講得好清楚啊下！明喇嗎？
同學：........（想講咩呀你）~
《上堂 １８》
某人上堂無帶書。
呀sir：你一定會「萬復不劫」，我而家要「落手落腳」記你紙！(記紙係我校扣操行的方法)
同學：..........（記紙都係用手寫ja，做咩要「落手落腳」呢。而且，咩係「萬復不劫」）~
第二日.....
呀sir：喂！你做乜無啦啦比人記左紙呀！？
同學：..........（失憶呀）~
《上堂 １９》
呀sir：黃xx，中秋節就到啦！你係咪想做雙黃白蓮蓉呀？
同學：..........（你講咩呀）~
呀sir：你雙黃白蓮蓉都無得你做啊！你只係ｄ無人要既五人月餅咋！
同學：..........（我發誓，我一ｄ都唔知講咩）~
《上堂 ２０》
呀sir：孫xx，答我！
同學：.意大利。
呀sir：意大利！？你有無聽書架，錯啊！再答過！
同學睇下本書.......
同學：意大利呀！
呀sir：你答岩左啦！坐低！
同學：..........~
《上堂 ２１》
呀sir：第一次世界大戰令歐洲經濟受到好大打擊。
同學：例如呢？
呀sir：係德國，５個人裏面就有６個人失業！
同學：.........（這是新數學理論嗎）~ get唔到個笑位 =.="
3
《事件１》miss：你地有無睇《驚呼狂叫》??好出名架!
同學：咩黎架.....??
經過一輪理解...
同學：miss，係咪《奪命狂呼》呀??
miss：YES!!!That is!!!
同學：......
《事件２》
miss：好似《怨咒》咁....
同學：miss，係《咒怨》呀.......~
miss：哦!! 好，講返《怨咒》。
同學：.......(都話係《咒怨》lo)~
《事件３》
miss：大家有無睇《黑出於白》呢??好感人架wo~
同學：...........miss係《青出於藍》呀..~
miss： NO~!!!!《青出於藍》係《皆大歡喜》ga~!!! I said the right one~!!!!
同學：.........(明明係自己調轉..)~
《事件４》
某日，學校走火警演習......
miss：Quick、Quick、Quick~!!!!!!
同學：哎呀~!!!!!
佢一邊Quick，一邊推人落樓梯。
miss：Quick、Quick、Quick~!!!!!!
同學：..........(真係著火ga話，跌死機會較大)~
《事件５》
miss：你地唔好調亂滑冰同溜雪呀~
同學：..........(唔知邊個調轉..)~
《事件６》
miss：好~聽日帶返本書返黎~
同學：知道~
miss：就算你聽日唔記得返學，都要帶返本書比我呀~!!!
同學：...........~
《事件７》
miss：前兩日我shopping，「勁砍一身血」呀~!!!
同學：..........(咩黎架..)~
最後大家終於明白，佢講緊ga係「大出血」....。
《代課呀sir １》
呀sir：邊個識答呢條問題??
同學：.........~
呀sir：好~「博」同學，你答。
同學：.........（人地明明姓「傅」，中國真係多文盲）~
《代課呀sir ２》
呀sir：你地miss有野要我俾你地做~
同學：哦~
呀sir：你地miss今朝下午１０點幾打過電話返黎講低ga~
同學：..........（佢講呢番話ga時候係上午9點03分.....而且何為今朝下午...）
《代課呀sir ３》
呀sir：我地今日咁咁咁咁咁.....~
同學：呀sir，犯校規架wo~
呀sir：唔好成日講規距！人係死既！規距係生既！
同學：...........（你就死呀...）~
《代課呀sir ４》
呀sir：做咩呀??你地上果兩堂就筋疲力竭啦?
同學：.........（「筋疲力盡」同「筋竭力疲」合體版!?）
之後........
同學：阿sir可唔可以寫「筋疲力竭」出黑板呀??
呀sir：筋疲力竭啊化！
佢諗左陣，真係出去寫。
但係.......佢寫左「"根""皮"力竭」4個字....
同學：..........（唔得怪之教統局要d老師考試啦）~
《代課呀sir ５》
呀sir：陳同學，唔好做功課喇。
同學：哦~
呀sir：你地做野唔可以一心兩意架！
同學：.......（「三心兩意」得「一心二用」呀）~
《代課呀sir ６》
呀sir：好，開始上堂。
同學：好。
呀sir：今堂得一堂，我地應該好好珍惜。
同學：..........(今堂梗係得一堂啦)~
《代課呀sir ７》
呀sir：黃同學，係咪宣道D女仔唔靚呀!?仲乜成日望過祟真睇女仔??
同學：........（果個位點望都淨係望到條柱）~
《代課呀sir ８》
某日某同學有dd感冒，戴左個口罩返學。
呀sir：你仲乜帶口罩呀!?咪懶型，快D除左佢!!
同學：.............（你係咪想同政府作對......想謀反??） 《ＰＥ １》
社際足球..
