之前有個女仔溝我
矮矮地,小肥..
我冇接受佢
最近諗真d
佢都幾好
女仔了解自己
唔太羞樣
同埋"真"就好好
如果鍾意靚女...男仔都會冇安全感 咁係我中果陣就鍾意左1個人啦,頭幾個月我都唔覺得佢靚
(唔係極樣衰咁啦),但耐左唔知點解鍾意左佢,係鍾意佢果陣
就覺得佢好靚.......但耐左知道自己冇可能同佢一齊
耐左就算得佢變返一開始咁,唔靚
人就係咁,鍾意一樣果陣會覺得佢好似天使咁
但一唔鍾意果陣就覺得同平常冇咩分別
愛情就好似一杯酒
鍾意會既覺得好正，好享受
唔鍾意既會覺得好苦，好難飲 Actually,i like the girl that it isn't too beauty.i think some beauty girls are too conceited.they will think their beauty face is the no.1 they don't care about their inner personality.some beauty girls are greedy.
but for me,i like the girl who is nice and helpful.she isn't like to play with boys.she is cute. her face is look like a bread. [quote]Originally posted by [i]trista_cheong[/i] at 2005-6-12 10:42 AM:
你o地究竟有冇遇過呢? 如果有遇過﹐... [/quote]
其實你係咪想問究竟o係男人心目中女仔o既外在美同內在美邊樣重要？
道先要搞清楚，靚係冇標準o既。或者咁講，我O地可以將女仔O既外貌分３個等級。第一種就係絕大部份人見到都會用靚字o黎形容佢o既，例子有李嘉欣，不論男好女好，我冇聽見過任何一個人話佢唔靚。第二種就相反，就係係人見到佢，又係不論男好女好，都會用扒o黎形容佢，例子有......不用舉o勒，梗有一個o係你左近。而第三種呢，就係絶大多數女仔屬於o個種，即係你有時覺得靚，但當你同D朋友提及，佢o地又覺得好一般，而佢o地所謂o既靚女，你又覺得不外如是。同埋有時男仔覺得靚o既女仔，係女仔堆中可能覺得佢唔靚。例子有，我前女友同佢ＤFren都覺得朱茵唔靚，但係o係我識o既男仔裡裏，鍾唔鍾意朱茵o既都會認為佢係靚。而我就稱呢個級別o既女仔為各花入各眼級。
好o勒，入正題：究竟o係男人心目中女仔o既外在美同內在美邊樣重要？答案梗係要睇究竟個男仔係邊類型，基本配對如下：
Playboy型：即曾經擁有型，唔駛諗－－＞外在美COUNT，內在美唔COUNT
姑爺仔型：即但求有著數，豬扒都讚好－－＞內外在美都唔COUNT，＄最COUNT
孝順仔型：做得孝順仔，當然搵個阿媽都話好嫁啦－－＞外在美少COUNT，內在美COUNT
住家男人型：住家男人無非想搵個好老婆，好老婆O黎講，樣子係其次－－＞外在美可以唔COUNT，內在美COUNT
普通男人型：基本上要求唔高，如果有個女仔係靚樣但冇品，或者有品但唔靚，佢地都心動－－＞外在美或內在美COUNT
事業型：事業型男人其實兩樣都COUNT，但現實生活裡佢o地好難搵到一個女人兩樣都有，而佢o地基本上又大把選擇，所以通常有個靚老婆o既會o係公司同個得力女助手搞埋，有個能幹老婆o既呢就會o係外面有個靚靚情婦，結論係－－＞外在美COUNT，內在美都COUNT
