[轉貼]改板詩
我校女生我校女生一回頭，嚇死河邊果隻牛
我校女生二回頭，全校男生一齊嘔
我校女生三回頭，全球色魔齊跳樓
我校女生四回頭，黃河從此不再流
我校女生五回頭，大慶油田不出油
我校女生六回頭，浮游生物不浮游
我校女生七回頭，碧咸要去打排球
我校女生八回頭，和尚洗頭用飄柔
我校女生九回頭，豬排侵占我地頭
我校女生十回頭，人人逃離這地球
返學
返學九個月 怨聲已不絕
晨早六點九 趕住著衫走
路口等小巴(行到落街口) 車費又再加(車費貴到嘔)
爬到校門口 仲有幾層樓
望下班房內 竟然冇人在
聽到人示愛 遲到又要再
今日第一堂 學生已發狂
漏帶一本書 九族都要誅
空堂唱下歌 傾計都唔多
科學孖連擊 聽完都唔識
跟住中文堂 擦鞋仔最忙
最後英文科 變曬做睡魔
打鐘各自飛 就咁又一Day
返學為左乜 日日被糟質
返學等放學 放學飲可樂
功課都係抄 一係就唔交
我校男生
我校男生一回頭，萬千頭皮落膊頭
我校男生二回頭，鼻上生滿了黑頭
我校男生三回頭，慘過俾人落降頭
我校男生四回頭，四肢粗壯似隻牛
我校男生五回頭，智商只有二十九
我校男生六回頭，叫左阿媽做老豆
我校男生七回頭，打三條九去求救
我校男生八回頭，再望真係即刻嘔
我校男生九回頭，打到佢地變豬頭
我校男生十回頭，變完豬頭變禿頭
無題詩
你是風兒我是沙
你是哈密我是瓜
你是牙膏我是刷
你不愛我我自殺
我有一首無名詩
走遍天下無人知
只有笨蛋和我知
笨蛋正在看此詩
天空飄著小雨絲
似在嘲笑我的癡
為何妳那麼自私
狠心讓我空相思
攪盡腦汁寫的詩
滿腹心酸有誰知
只見豬頭和白痴
盯著螢幕讀此詩
木蘭辭笑版
積積復積積 唔識就唔識
測驗夠刺激 居然無題識
上堂聽唔識 搗亂多款式
自修一樣識 理佢都生積
《木蘭辭》2
失職復失職， 官員照升職，
不聞擁載聲， 唯聞挑那星。
問董何所思， 問董何所識，
董亦無所思， 手下無所識。
昨夜見新聞， SARS來相迫，
疫廈十八區， 幢幢有留名。
裝備不足夠， 心亂難休息，
醫護頻倒下， 市民齊嘆息。
政策確撲朔， 人事又迷離，
亂石藥投林， 安能話我唔係痴！
生活的知味
看更原來識雞腸, 掃地都要寫文章; 學士碩士唔馨香, 因為博士都在場;
人工一定唔理想, 七仟左右已中上; 十二個月無雙糧, 兩年合約要裝香;
半年之內有工返, 已經算係好收場; 開工應該喜洋洋, 點知世態更炎涼;
管理之名樣樣理, 萬人之下一人上; 資源增值好榜樣, 以為發揮你所長;
光管燒左等你換, 影印食紙你當殃; 電話唔通都關事, 水廁唔通你清場;
電腦壞左要識整, 發現病毒要早響; 食飯最多半個鐘, 大小二便唔暢通;
中港兩地四圍走, 遲早去阿塞拜疆; 仲要出街收爛賬, 朝早做到午夜場;
公司人事要攪好, 唔係就李代桃僵; 對付下屬要讚賞, 對住上司要讚揚;
對待同事要禮讓, 對住老板扮羔羊; 老細個仔問功課, 資料搜集你擅長;
芝麻小事難迅 d, 唔識都要頂硬上; 上司老板夠無良, 病都要做鬼體諒;
同事犯錯有你份, 仲要鬧你正粉腸; 開會猶如打靶場, 比人插到啪啪響;
翻開肚皮睇全相, 鬧完仲要拍手掌; 工餘進修係妄想, 回家食飯無相量;
想話請假來休養, 老細面似屎一樣; 晚晚加班做七日, 唔通個個嫌命長;
日日返工似喪屍, 十足幾年無沖涼; 大假以為好安樂, 手提電話日日響;
運動要響公司做, 逐箱"file"搬埋牆;
老細生日當娛樂, 週年聚餐齊歡唱; 笑臉迎人裝模樣, 當正自己做歡場;
以上所講無誇張, 全是打工眾生相; 奉勸各位打工仔, 積極求存為至上;
年尾流流高危日, 偷懶都係咪咁揚; 香港打工係咁樣, 大聲疾呼"吹Q漲" HAHA....THX +10
頁:
[1]