[原創][真人真事，親自經歷]三天失去了一個朋友......
三天失去了一個朋友第一日，口多多不經意間透露了出來，但其實不可以話係不經意間的，說了就是說了，我不能抵賴的。
自從放棄了一段感情，我就失去了人生目標。有人曾經對我說，愛情就如經濟學的什麼代替品一樣，當你對某一樣野失去興趣，那就會有一個新的代替品出現，所以我每日都去找一個人可以作為我的代替品，最後我找到的。
她樣貌標緻，又不算粗魯，最重要的是她討厭粗話，而唯一的缺點就是她有少少內向，不喜歡說話，但我能夠接受的，畢竟女孩子要保持一點點內涵，不要潑婦罵街，侮辱女性的內在美。
我第一日如常的在ICQ send笑話逗她開心，雖然她給我的都係一般朋友的回覆，但看到她的回覆已令我開心不已，縱然她對我是沒有感情的。可是我偏不信我會有這一句歌詞的命運「沒什麼我愛上的不愛我」，我終於都找到一個很好的機會去向她表白，我希望奇蹟發生，我希望她對我有意思，我最希望她不會討厭我。但，奇蹟失望地沒有發生……
這一次表白換來的代價並不是她的好感，相反她開始有點討厭我。第二日，我在ICQ看到她係有online的，但係她用了invisible的模式。當然，她要避開我是她的決定，我是不能干預的。其後我用invisible模式三十分鐘，突然我看到她online了，我當然把握第一時間撲向她，她突然問了我一個問題：「你不會生我氣吧？」
我當然係答不會的，似乎她除了討厭我外，還有一點看低我的人格。我知我口臭，無禮貌，格衰，小氣，自負，總之男性的缺點我都有齊，我畢竟不值得人尊重，而我在她心中像是一個會因得不到玩具而生氣既細路。
當日我們知道翌日我們都要回校oral practice。晚上，我展轉難眠，我不斷練習hi同hello一千次，我都只係想要打一個招呼。第三天兩點正，我終於見到她的出現，正想say hi之際，她一支箭標去另一組，結果這個招呼還是打不成。在短短的一句鐘，我偷看她不下數十次，我看到她沉默的一面，我看到她的笑容，我也看得到我將要失去了一位朋友。三點正，我離開了課室。我倆頭也不回，最終一句話都沒有說。
如果我面皮夠厚的，我真會去同佢說句hello，可是我沒有。除了沒有打招呼外，我還沒有了一個朋友和一段感情。可憐的，好感並不等於喜歡或愛情，但當你對一位你有好感的女孩說了你的心事及情意，而該女孩對你是沒有意思的話，是一件十分可憐的事倩，希望那一位女孩不會受我的影響以後可以安穩快樂地生活下去。
這一段遭遇我不只經歷一次，畢竟愛情是不能勉強，或者這就是我的命運吧！
[[i] Last edited by invisible on 2005-6-21 at 05:11 PM [/i]] 男人生存唔一定有愛情o...
失去愛情...唔一定要搵番愛情做代替品....仲有親情...友情.....
如果你有$$...你驚冇女...d女撲都撲唔切黎呀......
唔緊要....
呢個世界仲有千千萬萬既女仔等住我地.......HAHA 唔...唔駛咁灰住wor
拿~一個人生活唔一定要有愛情先至有人生目標o既
你練oral...即係你考緊會考 都仲細可能唔識諗啦..
如果冇拖拍咪做下其他野囉..
學下野 打下波呀 做summer job 咁
可能搵倒自己o既興趣/目標呢 未必一定要有女o既
人冇話冇左愛情就死架嘛!
[color=Red]她突然問了我一個問題：「你不會生我氣吧？」[/color]
咁即係話佢仲care 你感受啦..
如果討厭你咁佢理得你係咪生氣丫...
佢可能驚自己拒絕你會hurt倒你先咁問o者
點會睇低你人格...
你諗得太複雜了
[color=Red]她一支箭標去另一組，結果這個招呼還是打不成[/color]
大佬...你自己都知表白完衰左會係幾咁embarassed 啦...講句hello 都難丫嘛..
咁人地係女仔..又內向
refuse 左你咁自然唔知點面對你好啦..
唔通當冇事發生咁過黎同你face to face講野咩
佢應該都係唔知點好/怕羞 先避開你
你又冇做過d乜衰野...佢唔會因為你表白而同你絕交既
表白唔係罪黎架喎!
如果你真係睇得開既(of cos 可能要d時間)
咁你就平常心面對佢
or 直接send 個msg 同佢講番hope 同佢做番fd
再等下等件事淡左先同佢fd 番
咁就一定唔會失去一個朋友架啦..
你話試過幾次呢d experience
其實可能係你自己心入面有條刺
以為人地討厭左你
唔敢放開自己面對人
成日凝住凝住..至會連fd都做唔成!
relax~~!
凡事睇開d
自然d
咁就大把fd
表白衰左都實有fd 做!
加油啦! ININ~
加油啊
未必會失去一個朋友既 24/6補分
頁:
[1]