個人經驗o黎講，So far, sorry, 重未有一個我覺得唔靚但吸引到我既女仔出現（係，我重係好膚淺）。但就試過遇見一個好靚但令我好失望o既女仔。呢個女仔有著小說裡女主角o既元素：聰明（讀ｕ時三年DEAN LIST)，美貌（以前公司同事無一個唔話佢靚，連女同事都讚），溫柔（講o野永遠唔會大聲，又鍾意煮o野食），唔貪錢（同佢出街我掙住比，佢永遠都要比番自己o個份，送貴o既禮物畀佢佢一定唔收），如此完美女子，當我遇到佢時，真係覺得唔追佢會後悔一世。但係識咗佢三年先至真正認識到佢為人，無錯以上所講o既都係佢真正o既性格（絕非扮o野做出o黎呃人)，但係佢仲有一種性格令我最終放棄繼續追佢。佢太鍾意o係男人堆裡打滾，佢係o個種想身邊每個男人都對佢好，幫佢同維護佢o既女仔，好多時佢知其他男仔鍾意佢，佢就有意無意咁同o個個男仔好close，好多時是同時間有兩三個，而且每到一個新o既環境，佢又會繼續擴展佢o既男性圈子(所以o係舊公司D女同事都唔鍾意佢)。加上佢o係男女關係上永遠講o野不盡不實，所以最終忍痛close file。當時要quit亦非想像中容易，我用了一個我知道o係我身上係好worko既方法o黎忘記佢，但係後遺症係而家我已經冇可能真真正正鍾意一個人。anyway, 事情都過咗去，我而家亦活得好快樂。我只係想講，其實一個女仔o既內在美係可以影嚮一個男人對佢外在美o既觀感。今日再見番呢個女仔，唔知點解我已經唔覺得佢靚，但其實佢個樣基本上無變，只係著衫ＯＬ咗，可能有諸內形諸外吧，又或者，佢o係我心目中完美的形象已隨著對佢更加了解而幻滅。no matter what the past and future bring, as time goes by!
[[i] Last edited by attaboy on 2005-7-17 at 05:35 AM [/i]] 有.......
識左個係大學籃球隊既女仔...
個樣........唔算得上沉魚落雁lor
有次見到佢同班男仔打波既英姿.....咁就心動左
不過無用...人地有左男朋友
所以同佢講左我對佢有意思之後就無下文lu
而家同佢都ok friend er...我覺得...時下ge青年人都會對一些花巧ge女生動心...
何謂花巧??hmm...打扮獨特呀...化行妝...襯晒色咁...
或者我自己比較保守...我較喜愛平凡...
何謂平凡??冇咁花巧呱..我自己都唔識講了...
令我動心過ge...唔係d咩靚女,校花...
她不太突出...但有著獨特的內在美....
hmm...我並沒有追求她...卻一次一次的看來她被人追求...
她..現在是我的好朋友...我已經滿足了~ 樣貌當然係直接吸引人既第一層，就好似所有貨品有靚包裝既話，唔買你都可能會拎起睇下。
不過，呢個世界，會有好多女仔，係你相處落，會覺得好舒服，就算佢個樣唔係好靚，但慢慢你會覺得佢愈黎愈靚。靚，從來都係主觀感受，當個女仔同自己相處得愈舒服，佢個樣會愈黎愈順眼。而樣貌，亦慢慢變得唔太重要。
我識得有好多女仔，好聰明，善解人意，你感覺到佢細心﹑好識關心人；慢慢你會留意到佢，慢慢你會發覺佢原來好吸引。就算未必真係好愛，但都一定會有好感。
當然，佢地唔係靚女咁，立刻俾人spot到；要花好多時間，等人慢慢發掘佢地另一種美。不過，好多時，靚亦唔係一切。我識得有個女仔，好靚﹑好好身材，但係佢發脾氣會掟電視，咁又有幾多男仔會忍到﹖
其實，我終究覺得，外在既靚，唔係最重要。(當然男人都中意威，拖住個靚既係會自信d，不過始終係自己女朋友，唔係展覽品，最緊要都係人品好，大家相處得開心) 如果佢打動到你，她一定靚女(情人眼裏出西施)，不過其他人未必覺她靚，一個溫柔的笑容，會令她在你心中加分，不靚也變靚 我承認在讀書時...
幾乎所有男仔朋友一樣都對喜歡幾靚D女仔有好感........
且沒有抵抗力.............
但隨著年齡越大.....發覺不一定只有靚D女仔才是唯一的選擇...........
多數朋友交往的女友.........
不一定都是靚仔的美女.........
也許是內心的評價隨著年齡的增長隨之有了變動........
