老實講吖,球隊運作都要錢啦,你睇阿仙奴剩係蘇甘保都9萬幾鎊週薪啦,咪又係錢!車仔因為老闆太有錢,先可以係兩年內換過哂d班底,換轉其他球隊可能要4-5年,不過摩連奴又真係有料到(雖然我都好憎佢),車仔隊中根本冇超球星,你睇你地d投票乜乜最佳中場,最佳前鋒,最佳後衛幾時見到車仔球員,最多咪得個林柏特(但肯定唔會當選),相對皇馬(7條煙),巴塞(細哨,伊杜奧),AC(舒夫,卡卡,卡富,馬甸尼)阿仙奴(亨利,韋拉),曼聯(雲佬,傑斯,堅尼)呢D球星,其實車仔D球員都唔係非常出眾,不過位置夠平均,兼且後備力量足,唔係拿住舊錢買哂D乜乜足球先生就得!
[quote]Originally posted by [i]ciger[/i] at 2005-7-6 01:17 AM:
其實車仔D球員都[color=Red]唔係非常出眾[/color],不過位置夠平均,兼且後備力量足,唔係拿住舊錢買哂D乜乜足球先生就得!... [/quote]
卡華路,泰利,林柏特,馬基利尼,洛賓
成個世界搵吾到5個人打番佢地同一個位好得過佢地,
咁都吾算非常出眾?
都未同你計杜夫,杜奧巴都斯治....
你講愛華頓還可以.....
泰利,卡華路--馬甸尼,尼斯達,蘇甘保,佩奧爾,簡拿華路
林柏特--施丹,細哨,列基美,卡卡,尼維特
馬基利尼--艾馬臣,韋拉,堅尼,馬昆斯,謝拉特
洛賓,就真係冇乜
以上唔敢講好過,不過唔會差過
我的意思係車仔冇乜好像馬勒當拿,大細哨,施丹,費高,FIT嘅李華度等球員,總之有佢就贏面高D,話之你其他球員同佢唔夾,佢咪自己去哂都搞掂,車仔係打整體戰,摩連奴能夠搵到一種戰術適合佢其下D球員打,已經唔係人人做得到,而且佢地買人係針對球隊需要,唔係亂買
而且泰利,卡華路,林柏特,洛賓世界上冇5個人打得好過佢地,係幾時嘅事,係佢地踢車仔之後,買返來果陣邊個知佢地會打得好架
[[i] Last edited by ciger on 2005-7-6 at 02:56 AM [/i]]
乜野先係靠錢成功呢,90年初嘅AC就真係靠錢喇,唔知你當時睇波未啦,90年初嘅AC歐冠輸左比馬賽,因為迪西里打得好,下年就高價買入,連新秀蘭天尼都以破世界記錄價錢買入,好似3千多萬美金,佢地當時仲買左好多球星,根本出唔哂,傳媒問佢地原因佢地會長答:自己出唔唒,都唔比其他球會買回來對佢地,自己唔用都唔比人用,呢d就真係純粹靠錢成功喇!
一字記之曰:錢
如果唔係有雲尼阿里有眼光買杜夫，洛賓，摩佬今年邊有玩得咁過隱？
其實車路士成功唔等於只是摩連奴成功,係由阿巴莫域至每一位球員,領隊嘅成功,雲尼阿里有眼光買杜夫,洛賓,摩連奴就好快將佢地融入球隊,相反曼聯費SIR就係季初花了好多時間先搞掂個陣,而C朗拿度由上季加盟亦要季尾先融入到球隊
而同阿仙奴比,車仔今年比較穩定,好少輸D無厘頭波,雖然冇阿仙奴咁好睇,但就較為實際(車仔目標係攞奬,唔係表演)
車仔今年另一成功之處,就係長期KEEP到狀態,你睇林柏特,泰利打咁多場比賽仍然保持到水準,相對皇馬你就真係冇眼睇,竟然可以容忍D球員長期冇態
以上種種都唔係錢可以買到嘅
有邊隊波唔係用錢ｇａ，國米皇馬果ｄ咪又係，但佢地成功咩，點解ｏｎｌｙ鬧車仔呢？
[quote]Originally posted by [i]重樓[/i] at 2005-7-6 04:19 PM:
有邊隊波唔係用錢ｇａ，國米皇馬果ｄ咪又係，但佢地成功咩，點解ｏｎｌｙ鬧車仔呢？ [/quote]
我諗就係摩佬太寸喇,又成日傳d衰野出黎,再加上摩佬一黎就雙料冠軍一定有人覺得唔抵兼有少少妒忌呀~;)
本人係曼聯fans.
但車路士今年打得好就無可否認~
但唔鍾意車仔一樣野...就係下下買人都托到個價高一高..
見到佢買人...就好似用一大舊錢掟人...令到個市場價位上升..
提外話~~如果阿布用下錢搞下個青訓...訓練一批新仔來打天下的話..咁就prefect..
