如何做到精成所致金石為開?(細蚊入一入)
[quote]版主,見你開呢個topic,我即刻諗起我個friend 中四單野...
我中四有個friend,叫阿B,(完全唔靚仔,個樣木木獨獨,一睇就知係個磨碌黎,但又有dd肌肉,),
鐘意左同班架女仔(係幾靚女,上過Yes雜誌)
阿B同我地幾個friend都係幾friend底
當然佢敢木獨,當時架佢都係做嗰個比我地玩架,帶比我地玩架主角啦..
我地緊知道佢鐘意人地啦,我地個個都笑佢慳d
阿B有次好認真敢問我地呢幾個有女朋友架friend過橋比佢追女
當時架我梗係玩野啦,求其講話送禮物,接送放學呀,打電話問候佢呀呢"行"野橋比佢啦
不過佢份人就天生樂觀,當放學嗰時佢真係都會送個女仔番去(正確係跟佢番去)
初頭個女仔雖然無話佢,但都完全唔會理佢
個女仔自顧自同佢d女同學仔一齊,佢就跟係隔離唔出聲,個女仔都叫佢唔好送,
講明唔會鐘意佢,但佢都照日日送,
敢我地呢班賤精梗係係遠遠架後面跟住睇吓啦,幾過癮
送左一個月之後架一日
奇蹟架事就敢發生左
有一日個女仔如常被佢送番屋企..我地又好遠敢跟係後面睇吓有咩好笑野啦
當個女仔行到一條樓梯架時候,樓梯最低個級有灘沙係上面(應該係d裝修佬留低)
個女仔行到條樓梯中間時,而阿B仲係梯頂,
佢就發揮佢以為好英雄feel架舉動,
就係由梯頂一跳,跳落去梯底,諗住先一步扶住個女仔啦,等佢唔好跌親
大家唔好笑,佢真係諗住扮型,所以想一跳就跳到落梯底,
等可以係個女仔面前威吓 ---> (我都話佢磨碌架啦,無講錯架)
跟住佢當場就好中唔中,佢自己先比d沙"線"左落地下,
我地係後面真係笑到仆街....
但阿B佢雖然係坐左落地下,佢仲同個女仔講: { 你小心d,呢度有沙 }
係我地笑緊之際,個女仔竟然問你有無事呀,而且仲扶起左佢,問佢有無事
個女仔係第一次係番屋企架時候開聲”彩”佢
阿B就話: {唔緊要,最緊要係你無事}
個女仔用手扶左佢起身之後,阿B就好似開左曉敢
捉住個女仔隻手無放開過啦,跟住個女仔就笑左一吓
就油佢拖住無再叫佢放開,佢一直送賣個尾段,仲入左佢個女仔屋企一陣
大家記住,當時係我地眼中真係一個奇蹟,我地萬萬都估唔到個女仔會比阿B拖住
Impossible!!!!!!!!!!!!!!!!!(點會磨碌仔溝到靚女)
我地係佢地入左屋,準備散水時,大家都你眼望我眼,呆左,唔敢相信
最後大家都知啦,佢地真係拍左拖,仲拍左3年tim
於是我地就知個女仔架死穴係要一個隨時係身邊照料佢架feel,唔係要靚仔
自此之後,我就覺得做男仔想追人係靠嗰吓付出,
無話什麼癩哈毛想食天鵝肉架事
最重要你嗰吓令唔令到個女仔好感動
就係嗰吓ga ja
我覺得每個女仔都有一個死穴,睇你拮唔拮得中架ja,明唔明佢嗰刻要d乜
跟本就無分靚女難追d,醜女易追d
有d女仔死穴係安全感
有d係要保護到佢
有d係要個男仔有經濟能力
有d係要同佢架背景和經歷相似架人
有d係要anytime比到關心佢
so我地得出架結論就係
追一個女仔係首先你要知道佢架死穴係乜,敢追佢就容易好多
各位兄弟,話比大家知
今年我23歲,大家睇我個樣都唔細啦
阿B今時今日佢仍然同我好friend
當然啦,佢依家絕對唔磨碌
曾經追到條靚女令佢自信心大增左N倍啦
呢個pt真係比佢串番我地轉頭
我地幾個人架女友都無佢嗰個禁靚
阿B,真係好多謝你,你教識我做人追女仔都係一樣,
未試過之前唔好打沉自己先,邊個話無可能呀,你有無盡過力先?
[/quote]
[quote]
Nothing Impossible
我地女仔最重視個男仔有無誠意
精成所致，金石為開
[/quote]
各女士~當你係果個女主角喇~你果時都講明唔鍾意果個男~
又叫佢唔好再送你~但佢仲係咁送你你唔會覺得煩咩~
如果你覺得佢煩連朋友都唔想同佢做喇~點做情侶呀??
唔知你地get唔get到我想講咩??希望各女士可教下小弟喇~
[[i] Last edited by wengmc on 2005-7-8 at 10:56 AM [/i]] 好post!!有正面意識,引此為鑑!!受用!受用!!有深道的主題令人直暢快!! 其實我之前都有試過送個女仔返學~
之後送左幾日就唔俾我送話咩唔鍾意我~
之後就冇咩點理我~真係一時時囉~有時佢會主動同你講野~
但有時你同佢講野佢唔理你~有時你同佢講野又會理你~
教下我點做好喇~點先可以做到精成所致金石為開~ good example!! 我留言-- 精成所致,金石為開
係因為我好欣賞嗰個男仔架恆心
忍唔住要贊佢..
若果無發生"線"低嗰件事..可能個男仔一世都無機會
有時女仔真係會有一刻有嗰份感動
真係好講Timing
就係嗰刻可能有feel變左無feel
不過嗰個女仔係呢一個月可能不其然已經鐘意左佢都咪定
我記得以前有個ex都追左我半年..
我初頭真係對佢無乜好感
:(表白左一次我refuse左佢
不過佢真係對我好好
仲係我嗰年會考衰左好唔開心..:(
佢成日dun我開心番...
有一次佢送我番屋企..
我又係好唔開心..
佢突然同我講"如果你唔開心,要發洩吓,你可以打吓我黎發洩"
跟住佢捉住左我隻手,拉左我隻手係佢個胸口輕輕打左幾吓
我就笑佢傻..佢就話唔係講笑,係認真架
真係唔知點解就係嗰吓就對佢開始有feel
:)覺得嗰時佢真係好體貼..但係唔知點解..平時佢都好體貼
唔知點解嗰晚覺得佢好特別..可能自己嗰日好軟弱掛..
so timing係好重要
如果你係我地女仔軟弱架時候對我地更加好
我地真係會好感動......
唔講啦...lunch time啦...我蛇左好耐la
:P 但係我已經畢左業喇~佢仲讀緊~
咁我好難知佢發生咩事~打俾佢又時聽時唔聽~
咁又應該點做好呀?又教下我喇~ **** 作者被禁止或刪除 內容自動屏蔽 ****
頁:
[1]