相貌跟自身的內在..都變成了朋友間的選擇要素.......
也就是說一樣重要...........
能交到與自己心意相通的女友..........
應該是比交到一個外表極靚卻無共識的女友好多了........:D **** 作者被禁止或刪除 內容自動屏蔽 **** 我接近3年前入職嗰份工﹐做咗幾個月o既時候﹐有個女仔入咗黎做﹐雖然佢唔算好靚(只係ok)﹐不過我一見到佢﹐已經鍾意咗佢﹐可惜timing唔啱......唉.......... 我自己就係中學時期遇過1個啦
樣唔靚,仲有D似C9,講真10幾歲就似C9都幾慘架,不過佢有身材,上圍有返咁上下架,我地唔好講外表,講內在美啦,我非常鐘意佢既內在美,佢非常熱心幫助人,而且可以話係無皮氣,非常順得人,佢仲係女班長黎添架,情人節既時間,會好有心機咁親手整朱古力送比所有既男同學,講真啦,only講內在美既話,佢可以話完美,真係可惜樣子唔得,我對佢係欣賞,完全無Feel。
感想：我自己覺得個女仔外表同內在有幾多都無用，都係講個feeling，無感覺就真係無感覺，好似我現在咁，有個女仔鐘意我(明示晒)，不過我始終無接受到，個女仔樣子普通，青靚白淨，身材都可以接受，唔係肥果種，但係真係完全無感覺，我都唔知點解。反而D唔靚女又無咩身材既，我又有D心動喎，愛情真係攪野。 我記得幾年前......
我有個女朋友,佢一d都唔靚,(甚至我其中一個豬朋狗友問過我點解你會同佢一齊ga??佢真係一d都唔靚wor)....或者係當時仲係"死o靚仔"年代,抱住一個"人有我有"既心態,所以同左呢個女仔一齊.
呢個女仔對我其實一d都唔差,我dad & mam都好鐘意佢,因為佢真係一個好純好乖既女仔黎ga!!
不過大概拍左1年拖左右....我出左黎做野,接觸多左人和事...越黎越發覺佢唔適合自己(其實最主要係佢唔靚!!)我就對佢越來越冷淡....不過佢無發我脾氣之餘,仲比之前更加遷就我!!
但係時間越長...我對佢就越差....
之後有一個星期日我休息係屋企訓緊覺既時候...佢無端端話買左條紅色底褲俾我,依家上緊黎送俾我...果時我覺得佢勁煩,因為我之前同佢講過我唔想出街,想留係屋企休息下(其實係想避佢)...講下講下我仲發佢脾氣tim....不過佢始終都無嬲,仲好似好興奮咁(係電話到聽得出佢既語氣)!!
當佢上到黎我屋企既時候...佢一手拋左包野俾我,佢話係條紅色底褲,我理都無理就放左埋一邊,心諗:"快d出完街快d送佢返屋企...唔好煩住晒!!"
首先等我形容下包野...係用個黑色膠袋包住所以完全唔知裡面係d咩.....
不過佢死都要我打開包野,試下條底褲,之後我又諗:"低能ga咩....紅色底褲!!"
之不過佢死都要我試咁我就打開個袋la......點不知原來係一件利物浦既波衫(本人係利物浦忠實fans)!!我當堂成個人呆晒!!
因為果時佢仲讀緊書,而且佢屋企都幾窮,一個月先得$500做零用...但係件衫要成400幾蚊,者係話個傻女為左買件衫俾我...都唔知食左幾多餐麵包;捱左幾多餐肚餓!!!
我之後好內疚咁話左佢一餐...話佢做乜咁傻!!個傻女仲答我之前大家少見面(佢要準備a-level,我要返工)希望送份禮物俾我...等我掛著佢!!
我聽完之後真係好感動好內疚.....之後我就覺得佢真係好鍚我對我好好.....雖然我地最終都係分左手....不過呢件事真係令我呢一世都難忘!!!(我諗直至現在我咁多過女朋友之中.....佢都係最好最好既一個,雖然佢既外表唔靚....) 第一個令我動心的樣子真的一般，但未拍過拖
頁:
1
[2]