以上 各位兄長 的意見皆有道理，小弟覺得車仔於上屆聯賽之所以可以獨佔鰲頭，是各種因素配合之所致！
試想想：
1. 若果將 南華 的人腳和前一屆 車仔 的交換，之後阿巴莫域治在上一屆照樣「灌水」，摩連奴照樣執教，洛賓、卡華路等人照樣加盟，哪車仔有可能得冠軍嗎？
一定不可以！因為若果沒有雲里阿里用了兩季時間去整理球隊，購入林柏特、杜夫等人材，摩連奴在用兵上一定沒有那麼得心應手！
2. 若果沿用雲里阿里所建立的班底，阿巴莫域治照樣「灌水」，洛賓、卡華路等人照樣加盟，但沒有摩連奴來執教，哪車仔有可能得冠軍嗎？
未必可以！當然可能性一定比第一個假設來得高，但若果沒有摩連奴為球隊帶來的轉變：改踢【4-3-3】陣式、臨場的戰術等等，車仔不能勝出得那麼輕易！(試想想如果上一屆車仔由鄭兆聰來做教頭，或許已經變成“不可以”了)
3. 若果阿巴莫域治在上一屆照樣「灌水」，摩連奴照樣執教，洛賓、卡華路等人照樣加盟，但阿仙奴和曼聯可以揮到他們贏冠軍時的水準，哪車仔有可能得冠軍嗎？
未必可以！若果這兩隊對中、下游球隊的比賽都順利贏出，便不會出現被車仔拋離的情況，誰可摘冠仍不得而知 … …
4. 若果阿巴莫域治從也沒有「灌水」，哪車仔有可能得冠軍嗎？
機會很微(甚至可以說沒有)！這個不用多解釋，若果沒有他的財力，近兩年車仔的球員、教練及職員絕大多數均不會出現於今天的車仔。但是要註明一點，有龐大財力支持的球隊也不一定可以摘冠，皇馬便是上佳的例子(用這隊球隊作負面例子實有點無奈 … … )
因此，阿巴莫或治的財力的確提供了一個絕佳的基礎(非直接因素)讓車仔比較容易得到成功(若果錢真的是萬能，為何車仔會於歐聯負於利記？)；但要是沒有雲里阿里和摩連奴的執教及俱質素的球員加入，再加上其他強隊的水準不穩，車仔決不可以如此輕易得到聯賽冠軍！
車仔得勢，天人使然！
[quote]Originally posted by [i]ciger[/i] at 2005-7-6 02:22 AM:
泰利,卡華路--馬甸尼,尼斯達,蘇甘保,佩奧爾,簡拿華路
林柏特--施丹,細哨,列基美,卡卡,尼維特
馬基利尼--艾馬臣,韋拉,堅尼,馬昆斯,謝拉特
洛賓,就真係冇乜
以上唔敢講好過,不過唔會差過,... [/quote]
泰利,卡華路--[color=Red]馬甸尼[/color],尼斯達,[color=Red]蘇甘保[/color],佩奧爾,簡拿華路
馬甸尼今年貴更呀?如果你仲覺得佢好得,咁早4,5年前佢咪勁到前無古人?
蘇甘保而家係國家隊個位好可能爭輸比terry!
林柏特同施丹,細哨,卡卡根本吾同類型,列基美,尼維特係左路比較多!
如果要講,加維臣果類同佢會似d
皇馬早前已經用行動証明左比大家睇林柏特而家係個"市"度有幾top!!
馬基利尼從來係被忽視既一人,我可以好大膽咁講,皇馬呢2年既失敗同佢之離去有直接既關係!!
[color=Blue]洛賓[/color],就真係冇乜
洛賓早已經比大家捧到天咁高,其實單係同隊既杜夫已經吾會差過佢!
除左terry同林柏特,車仔買d人番黎果時,d人已經成左名架啦!
like 洛賓,卡華路,費拉拿,杜夫,杜奧巴,馬基利尼,j.cole
我見你第2d post 用90年代ac黎比,其實邊會存在"單靠金錢"既成功先?
要成功當然要有實力,又要發揮得到同有運!
但如果無俄國佬,車仔根本無力一爭!!
點解成日話好多好錢可以令車仔成功呢?
其實唔係針對佢...
學大家所講,其實攪波當然要用錢,
大把球會都係咁,好似皇馬,曼聯,ac,國米等富豪球會...
只係今時今日佢哋講錢的話絶對冇得比...
特別係國米,成日都會話佢一樣駛咁多,
不過佢一定冇能力一季買咁多人,(佢係十幾年以來累積駛得多)
皇馬都係一年一星咋,曼聯都只係每年買一件特別勁,好似雲佬,里奧,朗尼等
但係車仔只要佢想的話,一季十個八個冇問題啦!
我會覺得呢個係佢咁快成功o既主因!