同學：又唔入...上半場都完喇wo...。
呀sir：唉，除非有一隊入左波先啦！唔係都好難開到紀錄架喇！
同學：.....（你在說話嗎）~
《ＰＥ ２》
男同學：（不停地嘈吵中）~
呀sir：太嘈喇！你地全部人陣間落堂要幫我執晒操場所有野先準走！
男同學：哦..~
呀sir：（裝兇作勢地）執少一樣都要罰跑圈！！！
男同學：....（所謂所有野係三百斤重ga.......雪糕桶4個）
《ＰＥ ３》
呀sir：而家自由活動~
同學：好野~
其中一個吳同學坐左係一邊...
呀sir：做咩坐係度"un"腳呀??
吳同學：自由活動丫ma~
呀sir：唔得呀，你唔可以係度"un"腳呀~
吳同學：點解呀??
呀sir：因為你"un"腳會整痛我隻腳呀！
吳同學：........（咩道理！？我同你隻腳相距半米有多wo！？）~
《ＰＥ ４》
社際羽毛球...
同學：佢應該輸梗啦~
呀sir：梗係啦，俾人扣左咁多分！
球證都俾左黃牌佢啦，好快就紅牌架喇！
同學：......（你知唔知而家打緊咩波）~
《上堂 １》
呀sir：越南因為內戰分開南北兩方~
同學：點分呀??
呀sir：點分..拿！後面3行移向後，前面３行移向前！
同學：（移好台之後）咁又點呀??
呀sir：南北越ga情況就係咁架喇！
同學：....（你無野呀）~
《上堂 ２》
呀sir：你地太嘈喇！我叫邊個個名邊個就記紙！（同扣操行分差唔多）
同學：哦。
講左一陣...
呀sir：陳xx，納粹黨殺得最多ga係咩人??
陳同學：呀sir！你做咩要記我紙呀！？！？
呀sir：.......~
《上堂 ３》
呀sir：拿，過往ga會考卷係唔會出地圖架~
同學：哦。
講左一陣....
呀sir：你地要記熟歐洲地圖，會考一定會出！
同學：.....（到底出唔出）~
《上堂 ４》
呀sir：今日我地做俄國革命ga DBQ~
同學：係上冊度架wo，無人有帶wo..。
呀sir：上冊ga野就梗係係上冊架啦，點會係下冊呢！
而家打閞你地本書，即刻抄題目，即刻交出黎，即刻做哂佢！
同學：.....（下冊會有上冊ga題目嗎..??而且..點樣交完再做呀??）~
《上堂 ５》
呀sir：（突然指住訓緊覺ga孫同學，全班望住佢）你唔好傾計喇！
孫同學：咩事呀...我無傾計呀！
呀sir：我指住你ja ma，講緊你咩！
孫同學：.....（咁唔係lo..）~
《上堂 ６》
同學：（各有各出位中）
呀sir：快d返埋位~
同學：（當聽唔到）
呀sir：許xx，你再唔返埋位就會一面星星架喇！
同學：.....（咩事呀你）~
《上堂 ７》
某同學上堂睇漫畫俾佢發現左..
呀sir：你睇咩呀??咩黎架??
同學：呢本係一本漫畫。
呀sir：棋瑰呀！？我知wo，呢排好hit架wo！
同學：幾啦，呀sir你都幾hit wo。
呀sir：幾hit架！我一集都無睇過呀！
同學：.....（果然走左時代尖端）~
《上堂 ８》
.呀sir：蘇聯全名係「蘇維埃社會主義共和國聯邦」。
同學：好長wo...蘇聯咪得lo~
呀sir：如果叫蘇聯其實唔係好岩，你會唔會叫歐陽做阿歐，司徒做阿司丫？？
唔會丫ma！所以我地都應該要叫蘇聯做「蘇維埃社會主義共和國聯邦」~
同學：.....（每堂講幾10次「蘇聯」呢個名.......如果改做「蘇維埃社會主義共和國聯邦」...你估有幾多時間講書丫拿）
《上堂 ９》
呀sir：中國同日本ga關係已經到左非開戰不可架喇！
同學：哦。
呀sir：咁就不如簽和約啦！
同學：......（無啦啦簽咩和約呀）~
《上堂 １０》
某次對測驗卷，劉同學發現改錯，出去要求加分。
呀sir：係wo 你係岩架wo！但你concept錯左，都係無得加分。
同學：...（岩又無得加分...而且果題係填充，你又知我concept錯！？唔怪得你係呀sir啦)
《上堂 １１》
呀sir：.希特拉佢在位其間不斷起鐵！（拍台ｘ１）起路！（拍台ｘ１）同埋起鐵路！（拍台ｘ２）
同學：....（你short左呀）~ 哈哈哈！几好！继续努力！ +10 有d 咁似 peter wong d 金句既 好覺得好好... 好似番返校園時代;)
頁:
[1]