'發電郵抗議香港協辦奧運馬術比賽'行動
見︰大家對香港協辦奧運馬術點睇其實小弟上過香港奧委會的網站，我地可以透過電郵向班友抗議。不過班友可能當耳邊風。各位兄弟認為發電郵比邊間機構會收效大的。如果有好提議我地不如在此發起一個'發電郵抗議行動'起碼等多的人知道有好多人反對協辦。 因咩要反對呢?
理據係咩先?
想知道..... 反對過多旅客擠爆香港? 我就支持啦！希望到時香港充滿奧運氣氛。 我唔會反對亦唔會贊成,但我覺得咁樣協辦好無聊:o 我就極力反對! 申辦奧運係以"城市"為單位, 唔係"國家". 所以呢次奧運係叫"北京奧運"而唔係"中國奧運"!
知唔知北京為左申辦奧運投入左幾多人力物力? 準備左幾多年先? 香港有咩權開句聲就可以坐享其成先? 難度香港真係大晒? 咁如果大陸其他城市個個都開句聲, 係咪可以將個奧運會拆散晒呢?
**我係100%香港人! [quote]Originally posted by [i]runrun[/i] at 2005-7-4 01:16 PM:
我就極力反對! 申辦奧運係以"城... [/quote]
最主要係中國果度想香港人覺得中國比錢香港搵,增加返對中共既信心,但係咁樣做好似冇咩用..........
再加上香港唔係直接有地方適合搞馬術,要冇啦啦改建d野去就馬術比賽.......~~" 最衰就要改建體院,仲要花幾億去搞d冇乜人睇嘅馬術,將d精英運動員置之不理,人地辛辛苦苦練習咁耐,臨比賽先叫人搬走,香港本身已經設施不足,你叫人地去邊到練習,如果唔改建體院都話諗下,要改建體院就一定反對! [quote]Originally posted by [i]ciger[/i] at 2005-7-4 01:36 PM:
最衰就要改建體院,仲要花幾億去搞d冇... [/quote]
咪係~為左其他大項都話ok呀,但係馬術有幾多人睇呀= ="你估賽馬咩 [quote]Originally posted by [i]---fans[/i] at 2005-7-4 02:07 AM:
因咩要反對呢?
理據係咩先?
想知道..... [/quote]
我已經講得好清楚，請見‘大家對香港協辦奧運馬術點睇’，不過我亦唔怕重複︰
1. 項目又冷門，花費又大,仲要改建體院，將香港13個精英項目遷出體院置之不理；
2. 馬術本身唔係熱門項目，係香港舉行絕不會像Shaqkobe兄所講，會令香港充滿奧運氣氛；
3. 辦的咁冷門的項目一定蝕到扒街，咁咪又係浪費納稅人的錢(除非霍震霆自己比錢)；
4. 最不知所謂就係人地馬術聯會已經表哂態話唔好，因為好擔心的馬頂唔順香港的悶熱天氣，但係霍震霆仲要死 lur ，真羞家；
5. 仲有，如果個個城市都好似香港咁，不如取消奧運的輪辦制度。唔通巴黎主辦，里昂、馬賽、尼斯、個個都話恊辦一個項目，咁洗乜分城市，不如話法國主辦；
係呢次事件我地可以清楚睇到霍震霆呢條友跟本毫無法治清神，一的都唔守法，成日想走小路，咁落去我地點教細路要守規矩，我個仔都識話︰霍震霆同香港奧委會都唔守規矩啦。
仲有我真係好想知除咗Shaqkobe兄你仲會有幾多香港人、內地人或甚至外國人有興趣來香港睇馬術比賽？如果協辦女排賽事可能仲多人睇。如果真係想為祖國辦奧運出一分力，大可以派香港馬會的獸醫上北京，根本冇必要咁勞民傷財。 [quote]Originally posted by [i]lijinwei[/i] at 2005-7-4 04:43 AM:
反對過多旅客擠爆香港? [/quote]
放心，一定唔會有好多人為咗睇馬術來港。 [quote]Originally posted by [i]279x[/i] at 2005-7-5 02:20:
我已經講得好清楚，請見‘大家對香... [/quote]
I am the first one to fall asleep...
Poor Australia...
they were boardcasting a lot for this in Olympics 1996 and 2000
that's why I didn't watch many Olympics games in Australia
頁:
[1]