另外就算其他球會用咁多錢,
但通常個營運架構都ok的,好似曼聯(年年搵咁多),ac,阿仙奴(唔起球場有錢賺架),祖記
同埋佢哋都會控制個薪酬架構...所以佢哋買賣球員都無可厚非吖!
但你睇下車仔,就知佢完全唔需要考慮呢啲問題,(真係一年唔知冇幾多億)
(我估暫時得佢一間球會可以咁玩,如果其他球會學佢咁實死冇生)
所以先話佢無限金錢大晒...
最後想話其實車仔响雲尼亞里最後一季已經慢慢進步的,
歐冠四強,英超亞軍...佢o既班底係成功o既後盾!
(唔好忘記佢為球隊所带黎o既野,靜係識話佢有幾差啦....)
[quote]Originally posted by [i]---fans[/i] at 2005-7-6 11:41 PM:
泰利,卡華路--[color=Red]馬甸尼[... [/quote]
馬基利尼激死皇馬(皇馬主席問題)
不過我覺得里奧好似勁過泰利=.=
卡華路下下殺出黎,根本就係車仔死穴
其實我覺得車仔唔算強,係有運扲冠軍都係對手問題=.=
聯賽盃就差唔多係謝生老烏送的(根本唔直得贏)
聯賽:曼聯遲遲未齊人,雲佬傷足半季,軒斯打美洲盃遲左1個月先返,李奧就停賽,又遲一個月,季初失分太多.....
阿記慘在冇錢,後備不足,出場球員雖然果果傅殺,但一有人傷就慘,要用d年青球員打,而且打法單一,不過好夠哂睇.....
ac 90年代初一定係貴買球員,不過ac一早就勁,唔同暴發戶車路士,車路士d錢係
阿布一個人比,ac果d錢係球會本生得回的,根本同車仔唔同
馬甸尼今年貴更呀?如果你仲覺得佢好得,咁早4,5年前佢咪勁到前無古人?
如果年齡=表現,咁我都好波過施丹啦,馬甸尼在02年WORLD CUP歷史最佳陣容都當選,當時只得3個後衛入選,係投票結果話佢係WORLD CUP歷史上最佳3人
林柏特同施丹,細哨,卡卡根本吾同類型
但係同位置吖嗎,你打進攻中場冇腳法唔識扭波係你嘅事,但大家都係進攻中場施丹,細哨,卡卡表現就定唔比林柏特遜色
除左terry同林柏特,車仔買d人番黎果時,d人已經成左名架啦!
like 洛賓,卡華路,費拉拿,杜夫,杜奧巴,馬基利尼,j.cole
你好像睇唔明我過post,我係話車仔冇(超級)球星like施丹,大細哨,費高等呢d球皇級,冇話佢地唔出名,唔係球星
其實呢D都係其次,邊個打得好唔同人有唔同眼光,反而係有人話車仔成功(只係)有錢,你計身價皇馬一定比車仔高,但成績就差好遠,車仔班球員依季付出咁多努力,你地因為佢個領隊口賤而否定佢地,對車仔班球員唔係好公平
AC d錢係佢地個班主,即係現任意大利總理(唔記得叫咩名)比,佢係傳媒大亨當年身家唔差得過阿布好多
[quote]Originally posted by [i]---fans[/i] at 2005-7-6 01:03 AM:
[color=Blue][size=6]完全吾同意你地... [/quote]
杜奧巴卡華路等等好球員! E句就唔認同
[quote]Originally posted by [i]ciger[/i] at 2005-7-7 12:55 AM:
馬甸尼今年貴更呀?如果你仲覺得佢好得... [/quote]
你都識講02年,你去睇下個月曆今年0幾啦!
中場中都有分好多位置,如果你要將咁多類型都歸為一類,你o岩
但係單係施丹同加維臣,古迪呢d已經有好吾同既責任!吾可以當一個中場位咁簡單!!
我由一個post已經讚佢地打得好,亦無沒煞佢地,你可以上去睇番!
我吾同佢地,我吾覺摩連奴口好賤,我覺得佢好風趣添!
不過如果要講到車仔成功因數,講1萬次都係[size=6][color=Blue]錢[/color][/size]
因為個因果係咁....
有錢先可以搵到摩連奴,有錢先可以買到而家呢班球星,
繼而佢教得好,球員打得好係後話!!
車仔如果吾係俄國佬注資根本無今時今日!
你吾鐘意都無計,係先後問題,如果係一早呢班人,佢再收購就同錢無關係!!
[quote]Originally posted by [i]25131988k[/i] at 2005-7-7 01:30 AM:
杜奧巴卡華路等等好球員! E句就唔認同 [/quote]
見人見智,不過果d大球會同領隊已經答左你佢地係咪好波...
其實總結黎講，車仔成功既主要因素係錢
但係有錢得黎都要運用得宜先可以取得成功
講完:)